ချဲလ်ဆီးအသင်းဟာ ချန်ပီယံဆုဖလားတွေနဲ့အတူ လန်ဒန်မြို့မှာ မေ ၂၅ ရက်က လှည့်လည် အောင်ပွဲခံခဲ့ပါတယ်။ ချဲလ်ဆီးရဲ့ အောင်ပွဲခံတဲ့ အခမ်းအနားကို လန်ဒန်မြို့ခံ ပရိတ်သတ်တွေ ထောင်နဲ့ချီပြီး ပါဝင် ဆင်နွှဲခဲ့ပါတယ်။ လန်ဒန်အခြေစိုက် ချဲလ်ဆီးဟာ ဒီနှစ်ဘောလုံးရာသီမှာ ပရီးမီးယားလိဂ် ချန်ပီယံဆုနဲ့ လိဂ်ဖလား ချန်ပီယံဆုတွေကို ဆွတ်ခူးထားပါတယ်။ ပရီးမီးယားလိဂ် ရာသီသိမ်းချိန်မှာ အပြာရောင်တပ်သားတွေရဲ့အသင်းဟာ အမှတ်ပေးဇယားရဲ့ ဒုတိယနေရာက မန်စီးတီးကို ၈ မှတ်ဖြတ်ပြီး ချန်ပီယံ ဖြစ်ခဲ့တာပါ။ ချဲလ်ဆီးဟာ ၂၀၁၀ နောက်ပုိုင်းမှာ ချန်ပီယံဆုတွေကို တကျော့ပြန် နည်းပြ မော်ရင်ဟိုနဲ့အတူ ရယူနိုင်တာပါ။ အသက် ၃၇ နှစ် ၀ါရင့်တုိုက်စစ်မှူး ဒရော့ဘာကတော့ အသင်းကို စွန့်ခွာတော့မှာ ဖြစ်ပါတယ်။ ဂိုးသမား ပီတာချက်လည်း အသင်းပြောင်းဖို့ နီးစပ်နေပါတယ်။ အသင်းခေါင်းဆောင် ဂျွန် တယ်ရီကတော့ ဆုဖလားကို ပြန်လည် ရယူနိုင်ဖို့ ၅ နှစ်တောင် စောင့်ခဲ့ရပြီးမှ လမ်းမပေါ်ကို ပြန်ထွက်လာနိုင်တာ ဖြစ်တယ်လို့ပြောဆိုသွားပါတယ်။ ချဲလ်ဆီးအတွက်တော့ ပရီးမီးယားလိဂ် ချန်ပီယံဆုကို အသင်းရဲ့သက်တမ်းတလျှောက်မှာ ၅ ကြိမ်မြောက် ရယူနိုင်တာ ဖြစ်ပါတယ်။ [gallery ids="94559,94560,94561,94562,94563"]