ရီးရဲလ်မက်ဒရစ်အသင်းက နည်းပြ ကာလို့စ် အန်ဆယ်လော့တီကို နည်းပြအဖြစ်ကနေ ထုတ်ပယ်လိုက် ပါတယ်။ ဒီနှစ် ဘောလုံးရာသီအတွင်းမှာ ရီးရဲလ်အသင်းဟာ စပိန်လာလီဂါ ချန်ပီယံဆုကို လက်လွတ်ခဲ့ရသလုို ချန်ပီယံလိဂ်ပြိုင်ပွဲနဲ့ စပိန်ဘုရင့်ဖလားပြိုင်ပွဲတွေမှာလည်း ဆီးမီးဖုိုင်နယ်အဆင့်ကနေ လှည့်ပြန်ခဲ့ရပြီး ဖလားလက်မဲ့ ရာသီကုို ဖြတ်သန်း ခဲ့ရပါတယ်။ ရီးရဲလ်အသင်း ဥက္ကဋ္ဌ ဖလောရန်တီ ပီရက်ဇ်ကတော့ အခုလို ဆုံးဖြတ်ရတာ မလွယ်ကူကြောင်းနဲ့ ရီးရဲလ် အသင်းရဲ့ တောင်းဆိုမှုက မြင့်မားကြောင်း ပြောဆိုထားပါတယ်။ ရီးရဲလ်က နည်းပြ အန်ဆယ်လော့တီကုို ၃ နှစ်စာချုပ်နဲ့ ခေါ်ယူထားပြီး လာမယ့် ရာသီအကုန်မှာ စာချုပ် သက်တမ်း ပြည့်မှာပါ။ သူဟာ ရီးရဲလ်ကုို စတင် ကုိုင်တွယ်တဲ့ ၂၀၁၃၊ ၂၀၁၄ ခုနှစ် ဘောလုံးရာသီမှာ အသင်းကို စပိန်ဘုရင့်ဖလားနဲ့ ၁၀ ကြိမ်မြောက်အဖြစ် ချန်ပီယံလိဂ် ဖလားကို ရယူပေးနိုင်ခဲ့ပါတယ်။ စပိန် မီဒီယာတွေကတော့ အထုတ်ခံရတဲ့ နည်းပြ အန်ဆယ်လော့တီရဲ့ နေရာမှာ အီတလီ စီးရီးအေ အသင်းနည်းပြ ရာဖေး ဘင်နီတတ်ဇ်ကို အစားထိုးလိမ့်မယ်ဆုိုပြီး ခန့်မှန်းနေပါတယ်။ ရီးရဲလ်အသင်းရဲ့ ဥက္ကဋ္ဌ ပီရက်ဇ်ကတော့ နည်းပြသစ်ရဲ့ နာမည်စာရင်းကုို လာမယ့် အပတ်ထဲမှာ ကြေညာ သွားမှာ ဖြစ်ပါတယ်။