မြန်မာ့ဆန်စပါးအထွက်နှုန်းတိုးရန် မဟာဗျူဟာ ချမှတ်ဆောင်ရွက်
DVB
·
May 21, 2015
မြန်မာ့ဆန်စပါးကဏ္ဍ ဖွံ့ဖြိုးတိုးတက်ရေးမဟာဗျူဟာ အစီအမံအရ မြန်မာနိုင်ငံရဲ့ ဆန်စပါး ထုတ်လုပ်မှုကို ၂၀၃၀ ခုနှစ်တွင် ဆန်စပါး ဟက်တာ ၇ ဒသမ ၇ သန်း (ဧက ၁၉ သန်း) စိုက်ပျိုးပြီး အထွက်နှုန်း တစ်ဟက်တာလျှင် ၄ ဒသမ ၁ မက်ထရစ်တန် ထွက်ရှိနိုင်ဖို့ မျှော်မှန်းထားကြောင်း လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနက သတင်းထုတ်ပြန် လိုက်သည်။
မေလ ၂၀ ရက်နေ့က နေပြည်တော်ရှိ စိုက်ပျိုးရေး သုတေသန ဦးစီးဌာနတွင်လည်း မြန်မာ့ဆန်စပါးကဏ္ဍ ဖွံ့ဖြိုးတိုးတက်ရေးမဟာဗျူဟာ အစီအမံစတင်ဖွင့်လှစ်ပွဲ အခမ်းအနားကို ပြုလုပ်ခဲ့ပြီး သတင်းထုတ်ပြန်လိုက်တာဖြစ်ပါတယ်။
မြန်မာနိုင်ငံဟာ ပြည်တွင်းစားသုံးမှုအတွက် မက်ထရစ်တန် ၉ ဒသမ ၉ သန်းနဲ့ ပြည်ပ တင်ပို့ဖို့ မက်ထရစ်တန် ၆ သန်း စုစုပေါင်း ဆန် မက်ထရစ်တန် ၁၇ ဒသမ ၇ သန်း ထွက်ရှိနိုင်ဖို့ မြန်မာ့ ဆန်စပါးကဏ္ဍ ဖွံ့ဖြိုးတိုးတက်ရေး မဟာဗျူဟာ အစီအမံကို ရေးဆွဲထားခြင်းဖြစ်တယ်လို့ သိရပါတယ်။
ဒါ့အပြင် မဟာဗျူဟာ အစီအမံ စတင်ဖွင့်လှစ်ခြင်း အခမ်းအနားမှာတော့ သမ္မတ ဦးသိန်းစိန်ကို အပြည်ပြည်ဆိုင်ရာ ဆန်စပါး သုတေသနဌာန (IRRI)ကနေ ရွှေစပါးနှံ ဂုဏ်ပြုဆု ချီးမြှင့်ခြင်း အခမ်းအနားကိုပါ ပြုလုပ်ခဲ့ပါတယ်။