လှေစီးဒုက္ခသည်များအရေး ၃ နိုင်ငံ ဆွေးနွေး

ဒုက္ခသည်များ (ဓာတ်ပုံ - အေအက်ဖ်ပီ)
မလေးရှား၊ ထိုင်းနဲ့ အင်ဒိုနီးရှားနိုင်ငံခြားရေးဝန်ကြီးတွေဟာ မလေးရှားနိုင်ငံ ပူထရာဂျာယာမှာ ဒီနေ့ တွေ့ဆုံပြီး မြန်မာနိုင်ငံနဲ့ ဘင်္ဂလားဒေ့ရ်ှနိုင်ငံတို့ကနေ လှေစီးထွက်ပြေးလာသူတွေ အများကြီးပေါ်လာတဲ့ကိစ္စနဲ့ ပတ်သက်ပြီး ဆွေးနွေးနေကြပါတယ်။ အဲဒီ ၃ နိုင်ငံဟာ ပြီးခဲ့တဲ့သီတင်းပတ်တွေက လှေစီးဒုက္ခသည် ၃၀၀၀ နီးပါးလောက်ကို ကယ်တင်ပြီး ကမ်းပေါ်အတက်ခံခဲ့ပါတယ်။ မေ ၂၀ ရက်နေ့အစောပိုင်းကလည်း အင်ဒိုနီးရှားနိုင်ငံရဲ့ ဆူမားတြားကျွန်း ကမ်းရိုးတန်းမှာ လူရာပေါင်းများစွာကို ကယ်တင်ခဲ့ပါသေးတယ်။ ထိုင်းနိုင်ငံမှာ လူကုန်ကူးမှု နှိမ်နင်းရေး လုပ်ဆောင်လာပြီးနောက်မှာ သူတို့တွေကို ပင်လယ်ထဲ အမျှောခံရမှာကိုလည်း သူတို့က ကြောက်ရွံ့နေကြပါတယ်။ လူတွေ ရာနဲ့ချီ တင်ဆောင်ထားတဲ့ လှေတွေပေါ်မှာ အစာရေစာ ငတ်ပြတ်ပြီး ပင်ပန်းနွမ်းနယ်နေတဲ့ ဒုက္ခသည်တွေကို မောင်းထုတ်ခဲ့ကြပြီးနောက်မှာ သူတို့တွေကို ကမ်းကပ်ခွင့်ပေးဖို့ နိုင်ငံတကာက အဲဒီ ထိုင်း၊ မလေး၊ အင်ဒို ၃ နိုင်ငံကို ဖိအားတွေ ၀ိုင်းပေးခဲ့ကြပါတယ်။ ဘင်္ဂလားဒေ့ရ်ှကနေ ရောက်ရှိလာသူတွေဟာ သူတို့ရဲ့ ဆင်းရဲတဲ့နိုင်ငံတွေကနေ စီးပွားရှာဖို့ ထွက်လာခဲ့ကြတာ ဖြစ်ပြီး၊ မြန်မာနိုင်ငံကနေ လာသူတွေကတော့ လူနည်းစု မွတ်ဆလင်ရိုဟင်ဂျာတွေကို ဖိနှိပ် ခွဲခြားဆက်ဆံကြလို့ ထွက်ပြေးလာသူတွေ ဖြစ်တယ် လို့ ယူဆနေကြပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up