နီပေါငလျင်ကြောင့် လူသေဆုံးမှု အမြင့်မားဆုံး စံချိန်သစ်တင်

နီပေါနိုင်ငံတွင်း အကြီးစား ငလျင် ၂ ခုကြောင့် ဟိမဝန္တာတောင်တန်းနိုင်ငံလေးမှာ ကပ်ဘေးတွေအတွင်း လူသေဆုံးမှု အမြင့်မားဆုံး စံချိန်သစ် ဖြစ်သွားခဲ့ပါတယ်။ ပြီးခဲ့တဲ့ ဧပြီ ၂၅ ရက်နေ့က လှုပ်ခတ်ခဲ့တဲ့ အင်အား ရစ်ချတ်တာစကေးလ် ၇.၈ ရှိတဲ့ ငလျင်ကြောင့် ထောင်နဲ့ ချီတဲ့လူတွေ သေဆုံးပြီး ကျေးလက်ဒေသတွေမှာ အရေးပေါ် ဆေးဘက် အစောင့်အရှောက်တွေ မရနိုင် ဖြစ်ခဲ့တာပါ။ A man feeds pigeons near the debris of a collapsed temple after the earthquake in Kathmanduငလျင်ကြောင့် နာလံထူစမှာ နီပေါနိုင်ငံ မြို့တော် ခတ္တမန္ဒူရဲ့ အရှေ့ဘက် ၄၇ မိုင်အကွာကို ဗဟိုပြုပြီး အကြီးစား ငလျင်တရပ် ဒုတိယအကြိမ် ထပ်လှုပ်ခဲ့ပါတယ်။ ဒါကြောင့် လူအယောက် ၇ သောင်း ၆ ထောင် ဒဏ်ရာရခဲ့ပြီး ထောင်သောင်းချီနေတဲ့ အိမ်တွေ၊ ဘုရားတွေ၊ အထိမ်းအမှတ် ပြတိုက်တွေနဲ့ ရှေးဟောင်းဘုရားကျောင်းတွေ ပြိုကျ ပျက်စီးခဲ့ပါတယ်။   ပြည်ထဲရေးဝန်ကြီးဌာနက ငလျင် ၂ ရပ်ပေါင်း သေဆုံးသူ ဦးရေ ၈၅၈၃ ယောက်ရှိပြီလို့ မေ ၁၈ ရက်နေ့က သတင်းထုတ်ပြန်ပါတယ်။ အိမ်ခြေ ၅ သိန်းကျော် လုံးဝပြိုကျခဲ့ပြီး အိမ်ခြေ ၃ သိန်းကျော်က တစိတ်တပိုင်း ပျက်စီးခဲ့တယ်။ အစိုးရ အဆောက်အဦ ၁၀၀၀ နီးပါး လုံးဝ ပြိုကျခဲ့တယ်လို့ နီပေါဝန်ကြီးချုပ် ဆူရှီလ် ကွိုင်ရာလာက ပြီးခဲ့တဲ့ မေ ၁၇ ရက်နေ့က ပြောပါတယ်။ ဒုတိယငလျင်ကြောင့် ခတ္တမန္ဒူမြို့တော် အရှေ့ဘက် ဒိုလာခါခရိုင်မှာ မြေပြိုမှု ဒါဇင်ပေါင်းများစွာ ပြိုကျခဲ့လို့ ဝေးလံသီခေါင်တဲ့ ရွာတွေဆီ သွားတဲ့လမ်းတွေ ပိတ်ကုန်ပါတယ်။ ဒေသခံတွေကတော့ ငလျင် ၂ ခုကြောင့် နိုင်ငံခြားသား ၅၈ ယောက် သေဆုံးတယ် နိုင်ငံတွင်းက ထွက်ခွာချိန်မှာ အာဏာပိုင်တွေနဲ့ စာရင်းမသွင်းတဲ့ ကျောပိုးအိတ် ခရီးသည်တွေ ဖြစ်နိုင်တဲ့ နိုင်ငံခြားသား ၁၁၂ ယောက်လည်း ပျောက်ဆုံးနေတယ်လို့ မေ ၁၇ ရက်နေ့က ပြောခဲ့ပါတယ်။ ပထမ ငလျင်အပြီး သီတင်းပတ် ၃ ပတ် အထိ ဒုတိယငလျင်အပြီး မြေပြင်တုန်ခါမှု အသေးစားတွေ တိုင်းပြည်တလွှား လှုပ်ခတ် နေခဲ့ပါတယ်။ နီပေါနိုင်ငံတွင်း ၁၉၃၄ ခုနှစ်က ငလျင်ကြောင့် လူအယောက် ၈၅၁၉ ယောက် သေဆုံးခဲ့ဖူးပါတယ်။

More News
Up