လှေစီးဒုက္ခသည်များထဲတွင် မြန်မာနိုင်ငံသားဖြစ်ကြောင်း သက်သေပြနိုင်လျှင် ပြန်ခေါ်မည်
DVB
·
May 19, 2015
အရှေ့တောင်အာရှ ဒေသတွင်းမှာ ပြဿနာတရပ်လုို ဖြစ်လာနေတဲ့ လှေစီးဒုက္ခသည်တွေထဲမှာ မြန်မာနုိုင်ငံက လာတယ်လုို့ အထောက်အထား ပြနုိုင်ရင် စိစစ်ပြီး ပြန်လည်ခေါ်ယူမယ်လုို့ ပြန်ကြားရေးဝန်ကြီး ဦးရဲထွဋ်က ပြောဆုိုလုိုက်ပါတယ်။
အစုိုးရအဖွဲ့ဝင် ၀န်ကြီးတွေနဲ့ နုိုင်ငံတကာ သံတမန်တွေ ၂ လတကြိမ် တွေ့ဆုံတဲ့ ဆွေးနွေးပွဲကုို ရန်ကုန်မြို့ မြန်မာငြိမ်းချမ်းရေးစင်တာမှာ မေလ ၁၈ ရက်နေ့က ပြုလုပ်တုန်းမှာ ပြောဆုိုလုိုက်တာပါ။
သံတမန်တွေက လက်ရှိ နုိုင်ငံရေး အခြေအနေ၊ အပစ်ခတ်ရပ်စဲရေး၊ ယာယီ သက်သေခံ လက်မှတ် ကိစ္စနဲ့ ဒေသတွင်းမှာ ပြဿ နာ ဖြစ်နေတဲ့ ထုိုင်း၊ မလေးရှားနဲ့ အင်ဒုိုနီးရှား ကမ်းလွန် ပင်လယ်ပြင်မှာ ဒုက္ခရောက်နေတဲ့ ဘင်္ဂလားဒေ့ရ်ှနဲ့ ရုိုဟင်ဂျာတုို့အရေးကုို မေးမြန်းခဲ့ပါတယ်။
ပြန်ကြားရေးဝန်ကြီး ဦးရဲထွဋ်ကတော့ လှေစီးဒုက္ခသည်တွေဟာ ရခုိုင်ပြည်နယ်မှာ ဖြစ်ပေါ်နေတဲ့ အခြေအနေတွေကြောင့် မဟုတ်ဘဲ လူကုန်ကူးမှု ပြဿ နာတွေရဲ့ အကျိုးဆက်သာ ဖြစ်တယ်လုို့ ပြောပါတယ်။
လှေစီးဒုက္ခသည်တွေ အရေးနဲ့ပက်သက်ပြီး နုိုင်ငံတကာရဲ့ စုိုးရိမ်ပူပန်မှုကုို နားလည်ပြီး မြန်မာနုိုင်ငံအပေါ် အပြစ်ပုံချနေမယ့်အစား ဒေသတွင်းနုိုင်ငံတွေ ၀ုိုင်းဝန်းအဖြေရှာဖို့ လုိုအပ်ကြောင်း ဦးရဲထွဋ်က ပြောဆုိုသွားပါတယ်။