ခွေးတကောင်မှ စွန့်ပစ်ကလေးငယ်ကို ကိုက်ချီ ကယ်ဆယ်
DVB
·
May 5, 2015
ထိုင်းနိုင်ငံအလယ်ပိုင်း ချွန်းပူရီခရိုင် ချွန်းပူရီမြို့မှာ စွန့်ပစ်ခံရတဲ့ မွေးကင်းစ ကလေးငယ်ကို ခွေးမတကောင်က ကိုက်ချီကယ်ဆယ်ခဲ့တယ်လို့ ထိုင်းရတ်သတင်းမှာ ဖော်ပြပါတယ်။
ပြီးခဲ့တဲ့ မေ ၃ ရက် ည ၉ နာရီခွဲအချိန်က ဆမစ်ရပ်ကွက် ဖတ်ထနားဗျူးအိမ်ယာနားမှာ စွန့်ပစ်ခံရတဲ့ မွေးစကလေးတယောက် တွေ့ရှိကြောင်း သတင်းပေးချက်အရ ကယ်ဆယ်ရေး အဖွဲ့တွေနဲ့အတူ အဲဒီကလေးငယ်ကို သွားခေါ်ခဲ့တယ်လို့ ဆမစ်ရဲစခန်း တာဝန်ကျရဲမှူး ဗိုလ်မှူးပရထစ်ပ်ထောင်း ဒီးက သတင်းထောက်တွေကို ပြောပြပါတယ်။
ကလေးငယ်ကို စတင်တွေ့ရှိသူ နိုင်းနွဲ့ ဆိုသူက ရဲတပ်ဖွဲ့ကို ပြောပြရာမှာ အဲဒီညက ဆိုင်ကယ်နဲ့ အပြင်သွားပြီးအပြန် ရပ်ကွက်အမှိုက်ပုံနားမှာ ခွေး ၃ ကောင်က တခုခုလုနေတာ မြင်ရကြောင်း၊ အနီးရောက်တော့ ကလေးငိုသံပါ ကြားလို့ ဆိုင်ကယ်ရပ်ပြီး ကြည့်နေစဉ် ခွေးတကောင်က ကလေးငယ်ကို ကိုက်ချီလာပြီး ၁၀ မီတာအကွာ အိမ်ယာအရှေ့နား လာချထားတာ မြင်တဲ့ အတွက် ရဲစခန်းကို ဖုန်းဆက်အကြောင်းကြားတာလို့ ဆိုပါတယ်။
ကယ်ဆယ်ရေးအဖွဲ့ဝင်တွေက ကလေးငယ်ကို စစ်ဆေးရာမှာ မိန်းကလေးဖြစ်ပြီး ဖြူတဲ့ အသားအရေ ရှိကြောင်း ၊ သူ့တကိုယ်လုံး ခွေးကိုက်ရာတွေနဲ့ ပြည့်နေပေမယ့် အသက်ရှင်လျက် တွေ့ရှိရတယ်လို့ ဆိုပါတယ်။
ကလေးလာစွန့်ပစ်သူကို တရားဥပဒေအရ အရေးယူနိုင်ဖို့ အဲဒီအနီးတ၀ိုက်က စောင့်ကြည့် ကင်မရာတွေကို စစ်ဆေးလျက်ရှိကြောင်း၊ ကလေးငယ်ကို ကိုက်ချီပြီး လူနေအိမ်နား လာ ချထားပေးတဲ့ (နုံးဆွတ်) အမည်ရှိ ခွေးမကိုတော့ မြို့နယ်ရဲမှူးက ခွေးလည်ပတ်တခုကို လက်ဆောင်ပေးကာ ကြက်ကင်ဝယ်ကျွေးပြီး ဆုချခဲ့တယ်လို့ သတင်းမှာ ဖော်ပြသွားပါတယ်။