Live
Home
ဆောင်းပါး
မေတ္တာမိုးရေ
DVB
·
May 3, 2015
နွယ်ပန်းသွယ်တန်း၊ ခြူးသန်းယှက်လိန် ပြာရီမိလ္လာ မြခဲပုလဲသန်္တာ... တိမ်ဆေးစုံ၊ ခြယ်လှယ်မှုန်းကာ .... ထစ်ချုန်းတံပိုး၊ မရိုးစည်၊ ဆော်ညိုးညံ၊ သာညင်းသာ .... မေဃ၀န်ရေတံခွန် ... မေတ်္တာမိုး၊ သွန်းဖြိုးစွေကာရွာ .... (မြို့မငြိမ်း - မေတ္တာမိုးရေ) တကယ်တော့ အညာဒေသမှာက ကဆုန်ဆိုတာ ခြစ်ခြစ်တောက်အပူရှိန်ဖြင့် ဆွေ့ဆွေ့ခုန်နေရသော ကာလ ဖြစ်သည်။“ကဆုန် နယုန် စွေ့စွေ့ခုန်” သတဲ့ ။ “နယုန်မိုးသေး၊ မြက်သားမွေး” တဲ့။ နယုန်ရောက်ပါမှ မိုးဖွဲဖွဲ ရွာစေသည်။ အခုတော့ ... မုန်တိုင်းများပြီး မိုးကြီးမှာတဲ့...။ မပြောမဆိုနှင့် မိုးသားတွေ အုံ့မှိုင်းဆိုင်းတက်လာချင် လာတတ်သည်။ သည်လိုဆိုလျှင် ရန်ကင်းတောင်နှင့် ရိုးမကြားကောက်ကြောင်း ပျောက်ကာ ခဲသားရောင်ထူ ပြိန်းနေတတ်သည်။ အရင်ကတော့ ကဆုန်လဆန်း ၁၄ ရက် သဲပုံစေတီပွဲ အခါသမယမှာသာ မိုးရွာသည်ဟု လူကြီးသူမတွေ ပြောခဲ့ဖူး၏။ အခုတော့ မဟုတ်ပေါင်...။ မရွာမှနေရော..၊ ရွာပြန်လျှင်လည်း ရွာပုံရွာနည်းကလည်း အရင်က ရွာပုံမျိုး မဟုတ်တော့ ....။ မထင်မှတ်ဘဲ ရုတ်ချည်းတိုက်စစ်ဆင် လာပုံမျိုးဖြစ်သည်။ “ရှစ်ခွင်တိုင်း အုံ့မှိုင်းမည်းညို” ဟု ပြောရမလို ....။ ဒေါသတကြီး ....။ အသူရာနှင့် သိကြားမင်း စစ်ခင်းပုံကလည်း ပြီးမပြီးနိုင် ....။ အခုလို မိုးတွေညို့လာရင်ဖြင့် ... တံစက်မြိတ်မှ မိုးစက်ဖြောက်ဖြောက်သံတွင် အမေ့ရင်ခွင်ကြား တိုးဝှေ့ပြီး “အသူရာနှင့်သိကြား” စီးချင်းထိုးကြ ...၊ အုံနှင့်ကျင်းနှင့် အသိုင်းနှင့်အ၀န်းနှင့် စစ်ခင်းကြသည့် ပုံပြင်ကို နားထောင်ရတာ အရသာ ရှိလှသည်။ ငယ်ငယ်ကတည်းက စစ်ပွဲ ....။ အခုထိ မပြီးစီးနိုင်တော့ ...၊ ကျနော် အသက်ပဲ ၅၀ ကျော်ပြီ။ နှစ် ၄၀ ကျော်စစ်ပွဲက မပြီးသေး....။ သိကြားမင်း သူ့ဝရဇိန်လက်နက်ကို ပန်းထိမ်မှာ ပြင်ထား လေသလား ဟု အငေါ်တူးစကား ဆိုလာသူတွေကို ချေပလိုဟန်ထင့်။ ထစ်ခနဲရှိ ...အသူရာကိုပင် တဒိန်းဒိန်းပစ်ခတ်နေပြန်၏။ ကောင်းကင်တခွင်လုံးဝင်းခနဲ လက်ခနဲ ....။ ထို့နောက် ထစ်ချုန်းသံတွေ ပေါက်ကွဲမြည်ဟည်း ...။ အရင်က မိုးကလေးစိမ့်တာနှင့် အိမ်ပိတ်၊ ဆိုင်ပိတ်၊ ကျောင်းနား၊ အလုပ်နားကာ မိုးကို မုန်းမိုးစွေခဲ့သော မန်္တလေးလည်း အခုတော့ ဘာတတ်နိုင်သေးလဲ ...။ မိုးရွာလို့ အလုပ်နားရမည်ဆိုလျှင် ပါးစပ်ယင်မောင်းနေပေရော့ ....။ သည်မိုးမှောင်တုန်း မောင်ပုန်းလို့လည်း မရ ...။ ပြိုမှာလေလား မိုးရဲ့လို့ ငြိုးမာန်ဖွဲ့လို့လည်းမရ ...။ မိုးရွာထဲမှာလည်း စားသုတ်သုတ်၊ သွားသုတ်သုတ်၊ လာသုတ်သုတ်...၊ အလုပ်လုပ်ပေဦးရော .....။ မိုးအေးသောကြောင့် အပူလျော့သည်။ ဒါက ၀မ်းသာစရာ .....။ မိုးအေးသောကြောင့် ဆည်ရေကန်ချောင်းပြည့်ဖောင်းသည်။ ဒါလည်း ၀မ်းသာစရာ ...။မိုးအေးသောကြောင့် မီးရေးထင်းရေး စိတ်အေးရ၏။ဒါလည်း ၀မ်းသာစရာ .....။ မိုးကြောင့် ရုပ်ဝတ်္ထုအပူတွေလျော့ပါး၊ အေးမြသွားတာ ၀မ်းသာစရာချည်းဖြစ်၏။ သည်မိုးကြောင့် ရင်တွင်းအပူတွေလည်း လျော့ပါးစေချင်သည်။ သည်မိုးကြောင့် လောဘအပူ၊ မောဟအပူ၊ ဒေါသအပူတွေလည်း လျော့ပါးစေချင်၏။ လျော့ပါး ....၊ လျော့ပါး ....၊ ဖြည်းဖြည်းချင်းပျောက်ကွယ်.....။ ဒါမှ ... မေတ္တာမိုးရေအစစ်အမှန်ဖြစ်ချေမည်။ မိုး .... မိုး .... ရွာလိုက်ပါတော့ မိုး .....။ ရွာသောမိုးတိုင်း မေတ္တာမိုးရေမိုးစက်များချည်းဖြစ်လိုက်စမ်းပါဘိ ....။ ဂျိုးဂျိုးဂျိမ့်ဂျိမ့် ထစ်ချုန်းမြည်ဟည်းလာပြန်သည်။ ၀ရဇိန်လက်နက်က တ၀င်းဝင်း ....၊ အသူရာနှင့် သိကြားမင်းလည်း စစ်ခင်း၍ မပြီးနိုင်သေး ....။ ကြာပဲကြာလှချည့် ......။ ။ မည်သို့ဆိုစေ.. ၊ နှစ်ဆန်းမှာ မေတ်္တာ မိုးရေ ဖြိုင်ဖြိုင် သွန်းဖြိုးစေလိုသည်။ နွယ်ပန်းသွယ်တန်း ခြူးသန်းယှက်လိန် ပြာရီမိလ္လာ မြခဲပုလဲသန်္တာ... တိမ်ဆေးစုံ၊ ခြယ်လှယ်မှုန်းကာ .... ထစ်ချုန်းတံပိုး၊ မရိုးစည်၊ ဆော်ညိုးညံ၊ သာညင်းသာ .... မေဃ၀န်ရေတံခွန် ... မေတ္တာမိုး၊ သွန်းဖြိုးစွေကာရွာ .... သဘာဝအကြည်နှိုင်းတဲ့ကာ သားမျိုးငှက်မျိုးအပေါင်းတို့ပါ ချစ်တေးအေးအေးမြမြသီကာသီကာ ပျော်ရွှင်ကြတာ… ပသာဒစက္ခုရှုခင်း တောတောင်ရေမြေသာသာယာယာ ခက်ဖြာညွန့် ဝေမိုးရေစွတ်ဖျန်း လန်းဆန်းစိုပြေစွာ..။ သြဒိသရည်ရွယ်ပတ္တနာ မေတ္တာရေထူးမိုးသို့နူးကာ အပူမောင်းထုတ်နှင်မှာ အစဉ်ချမ်းမြေ့ကြည်သာ… လိုတရ စိတ်တိုင်းကျကာ သောကကင်းဝေးမာမာဆာဆာ ကိုယ်စိတ်ချမ်းသာ ဆင့်ကာမြင့်လျက် တိုးတက် ကျက်သရေဖြာ..။ (မြို့မငြိမ်း- မေတ္တာမိုးရေ) မြို့မငြိမ်းက မြို့မအသင်းအတွက် မေတ္တာပို့သီချင်း ၄ပုဒ် ရေးစပ်ပေးခဲ့သည်။ အဆိုပါ ၄ ပုဒ်မှာ ၁-ပို့သမြို့မေတ္တာ (မေတ္တာပို့အမှတ်-၁)၊ မေတ္တာမိုးရေ (မေတ္တာပို့အမှတ်-၂)၊ ထပ်တရာလန်း (မေတ္တာပို့အမှတ်-၃)၊စန်းကြည်(မေတ္တာပို့အမှတ်-၄)တို့ဖြစ်ပါသည်။ မိုးဆီသို့ “ရွာလုဟန်လို့ နေနန်းတိမ်ခိုခို ဘာပြုမဲ့မာန်ပို၊ မိုးညိုတိမ်ကြီး … ဆီးလို့လေ … ဝေစီစီ …၊ ရွှေဖီညှာ ညွတ်ကယ်၊ ပန်းဝတ်ကသင်း။ အာကာယံ၊ မြလျှံညိုလဲ့ ဆိုင်းလို့လေ …၊ မြိုင်ရဂုံ၊ မှုန်မှုန်ငွေနှင်းငယ် … လွမ်းလေက ညှင်း …။” မြ၀တီမင်းကြီး ဦးစက “ဘုံပျံနေနန်း” ပတ်ပျိုးကြီးထဲတွင် မိုးဥတုကို အထက်ပါအတိုင်း ဖွဲ့ဆိုခဲ့၏။ “ဘုံပျံနေနန်း” ပတ်ပျိုးကြီးထဲတွင် မိုးကိုသာမဟုတ်၊ နွေကိုရော …၊ ဆောင်းကိုရော … ပီပြင်စွာ ဖွဲ့ခဲ့သည်။ ၁၉၃၀ ၀န်းကျင်ကာလ မန္တလေး က ဂီတအမြင်ကျယ် လူငယ်လေးတွေ ဥရောပဂန္ထ၀င် တေးကြီးဘွဲ့ကြီးများ စတင်ထိတွေ့လိုက်စားကြတော့ ဗီသိုဗင်၏ ဆင်ဖိုနီ နံပါတ် ၅ ကို အားထုတ်နားဆင်ရင်း ရာသီဘွဲ့ အသံသဘောတရားများကို တီးခေါက်မိကြသည်။ ဗီသိုဗင်ကလည်း Winter, Autumn, Spreing, Summer ဟူသော ဥရောပ ၄ရာသီကို ဂီတဖြင့် ဖွဲ့သီခဲ့သည် မဟုတ်ပါလော …။ Winter ဟူသော ဆောင်းမှာ ဆောင်းနှင့် လိုက်ဖက်သည့် တယော၏ အတွဲ့အနွဲ့ …၊ Autumn ဆောင်းအ၀င် သစ် ရွက်တွေ ကြွေချိန် ဘယ်သံကလယ်ရီနက်၊ ဘတ်(စ)ဆန်း စသည့် ငြီးငွေ့ဖွယ် အသံများ …၊ Spring ဟူသည့် မိုးရာသီမှာ မိုး ဓာတ်နှင့် သစ်ရွက်နုလေးတွေ တဖြည်းဖြည်း ထွက်ပြူလာပြီး ငှက်ကလေးတွေ တီတီတာတာ ပျော်မြူးလာကြချိန်၊ အသွား ဆော့ အသွားနော့လေးတွေနှင့် ညာသံတယောနှင့် မြူးမြူးကြွကြွ တေးသံ …။ Summer နွေဥတုရောက်ပြန်တော့ နွေသရုပ် ကို ဖော်သည့် Brass Saction Tuba ကို ထရန်ဘုန်း၏ ခြိမ်းခြောက်သံများနှင့် ဆင်ဖိုနီအရသာကို မန္တလေးလူငယ်လေးတစ်စု သဘောခွေ့ပြီး၊ အရသာတွေ့သွားကြသည်။ သည်တော့ … မန္တလေးသားများပီပီ မဟာဂီတကို အရိုးအသားထိ လေ့လာလိုက်စားကြသူများမို့ ဗီသိုဗင်၏ ဂီတကို နားဆင်သဘောပေါက်သွားသည်နှင့် သူတို့ တက်ယူရရှိထားသည့် “ဘုံပျံနေနန်း” သီချင်းကြီးထဲက မြ၀တီမင်းကြီး ဦးစ၏ “နွေ၊ မိုး၊ ဆောင်း” ရာသီဘွဲ့များကို ပြေးမြင်မိကြတော့သည်။ ၀ါသနာရှင် အဆင့်မျှသာမက ပါရမီရှင်များမို့ “ငါတို့လည်း လုပ် လို့ရတာပဲ” ဟူသော ဘ၀င်စိတ်က ခေါင်ခိုက်လာကြသည်။ “ဘုံပျံနေနန်း” အစပိုင်းထဲက … “ညွှန်းမပြေလို့၊ နေခက်အောင် သာ၊ နတ်ကယ် ဘယ့်နှယ်ဖန်လာရေး၊ ရွှေညာဥ့်လွှာရုံ ခြုံလည်း ချမ်းဝန်လေး …” အပိုဒ်နှင့် “သော်တာပေါ်လာ၊ ရောင်ယွက် ဖြာကွန့်၊ စကြာစုံစုံရွှေ၊ သီဝေမျှော်ကာ၊ ဖြာယှက်ရောင်ဝှန့်၊ သာလွန်ပူမြဲ ပန်းလှမ်းနိုင် …” အပိုဒ်တို့ကို တယောအုပ်စုနှင့် လွမ်းချင်း …၊ “မြမြမောင်းမောင်း၊ ပြာအညိုရွှေ၊ တိမ်ခြေငွေနှင်းပေါင်း၊ ဝေစီစီ လေပြည်လေညှင်း၊ လုံနိုင်အောင်သာ …” အစ ချီ အပိုဒ်မှာ တူဘာ(Tuba) တို့၊ ထရန်ဘုန်း (Trombon) တို့၏ အခြိမ်းအခြောက်နှင့်အတူ “ငှက်သံညံစီစီ၊ ပင်ညီဝေ …၊ ရွှေ ဖီခိုင်ညာလန်း၊ မြမြမြန်းမြန်း၊ ငုံပြေပြေ မြိုင်လုံး လွမ်းဖွယ်ဆွေ …” စသော အပိုဒ်မှာ တယော၊ ကလယ်ရီနက်၊ ထရမ်ပက်တို့ နှင့် မြူးပြ၊ ဆော့ပြချင်လာကြသည်။ မြ၀တီမင်းကြီး၏ စာသားများကို တစ်လုံးစီ၊ တစ်ကြောင်းစီ၊ တစ်ပိုဒ်စီ နားထောင်ခံစား ခြင်းထက်၊ ဂီတအသံဖြင့် နက်ရှိုင်းစွာ ဖွဲ့သီစပ်ဟပ်ပြခြင်းကို ဆောင်ရွက်လိုးလာကြသည်။ ဘီသိုဗင်၏ ဆင်ဖိုနီ အမှတ် ၅ နား ထောင်ခံစား သုံးသပ်ပြီးကတည်းက ထိုလူငယ်လေးတွေမှာ အိပ်မက်တွေ ကိုယ်စီကိုယ်စီနှင့် တက်ကြွနေကြတော့၏။ ရှေ့တော်ပြေးဝင်းက ပန်းချီကိုဘသက်တဲ့ …၊ တရုတ်တန်းက ကိုဘညိန်းတဲ့ …၊ ဓားတန်းရပ်က ကိုဘဒင်တဲ့ …၊ ကိုသန့် (ခေါ်) ကိုမောင်မောင်တဲ့ …၊ ရှုမ၀ပန်းချီဆရာ ကိုဘငွေတဲ့၊ ကိုဘအုန်းတဲ့၊ ကိုဘကြင်တဲ့၊ ဆိုင်းတန်းက ကိုမြသိန်းတဲ့၊ ဒေါင်းရိုးက ကိုရင်လေးတဲ့ …။ ကိုယ်စီကိုယ်စီ ကျွမ်းကျင်သော တယော၊ ဘင်ဂျို၊ မယ်ဒလင်၊ လက်ဆွဲဘာဂျာ၊ ပုလွေ စသော တူရိယာများအပြင်၊ ၀ါသနာရှင် ဦးတော်လုံဆိုသူ တရုတ်အမျိုးသား အပေါင်ဆိုင်ပိုင်ရှင်၏ ကောနက်တွေ၊ ထရမ်ပက်တွေ၊ ကလယ်ရီနက်တွေ၊ ဆိုက်ဆိုဖုန်းတွေ၊ ထရန်ဘုန်းတွေ စသည့် စသည့် တူရိယာပစ္စည်းတွေ ရရှိ ကျွမ်းဝင်လာကြတော့ ကနဦး မက်ခဲ့သော “ဆင်ဖိုနီ အိပ်မက်ကို” ကို အကောင်အထည်ဖော်နိုင်ဖို့ လမ်းပွင့်လာသည့်သဘော ဖြစ်တော့သည်။ ထို့နေ့က … ကဆုန်၊ နယုန်၏ မိုးဦးလေဦး ကာလဖြစ်မှာပေါ့ … x x x x x သင်္ကြန်ပြီးကတည်းက အတွေ့စိပ်လာသော ဂီတပါရမီရှင်လူငယ်လေးတွေက အခုတစ်လော မနက်လင်းတာနှင့် အောင်ပင်လယ်ကွင်း ကန်လယ်မှာရှိသော ဘကြီးစိန်တိုက်မှာ စုမိနေကြသည်။ ယဉ်ပျံရွာ ထန်းတောက ပုစွန်ဆိတ်ခုန်နှင့် ကြွက်ကြော်လည်း ပါနိုင်တာပေါ့။ ဓားတန်းကိုသန့်နှင့် ၀မ်းကွဲညီအစ်ကိုဝမ်းကွဲတော်စပ်သူ ဘကြီးစိန်က လူ့ဘ၀ လူ့လောက ကို ဂျစ်ကန်ကန် အရွဲ့တိုက်နေချင်သူပီပီ၊ လူသူ ကင်းဝေးသည့် အောင်ပင်လယ်ကွင်း ကန်လယ်ရှိ ခြံကြီးထဲမှာ တစ်ထပ် အုတ်တိုက်လေးမှာပဲ ခပ်ပျော်ပျော်နေသည်။ သင်္ကြန်အပြီး မိုးဖြိုင်ဖြိုင် မကျခင် ပူပြင်းလှသော မန္တလေးနွေကို ခုခံဖို့က ဂီတ ပါရမီရှင် လူငယ်လေးတွေအဖို့ ပုစွန်ဆိတ်ခုန်နှင့် ဘကြီးစိန်ခြံက လိုက်ဖက်ညီသည် မဟုတ်ပါလား …။ ကွင်းပေါ်က လေက အပူကို ဖယ်ထုတ်သည်။ တပြန့်တပြော ကွင်းထဲမှာ ပျိုးခင်းနှင့် ရိုးပြတ်တွေ ရှိမည်၊ အိပ်တန်း ပြန် ကျေးငှက်တွေရှိမည်။ လှည်းစာမထိုး၍ ကျီကျီအီသော လှည်းဝန်ရိုးသံရှိမည်။ နွားကျောင်းသား၏ နွားငေါက်သံရှိမည်။ ကောက်ရိုးတင်ခါးပြတ်မြင်းလှည်းဆီက စည်းချက်ကျ မြင်းခွာသံ ခွပ်ခွပ်ရှိမည်။ ဟိုး …. အရှေ့ ရိုးမအခြေမှ ပျပျမျှ မြင်ရ သော ရန်ကင်းတောင်တော်ရှိမည်။ ဒီထက်ပိုပူလာရင် ကွင်းထဲက ပန်းဆေးချောင်းထဲ ရေစိမ်နေရုံပေါ့ …။ အဲသည်မှာ အဲသည်လူစု အဲသလို စုမိကြရင်း အရှိန်လေးရလာတော့ “ဆင်ဖိုနီအိပ်မက်” က ရှင်ပြန်နိုးထလာပြန် သပေါ့လေ …။ ကနဦး မိုးကို ခံစားဖွဲ့ချင်ကြသတဲ့ …။ မြ၀တီမင်းကြီး ဦးစ၏ ဘုံပျံနေနန်းထဲက မိုးသာမက “အာကာယံက” မိုးဘွဲ့၊ “အို … ကမ်းလေ ရေယမုန်” မိုးဘွဲ့၊ “မိုးလုံးပတ်လည်” ပတ်ပျိုးတို့က “မိုး” တွေအထိ အိပ်မက်ခြေဆန့်ကြည့်ကြ သည်။ ဒါပေမင့် … ကိုဘညိန်းက ကိုယ်ပိုင် မိုးဘွဲ့ လိုချင်သတဲ့လေ …။ ကိုဘညိန်းအဆိုကို အားလုံးက လက်မထောင်လိုက် ကြ၏။ “နိပ်သဟ…”။ ကိုင်း … ဒါဆို၊ မိုးကို ခံစားပြီးမှ ရေးဖွဲ့တာက အရသာရှိမှာပေါ့။ အခုလို သွေးပူနေတုန်းလေး … မိုးကို ခံစားချင်ဘိ။ ခွကျတာက ဒီမှာ မိုးရိပ်မိုးယောင်မျှ မမြင်…။ ပူတယ်လေ … ဆယ်နေကဲ။ မဖြစ်ချေဘူး …။ မိုးကို လတ်တလော စိတ်ဆာနေ တဲ့ အာသီသက ဘယ်လိုမှ ဖျောက်ဖျက်လို့ မရနိုင်တော့ …။ ဒီနေရာမှာ မိုးမရှိတော့ …။ မိုးရှိတဲ့နေရာ ကိုယ်က သွားရုံပေါ့။ ဘာခဲယဉ်းမလဲ။ ဒီလို စိတ်ကူးကြံစည်ဆဲ …။ အောင်ပင်လယ်ကွင်းထဲမှာ သုတ်ခနဲ တိုက်လာသော လေကလေးကို မထင် မှတ်ဘဲ ထိတွေ့လိုက်ရသည်။ အားလုံးမျက်ဝန်းမှာ တူညီသော ခံစားမှုတစ်ခု ရလိုက်ပါပကော …။ မိုးနံ့ …။ ဟုတ်သည်။ မိုးရနံ့ကို ပါးပါးလေး သယ်ဆောင်လာတဲ့ မိုးသက်လေ …။ အားလုံးမှာ မတိုင်ပင်ရဘဲ မိုးဆီသွားကြဖို့ ကိုသန့်၏ ဗောက်ဝက် ဂွန်ကားလေးပေါ် တက်လိုက်ကြသည်။ ကိုဘညိန်းက အကြံပေး၏။ ဘီလမ်းရိုးလ်တိုက်မှာ လိုတာတွေ ၀ယ်သွားရအောင်တဲ့။ ဟုတ်တာပေါ့ …။ မိုးနှင့်တွေ့ဖို့က အဲဒါတွေ လိုအပ်သည်။ နေဗီကပ် စီးကရက်သံဗူး၊ ဒိန်းမတ်ချိစ်၊ ပရွမ်းဆီးသီးခြောက်၊ ဘရန်ဒီအိတ်ရှေ နံပါတ် ၁၊ အဲလီးဖင့် စတော့ဘီယာ၊ ရုံတော်ကြီး မန္တလေးစားပွဲရုံက ဘဲကင်၊ နံကင်၊ ခေါက်ဆွဲကြော် …။ ဤသို့ဖြင့် … x x x x x ကဆုန်လမို့ ခပ်ပွင့်ပွင့်ပူသော နေမှာ အမှတ်မထင်ဝေ့၀ိုက်လာသည့် မိုးသက်လေကလေးကို ၀မ်းပန်းတသာ ငံ့လင့် မိကြသည်။ ထိုစဉ်က မန္တလေး၏တောင်ဘက်ဆုံးအစွန်သည် မန္တလေးတက္ကသိုလ်ပဲ ဖြစ်မည်။ အေလမ်းကျော်တာနှင့် ရတနာပုံခေတ်ကတည်းက တည်ရှိခဲ့သော ၀င်းခြံကျယ်ကျယ်တွင် နွားချေးမြေနီကျံထားသည့် တထပ်အိမ်ကလေးတွေ အစုအဝေးနှင့် ပုဏ္ဏားရွာရှိမည်။ ပြီးတော့ ရေနီမြောင်း.. စိုက်ခင်းပျိုးခင်းနှင့် ဗောဓိကုန်းရပ်ကွက်၊ ထို့နောက်... ဗန်းမော်ဘုန်းကြီးကျောင်းတိုက်၊ ပြီးတော့ စိုက်ပျိုးရေးရုံးမှတဖြစ်လဲ မန္တလေးတက္ကသိုလ်ဝင်း..။ ဒါ..မြို့ပြဧရိယာ အဆုံးဖြစ်သည်။ တက္ကသိုလ်တောင်ဘက် တံခွန်တိုင် …၊ တောင်မြင့်၊ ဒုဋ္ဌ၀တီတံတား …၊ သည်အထိ မိုးနှင့် မတွေ့ရသေး …။ မိုးရေ …၊ ဘယ်ဆီမှာလဲလေ …။ အားမလျှော့သေး …၊ ဒုဋ္ဌ၀တီတံတားကို ကျော်ပြီး၊ မြစ်ငယ် …၊ ပုလိပ် …။ ဟော … မိုးက မဝေး တော့…၊ အားလုံးမှာ ပျော်မြူး အားတက်သွားကြသည်။ ရှေ့မှာ ကျောက်ဆည် …။ ရွှေသာလျောင်းတောင်ခြေရင်းက ကျောက်ဆည်မှာ မိုးကို ခြေရာခံမိပါပေါ့ …။ မိုးရေ …၊ ဘယ်ပြေးမလဲလေ …။ ဒီလိုနှင့် ကျောက်ဆည်လွန်သည်နှင့် မိုးသက် လေက ပြင်းလာ၏။ မိုးသားက ပိုညို့လာသည်။ မည်းနက်နေသော အဝေးပြေးကတ္တရာ လမ်းမက ဟိုး...တောင်ဆီ ရေပြင်ညီ ဆုံမှတ်မှာ မိုးသားနှင့် ရောသွားသည်။ ကားပေါ်ပါလာသူအားလုံး ပျော်မြူးသွားကြပါပကော...။ မိုးက...ရှေ့မှာ လေး ဖာလုံအကွာ မှတ်တိုင်လေးတွေ ဆယ်စုသုံးလေးစုကျော် ရိပ်ခနဲ ရိပ်ခနဲ ကျော်အပြီး မိုးစက်လေးတွေ မျက်နှာလာစင်၏။ ဖြည်းဖြည်းချင်း ပိုမိုများပြားလာသည်။ ကားရှေ့မှန်က ရေသုတ်တံကို လှုပ်ရှားစေမှ မြင်ကွင်းက ကြည်လင်လာသည်။ မိုးကလည်း ပီပြင်လာသည်။ “တော်သင့်ပြီထင်ရဲ့”ဟု အသက်ဝါအကြီးဆုံး ကိုဘသက်က ပြောပြီး ကားလေးကို လမ်းဘေးချကာ ဖြည်းဖြည်းချင်းရပ်လိုက်သည်။ ငါးဦးသား ကားပေါ်က ဆင်း၊ ရိုးလ်တိုက်က ၀ယ်လာသည့် ပစ္စည်းတွေချ..။ လမ်းနှင့်လွတ်ရာ ကွက်လပ်တစ်ခုမှာ ပါလာသည့် စားပွဲခင်းပြီး ပုလင်းအသီးသီးဖွင့်လိုက်ကြ၏. မိုးက သည်းခနဲ၊ မည်းခနဲ.. ။ မျက်နှာပေါ် ဒလဟောဆင်းလာသည့် မိုးရေတွေကို နဖူးဆီမှ လက်ဖြင့် သပ်ချရင်း ခပ်လှမ်းလှမ်းဆီ မျှော်ကြည့်လိုက်တော့ ရှမ်းရိုးမက မိုးရေထဲ ကိုယ်ယောင်ပျောက်သွား၏။ လယ်ကွင်းတွေထဲ မိုးမြားတန်တို့ ဖြိုင်ဖြိုင်စိုက်ကျနေသည်။ စိမ်းနုသွေးပျိုးပင်တို့ မိုးရေ မော့သောက်နေတာ ဣနြေ္ဒမပျက် …။ ကိုဘညိန်းက ဖန်ခွက်ထဲက ပယင်းလဲ့လဲ့ကို မိုးရေနှင့် မွှေလိုက်ရင်း ဖျပ်ခနဲ အလင်းတစ်ချက်တောက်သွား၏။ ရပြီ။ မိုးနှင့် ချိန်ကိုက်ထားလေသလားမသိ..၊ အားလုံးစိမ်ပြေနပြေ စားသောက်ပြီးချိန်တွင် မိုးကလည်း အောင်မြင်စွာ ဆုတ်ခွာသွားပြန်ပေါ့၊ ရင်ထဲက အနွေးဓာတ်နှင့် မိုးရေစက်အေးစက်စက်၏ ပဋိပက္ခတွေက ချိုမြနေ၏။ အားလုံးမှ သွက်လက် ပေါ့ပါးသွားကြသည်။ အရက်မူးစရာမလို..၊ စိတ်မူးလျှင် တော်ပြီ။ အရွှင်ဓာတ်ကလေးများရကာ အူမြူးကုန်ကြ၏။ စားပြီး သောက်ပြီး ကျန်သည့် ပစ္စည်းများကို သည်အတိုင်း ထားရစ်ခဲ့ကြသည်။ “ကံကောင်းသူများ ဆက်လက် သုံးဆောင်ကြပါ။ ဤပစ္စည်းများသည် သန့်ရှင်းသောပစ္စည်းများဖြစ်ပါသည်။ ကျနော်တို့တတွေ ပြည့်စုံခဲ့ကြပါပြီ။ မန္တလေးမြို့မ” ဟု စာလေးတစ်စောင်လည်း သေချာရေးထားခဲ့သည်။ ပြီးပြီ....။ ဒါပဲလေ....။ တကယ်တော့ မပြီး.... ။ အနုပညာသည်၏ နှလုံးသားက ထိခိုက်လွယ်သည်။ မိုးကိုချစ်သော သူတစ်စု က.. မိုးရှိရာ အပြေးအလွှားသွားတွေ့၊ ခံစားပြီး အပြန်တွင် ကိုဘညိန်းရင်ထဲမှ အနုပညာပုလဲရတနာတစ်ဥကို မွေးဖွား ပေးနိုင်ခဲ့၏။ ကိုဘညိန်းဆိုတာ နှယ်နှယ်ရရမှ မဟုတ်တာ မြို့မငြိမ်းတဲ့လေ..။ အခု သူ့အနုပညာပုလဲဥမျှ..။ “ရွာစွေ မိုးဖြိုက်ဖြိုက် ခါပေပျိုးစိုက်စိုက် ရှစ်သန်းငယ် တစ်ခို အုံ့မှိုင်းညို ခင်ပျိုလွမ်းလှိုက်လှိုက် တိမ်တိုက်ကယ်အမှောင်.... လေယူဆောင်လို့... တောင်ဆီကညို ပြိုတော့မည်။ - မှောင်ပြာတောင်ယာ လယ်တောခြေ မှိုင်းညို့ဝေ ဆိုင်းလို့နေ အို … လွမ်းဖွယ်စေ ပြိုင်တန်း မှောင်ဝေ ဟင်းရွက်စုံပေါ တောခြေ၊ ရွှေချဉ်ပေါင်တွေ ခင်းစုံတဲ့မြေ ကင်းပုံ ငရုတ်ပင်တွေ မိုးဦးကစွေစွေ မမယ်ခေါ် ပျော်ပျော်ကြဲတဲ့ သည်ပျိုး မိုးရေအောင်စေ - မိုးရေထဲ မယ့်ကိုရွှဲ နွံတွေပေ၊ သို့ပေမယ့်လည်း နေသာပြီဘူးလေ မောင်ရေ ပျိုးပင် ငယ်စိုက် ကြင်ဆွေ၊ ကြည်ဖြူ နွှဲလို့ အတူနေ မြို့ကြီးမှာ ဘယ်သောခါ ကြင်ရေးသာ မျှော်မိပေ။ - ဖြိုင်ဖြိုင်မိုး ရွာသွန်သွန် ဖြိုးဝေ ဖြိုးဝေ၊ စွေမစဲ သဲသဲမဲမဲနေ ခဲမကျေ လယ်ကန်သင်းဆယ်ရင်း ဖေါ်တစ်သင်း အော်သီချင်း သည်လယ် သည်မြေ သည်ရေ စည်ပေ စိမ်းလဲ့ ယိမ်းနွဲ့ တိမ်းငဲ့နေ၊ မိုးရေထဲ မယ့်ကိုရွှဲ နွံတွေပေ သို့ပေမယ့်လည်း နေသာပြီဘူးလေ မောင်ရေ ပျိုးပင် ငယ် စိုက် ကြင်ဆွေ၊ ကြည်ဖြူ နွှဲလို့တူနေ မြို့ကြီးမှာ ဘယ်သောခါ ကြင်ရေးသာ မျှော်မိပေ။ ဆူးငှက်

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024