လုပ်ခတိုးမြှင့်ရေး ကမ္ဘောဒီးယား အလုပ်သမားများ ဆန္ဒပြ

ဓာတ်ပုံ - အေအက်ဖ်ပီ
ကမ္ဘောဒီယားနိုင်ငံ ဖနွမ်းပင်မြို့တော်မှာ အပြည်ပြည်ဆိုင်ရာ အလုပ်သမားနေ့ဖြစ်တဲ့ မေ ၁ ရက် ဒီနေ့မှာ သမဂ္ဂပေါင်းစုံက အလုပ်သမားတွေ ဆန္ဒပြခဲ့ကြပြီး အနည်းဆုံးလုပ်ခ တိုးမြှင့်ပေးရေးနဲ့ ကောင်းမွန်တဲ့ လုပ်ငန်းခွင်ရရှိရေးတို့ တောင်းဆိုခဲ့ကြပါတယ်။ အလုပ်သမားသမဂ္ဂ၀င်တွေနဲ့ အပါအ၀င် ဆန္ဒပြသူ ၂၀၀၀ လောက် ပါဝင်ဆန္ဒပြခဲ့ကြတယ်လို့ ဆန္ဒပြပွဲ ဦးဆောင်သူတွေက ဆိုပါတယ်။ ရုရှားသံရုံးကနေ ကမ္ဘောဒီးယားလွှတ်တော်အဆောက်အဦအထိ ချီတက်ခဲ့ကြပြီး အလုပ်သမားတွေ လက်မှတ်ထိုးတောင်းဆိုချက်တွေကို လွှတ်တော်ကို ပေးအပ်ခဲ့ပါတယ်။ အလုပ်သမားတွေရဲ့ တောင်းဆိုချက်တွေထဲမှာ အတည်ချုပ်အလုပ်သမားတွေရဲ့ အနည်းဆုံး လုပ်ခလစာငွေ ၁၇၇ ဒေါ်လာ သတ်မှတ်ပေးဖို့နဲ့ နိုင်ငံဝန်ထမ်းတွေအတွက် အနည်းဆုံးလခ ၂၅၀ ဒေါ်လာ ရရှိဖို့ အစိုးရက စီစဉ်ပေးဖို့လည်း ပါဝင်ပါတယ်။ ကမ္ဘောဒီယားနိုင်ငံမှာ လတ်တလောကုန်ဈေးနှုန်းတွေ ကြီးမြင့်နေပြီး လက်ရှိ အလုပ်သမားတွေရဲ့ လစာနဲ့ မိသားစုစာဝတ်နေရေး မလုံလောက်ဘူးလို့ အလုပ်သမားတွေက ပြောဆိုပါတယ်။ မေဒေးနေ့ အထိမ်းအမှတ် အလုပ်သးမာဆန္ဒပြပွဲအတွင်း ကောင်းမွန်တိုးတက်တဲ့ လုပ်ငန်းခွင် ရရှိရေး၊ လွတ်လပ်စွာအသင်းဖွဲ့စည်းခွင့်နဲ့ ပါဝင်ခွင့်၊ အလုပ်သမားနဲ့ သမဂ္ဂ၀င်တွေ အတွက် မျှတတဲ့တရားစီရင်ခွင့်ရရှိရေး စတဲ့ အလုပ်သမားအခြေခံအခွင့်အရေးတွေလည်း တောင်းဆိုခဲ့ကြပါတယ်။ မေ ၁ ရက်နေ့ ဆန္ဒပြပွဲကို နိုင်ငံတ၀ှမ်းက အသင်းအဖွဲ့ပေါင်းစုံ၊ သမဂ္ဂပေါင်းစုံက အလုပ်သမားတွေ တက်တက်ကြွကြွ ပူးပေါင်းပါဝင်ကြတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up