ဖားကန့်မြေပြို ၉ ဦးသေဆုံး၊ ၂ ဦးဒဏ်ရာရ
DVB
·
April 1, 2015
ကချင်ပြည်နယ် ဖားကန့်ဒေသမှာ မြေပြိုမှု ထပ်မံဖြစ်ပွားပြီး အမျိုးသား ၉ ဦး သေဆုံးကာ ၂ ဦးဒဏ်ရာရ သွားတယ်လို့ ဒီကနေ့ထုတ် နိုင်ငံပိုင်သတင်းစာတွေမှာ သတင်းထုတ်ပြန်ပါတယ်။
မတ်လ ၃၀ ရက် မနက်အစောပိုင်းက ဖားကန့်မြို့နယ် ဆွတ်အောင်ကျွေးရွာ အနီး ရာဇဌာနီ ကုမ္ပဏီရဲ့ စွန့်ပစ်မြေစာပုံမှာ ရေမဆေးကျောက်ရှာနေကြစဉ် အမြင့်ပေ ၃၀၀ လောက်ရှိတဲ့ မြေစာတွေ ရုတ်တရက်ပြိုကျခဲ့ တာကြောင့် လူတွေ ထိခိုက်ဒဏ်ရာရခဲ့တာလို့ ဆိုပါတယ်။
မြေစာပြိုကျမှုကြောင့် မြေသယ်ယာဉ် ၁ စီးနဲ့ ရေမဆေးကျောက်ရှာသူ အယောက် ၃၀ လောက်မြေစာတွေ ပိမိခဲ့ကြောင်းနဲ့ အမျိုသား ၉ ဦးရဲ့ အလောင်းတွေကို ရှာဖွေတွေ့ ရှိခဲ့တယ်လို့ သတင်းမှာ ရေးပါတယ်။
ပျောက်ဆုံးနေသူတွေကို ဖားကန့် မြို့နယ် ရဲတပ်ဖွဲ့နဲ့ အုပ်ချုပ်ရေးတာဝန်ဂရှိသူတွေက ဆက်လက်ရှာဖွေနေကြဆဲဖြစ်ပါတယ်။
ဖားကန့်ဒေသမှာ ပြီးခဲ့တဲ့ ဇန်န၀ါရီနဲ့ မတ်လဆန်းပိုင်းကလည်း မြေစာပုံ မတော်တဆ ပြိုကျမှုတွေ ဖြစ်ပွားခဲ့ပြီး ရေမဆေးကျောက်ရှာဖွေသူတွေ သေဆုံးပျောက်ဆုံးမှုရှိခဲ့ပါတယ်။