အာရှအကြီးဆုံးလမ်းပေါ်က ချန်ဂေ ပွဲတော် (သတင်းဓာတ်ပုံ)

အာရှအကြီးဆုံး လမ်းပေါ်မှာ ကပြဖျော်ဖြေပွဲနဲ့ အလှပြယာဉ်တွေ လှည့်လည်ပြသတဲ့ ချန်ဂေပွဲတော် စင်ကာပူနိုင်ငံမှာ ကျင်းပခဲ့ပါတယ်။ တရုတ်ရိုးရာ နတ်ဘုရားရဲ့ မွေးနေ့အဖြစ် ချန်ဂေ စီတန်းလှည့်လည်တဲ့ ပွဲတော်ကို အရှေ့တောင် အာရှ နိုင်ငံတွေ ဖြစ်တဲ့ မလေးရှားနဲ့ စင်ကာပူတို့မှာ ကျင်းပလေ့ရှိပါတယ်။ ချန်ဂေဆိုတာ အ၀တ်အစားနဲ့ အဆောင်အယောင် အနုပညာလို့ အဓိပ္ပာယ်ရပြီး ၁၉၇၃ ဖေဖော်ဝါရီ ၄ ရက်မှာ စင်ကာပူ ၀န်ကြီးချုပ်ဟောင်း လီကွမ်ယုက ကျင်းပပေးခဲ့တာ ဖြစ်ပါတယ်။ ၂၀၁၂ ခုနှစ်မှာ နှစ် ၄၀ အထိမ်းအမှတ်ကို ကျင်းပခဲ့သလို အခုဆိုရင် ဒီပွဲတော် ကျင်းပလာတာ ၄၃ နှစ်ရှိပြီ ဖြစ်ပါတယ်။ ဒီနေ့မှာတော့ ချန်ဂေ ပွဲတော်ဟာ စင်ကာပူရဲ့ နှစ်ကူး ရိုးရာ ပွဲတော် တခု ဖြစ်လာပါတယ်။ ဒီပွဲတော်ကို လပြက္ခဒိန် နှစ်ကူးပြီး ပထမဆုံး စနေ၊ တနင်္ဂနွေ အားလပ်ရက်မှာ ကျင်းပတာ ဖြစ်ပါတယ်။ နိုင်ငံတကာက အနုပညာရှင်တွေကိုလည်း ဖိတ်ကြား ကျင်းပလေ့ရှိတာလည်း ဖြစ်ပါတယ်။ သတင်း ဓာတ်ပုံ (ချန်ဂေ ၀က်ဆိုဒ်) [gallery ids="83727,83733,83721,83719,83730,83726,83720,83722,83723,83724,83725"]

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up