ရွှေနိုင်ငံလို့ တင်စားခေါ်ဝေါ်ကြတဲ့ မြန်မာနိုင်ငံဟာ ထူးခြားထင်ရှားပြီး နိုင်ငံခြားသားတွေအတွက် အနည်းဆုံးတော့ တသက်မှာ တကြိမ်တခါလောက်တော့ ရောက်ဖူးချင်စရာ ကောင်းလောက်တဲ့ နိုင်ငံတခု ဖြစ်ပါတယ်။ ဒီကနေ့ မြန်မာနိုင်ငံဟာ ထိုင်းနိုင်ငံရဲ့ လွန်ခဲ့တဲ့ ၂၅ နှစ်လောက်က အခြေအနေလိုပါပဲ လို့ အမေရိကန်သတင်းစာတစ်စောင်ရဲ့ ခရီးသွားကဏ္ဍမှာ ဖော်ပြထားပါတယ်။ အဲ့ဒီအချိန်တုန်းကတော့ ထိုင်းနိုင်ငံရဲ့ကမ်းခြေတွေမှာ ဈေးဆိုင်တန်းတွေ နေရာမယူထားသေးပါဘူး။ ဒါပေမယ့် အခြေအနေတွေက ပြောင်းလဲသွားတာ မြန်မြန်ဆန်ဆန်ပါပဲ။ မြန်မာနိုင်ငံရဲ့ ခရီးသွားလုပ်ငန်းတွေကတော့ လာမယ့်နှစ်တွေမှာ ပေါက်ကွဲလာမယ့် အခြေအနေဆီ ဦးတည်နေပါတယ်။ တကယ်တော့ မြန်မာ့ဟိုတယ်နှင့်ခရီးသွားလုပ်ငန်း ၀န်ကြီးဌာန ထုတ်ပြန်ချက် အရဆိုရင် ခရီးသွားလုပ်ငန်းအတွက် တံခါးတွေ ပထမဆုံး စဖွင့်ပေးလိုက်တဲ့ ၂၀၁၁ ခုနှစ်မှာ မြန်မာနိုင်ငံကို နိုင်ငံခြားဧည့်သည် ၈၁၆, ၃၆၉ ယောက် လာရောက်ခဲ့ပါတယ်။ ၂၀၁၅ ခုနှစ်ဆိုရင် ခရီးသွားဧည့်သည်ပေါင်း ၅ သန်းကျော် ၀င်ရောက်လာမယ်လို့ မှန်းထားတာပါ။ မြန်မာနိုင်ငံကို လာလည်မယ်ဆိုရင် ဒီအချိန်က အကောင်းဆုံးပဲလို့လည်း ဆိုကြပါတယ်။ အခုပဲ မြန်မာနိုင်ငံ ခရီးစဉ်ကိုဆွဲဖို့ အချိန်ရောက်ပြီလို့ ပြောရမယ့် အကြောင်းက ၅ ချက် ရှိပါတယ်။ ၁။ လူမျိုး မြန်မာလူမျိုးတွေဟာ အနောက်နိုင်ငံသားတွေကို ကြိုဆိုနေရုံသာ မကပဲ သူတို့ဟာ မယုံနိုင်စရာ ကောင်းလောက်အောင်ပဲ ရင်းနှီးဖော်ရွေကြပါတယ်။ သူတို့ဟာ ခရီးသွားဧည့်သည်တွေကို မြန်မာနိုင်ငံတ၀ှမ်း လိုလိုလားလား လိုက်ပြချင်ကြပါတယ်။ အင်္ဂလိပ်ဘာသာစကားကို လေ့ကျင့်ပြောဆိုရတာ သူတို့အတွက် အရေးပါလှပါတယ်။ ခရီးသည်တွေဆီကို ရင်ထဲကလာတဲ့ အပြုံးနဲ့ ချဉ်းကပ်လာပြီး “ဟဲလို၊ နာမည် ဘယ်လိုခေါ်ပါသလဲ” လို့ လာနှုတ်ဆက်ပါလိမ့်မယ်။ ၂။ ပုဂံ ဘုရားပုထိုးများ လွန်ခဲ့တဲ့ ၁၁ ရာစုခေတ်က စေတီပုထိုးပေါင်း ၃၀၀၀ ကျော်လောက် ရှိတဲ့ ပုဂံဟာ မြန်မာနိုင်ငံရဲ့ ရှေးဟောင်းမြို့တမြို့ ဖြစ်ပါတယ်။ ပုဂံမှာ စေတီပုထိုးတွေ အရေအတွက်က ခရီးသွားဧည့်သည်တွေထက် ပိုများနေတာကြောင့် ပုဂံဆိုတာ မြို့ ဆိုတာထက် တိတ်ဆိတ်နေတဲ့ ရွာတရွာနဲ့ ပိုတူပါတယ်။ ဒါကပဲ ပုဂံကို အိမ်နီးချင်း ကမ္ဘောဒီးယားနိုင်ငံက အန်ကောဒေသထက် ပိုကောင်းမွန်မယ့် အတွေ့အကြုံတွေ ရှာဖွေချင်စရာကောင်းနေပါတော့တယ်။ ၃။ ရွှေတိဂုံဘုရား ဉာဏ်တော်အမြင့် ပေပေါင်း ၃၆၀ နီးပါးရှိတဲ့ ရွှေတိဂုံဘုရားဟာ မြန်မာနိုင်ငံမှာ ဉာဏ်တော် အကြီးဆုံးနဲ့ အလေးအမြတ်အထားဆုံး ဗုဒ္ဓဘာသာ စေတီတစ်ခုဖြစ်ပါတယ်။ လွန်ခဲ့တဲ့ နှစ်ပေါင်း ၂၅၀၀ လောက်က တည်ထားခဲ့တဲ့ ရွှေတိဂုံစေတီတော်ကြီးကို ရာနဲ့ချီတဲ့ ရွှေပြားတွေ ဖုံးအုပ်ထားပါတယ်။ စေတီတော်ထိပ်ဖျားက ထီးတော်မှာဆိုရင် စိန်အလုံးပေါင်း ၅၀၀၀ ကျော်နဲ့ ပတ္တမြား၊ နီလာနဲ့ တခြားကျောက်မျက်ရတနာပေါင်း ၂၀၀၀ ကျော် ရှိပါတယ်။ ရွှေတိဂုံဘုရား တည်ရှိရာ ရန်ကုန်မြို့ဟာ လူနေအထူထပ်ဆုံးမြို့ဖြစ်ပြီး နိုင်ငံတကာခရီးသည်တွေ လာရောက်နိုင်မယ့် ရန်ကုန် အပြည်ပြည်ဆိုင်ရာလေဆိပ်လည်း ရှိပါတယ်။ ရွှေတိဂုံဘုရား သို့မဟုတ် မြန်မာနိုင်ငံက ဘယ်ဘုရားကိုမဆို ၀င်ရောက်လည်ပတ်တဲ့အချိန်မှာတော့ သင့်ဖိနပ်တွေ ချွတ်ထားဖို့နဲ့ ခြေထောက်တွေကို ဖုံးအုပ်ထားဖို့ လိုပါတယ်။ ဘောင်းဘီတို ၀တ်သွားမိရင်တော့ လုံချည်တွေ ငှားဝတ်ရပါလိမ့်မယ်။ ၄။ ရနိုင်တာတွေ သင့်အနေနဲ့ ကုန်ကျစရိတ် မများတဲ့ နိုင်ငံတကာ စွန့်စားခန်း ရှာနေတယ် ဆိုရင်တော့ မြန်မာနိုင်ငံကို ထိပ်ဆုံးမှာ စာရင်းထည့်ထားသင့်တာပေါ့။ တည်းခိုစရိတ်တွေ ကြီးမြင့်ဖောင်းပွပြီး ဟိုတယ်ခန်းတွေ ပြတ်လပ်သွားတာ၊ ခရီးသည်တွေ ရုတ်တရက် များလာတာတွေ ရှိနေချိန်မှာ မြန်မာနိုင်ငံခရီးစဉ်အတွင်း တရက်ကို ၁၅ ဒေါ်လာလောက်နဲ့ သက်တောင့်သက်သာ နေလို့ရပါတယ်။ ရိုးရာအစားအသောက်တွေကိုလည်း နေရာတိုင်းမှာ ဆင့် ၈၀ ကနေ ၃ ဒေါ်လာလောက်အထိနဲ့ ရောင်းချနေတာပါ။ မြို့တပတ် မိနစ် ၂၀ လောက် တက္ကစီ စီးမယ်ဆိုရင် ၂ ဒေါ်လာလောက် ကျသင့်ပါတယ်။ ဈေးတော့ ညှိရမှာပါ။ ၁ နာရီကြာ အနင်းအနှိပ် ဆိုရင် ၃ ဒေါ်လာခွဲလောက် ပေးရပါလိမ့်မယ်။ ဒေသထွက် မြန်မာဘီယာက ၁ ဒေါ်လာလောက် တန်ဖိုးကျသင့်ပါတယ်။ ၁၂ နာရီကြာ ရန်ကုန်-ပုဂံ ဘတ်စ်ကားခရီးက ၈ ဒေါ်လာလောက် ပေးခဲ့ရပါတယ်။ သိပ်အဆင်မပြေတာကတော့ ဈေးပေါပေါ တည်းခိုခန်းတွေ သိပ်မရှိပဲ၊ ဈေးနှုန်းက တညကို ဒေါ်လာ ၂၀ ပေးရပါတယ်။ ဟိုတယ်တွေနဲ့ အပန်းဖြေရိပ်သာတွေကတော့ တညကို ဒေါ်လာ ၅၀ ကနေ ၂၅၀ အထိ ပေးရပါတယ်။ ဒါပေမယ့် ဧည့်သည်တွေ အများကြီးအတွက် နေထိုင်နိုင်ဖို့ အဆောက်အဦတွေကို ဆောက်လုပ်နေဆဲဖြစ်ပါတယ်။ ဒါကြောင့် သိပ်မကြာခင်တော့ သင်ဟာ ဈေးသက်သက်သာသာ တည်းစရာနေရာတစ်ခုကို ရှာတွေ့နိုင်ပါပြီ။ ၅။ အစားအသောက် မြန်မာနိုင်ငံက အစားအသောက်တွေဟာ အမျိုးစုံလင်လှပြီး အရသာလည်းကောင်းကာ ဈေးနှုန်းလည်း ချိုသာပါတယ်။ မြန်မာနိုင်ငံပြင်ပမှာ စားလို့မရတဲ့ အစားအသောက်တွေလည်း အများကြီးပါ။ ဟင်းပွဲတွေကလည်း မြန်မာနိုင်ငံနဲ့ ပထ၀ီအနေအထားကို ထည့်တွက်လိုက်ရင် ထိုင်း၊ အိန္ဒိယ၊ တရုတ်ဟင်းလျာတွေထဲ ဟင်းချက်ပစ္စည်းတွေကနေ ဆင်းသက်လာတာတွေ ရှိပါတယ်။ အများဆုံး စားကြတာက မုန့်ဟင်းခါး၊ အုန်းနို့ခေါက်ဆွဲ၊ ရှမ်းခေါက်ဆွဲ ဖြစ်ပါတယ်။ ဟင်းပွဲ အများစုမှာ ဆီပြန်ဟင်းတွေနဲ့ ပူစပ်တဲ့ ဟင်းရည်တွေ ပါဝင်တတ်ပါတယ်။ မြန်မာနိုင်ငံဟာ အပူပိုင်းရာသီဥတုမျိုး ရှိတာကြောင့် ကောက်ပဲသီးနှံ ဖြစ်ထွန်းပါတယ်။ သစ်သီးဝလံ လတ်လတ်ဆတ်ဆတ်တွေကို ဈေးနှုန်းက ၁၀ ဆင့်လောက်နဲ့ ဈေးဆိုင်တန်းတွေကနေ ၀ယ်ယူနိုင်ပြီး၊ သစ်သီးစုံဖျော်ရည်တွေကိုတော့ ဆင့် ၅၀ လောက်နဲ့  ၀ယ်ယူမြည်းစမ်း သောက်သုံးနိုင်ပါတယ်။ ခရီးမထွက်ခင် မှတ်ထားသင့်တဲ့ အရာတွေ မြန်မာနိုင်ငံမှာ မယုံနိုင်လောက်စရာ ရှုခင်းတွေကို မြင်တွေ့ခံစားရမှာ ဖြစ်ပေမယ့်၊ တချို့အစဉ်အလာ ထုံးစံတွေကို လိုက်လျောညီထွေဖြစ်အောင် ကြိုတွေးထားရမှာ ဖြစ်ပါတယ်။ အများသုံးရေအိမ်တွေမှာ အိမ်သာသုံးစက္ကူတွေ မရှိတာကြောင့် သင်နဲ့အတူ တစ်ရှူးစက္ကူတွေ အပို ဆောင်သွားရပါမယ်။ အပူပိုင်းဇုန်နိုင်ငံ မြန်မာနိုင်ငံတ၀ှမ်း ခြင်တွေ ပေါများလှတာကြောင့် သင် ဘယ်သွားသွား ပိုးကောင်ဖျန်းဆေးတွေလည်း ယူသွားဖို့ စီစဉ်ပါ။ ပူပြင်းလောင်စပ်လှတဲ့ အပူချိန် နဲ့ မုတ်သုံမိုး ရွာချတတ်တာမျိုးကနေ ရှောင်လွှဲနိုင်ဖို့ နိုဝင်ဘာလကနေ မတ်လအကြား ခရီးထွက်ဖို့ စီစဉ်ထားပါ။ အပြင်ထွက် စားတဲ့အချိန်မှာ ရေသန့်ဘူးကိုပဲ သောက်သုံးပါ။ အစာအဆိပ်သင့်တာမျိုး မဖြစ်ရအောင် မချက်ပြုတ်ထားရသေးတဲ့ အစာစိမ်းတွေကို မစားပါနဲ့။ ATM စက်တွေက အမြဲကောင်းမွန်မှု မရှိတာကြောင့် ဒေါ်လာ ၂၀နဲ့ ဒေါ်လာ ၅၀ တန်တွေကို ဆောင်ထားပါ။ အမေရိကန်ဒေါ်လာကို ကျယ်ကျယ်ပြန့်ပြန့် သုံးစွဲကြပြီး ဒေါ်လာငွေနဲ့ မြန်မာကျပ်ငွေကို လဲလှယ်သုံးစွဲနိုင်ပါတယ်။ အမေရိကန်နိုင်ငံခြားရေးဝန်ကြီးဌာန ထုတ်ပြန်ထားချက်အရ ရာဇ၀တ်မှုဖြစ်ပွားနှုန်းက အရမ်းနည်းပါးပြီး နိုင်ငံခြားသားတွေ အကြမ်းဖက်ခံရတဲ့ ရာဇ၀တ်မှုတွေကလည်း ရှားရှားပါးပါး ဖြစ်ပါတယ်။ အများပြည်သူပိုင် နေရာတွေမှာ နိုးနိုးကြားကြား ရှိပါစေ လို့လည်း မှာကြားထားပါတယ်။ (ကိုးကား  U.S. News & World Report  ခရီးသွားကဏ္ဍပါ  Drew Goldberg ရဲ့ ဆောင်းပါးကို ကောက်နုတ် ဘာသာပြန်သည်။)