သုံးစွဲရန် မသင့်သည့် အလှကုန် ၆ မျိုး ထုတ်ပြန်
DVB
·
February 24, 2015
အစားအသောက်နဲ့ ဆေးဝါးဦးစီးဌာနမှာ မှတ်ပုံတင်ထားခြင်း မရှိသလို ကျန်းမာရေး အတွက် ဘေးအန္တရာယ်ဖြစ်စေတဲ့ တားမြစ်ဓာတု ပစ္စည်းများ ပါဝင်နေတာကို တွေ့ရှိရတာကြောင့် အလှကုန် ၆ မျိုးကို သုံးစွဲရန် မသင့်ဘူးလို့ အစိုးရက ထုတ်ပြန်ပါတယ်။ ဖေဖော်ဝါရီ ၂၄ ရက် နိုင်ငံပိုင် သတင်းစာတွေကနေ ထည့်သွင်းကြေညာခဲ့တာလည်း ဖြစ်ပါတယ်။
တားမြစ်ခံရတဲ့ အလှကုန် ၆ မျိုးကတော့ Tree 3 Days (Brighten & Rewhiting Cream)၊ Lay Now (Whitening Night Cream)၊ PW (Banishing Cream)၊ Baschi (Day Cream-Thailand)၊ Baschi (Day Cream-China)နဲ့ Polla Anti-Melasma Night Cream (New Light Cream) တို့ ဖြစ်ပါတယ်။
ဒီအလှကုန်တွေကို အများပြည်သူတွေအနေနဲ့ အသုံးမပြုဖို့နဲ့ တင်သွင်းဖြန့်ဖြူးရောင်းချရင်လည်း ပြည်သူ့ကျန်းမာရေးဆိုင်ရာ ဥပဒေအရ အရေးယူသွားမယ်လို့ ထုတ်ပြန်ထားပါတယ်။
ပြီးခဲ့တဲ့ ရက်ပိုင်းက မသောက်သုံးသင့်တဲ့ သောက်ရေ ၇၃ မျိုးကို အစိုးရက ထုတ်ပြန်ခဲ့ပါတယ်။