ဇန်န၀ါရီ ၂၇ ရက်နေ့ နေ့လည်ပိုင်းက လူမှုရေးကွန်ရက် အင်တာနက်စာမျက်နှာတွေ ဖြစ်တဲ့ ဖေ့ဘွတ်ခ်နဲ့ အင်စတာဂရမ်တို့ကို တိုက်ခိုက်ခဲ့တဲ့အတွက် ပြတ်တောက်သွားတာဖြစ်တယ်လို့ လိုင်းဇက် စကွက် ဟက်ကာ အုပ်စုက ပြောဆိုပါတယ်။ ဒီပြတ်တောက်မှုကို သူတို့ အဖွဲ့က တိုက်ခိုက်ခဲ့တာ ဖြစ်တယ်လို့ ပြောဆိုတဲ့အကြောင်း ဗြိတိန် အခြေစိုက် The Mirror သတင်းက ရေးပါတယ်။ ထပ်မံတိုက်ခိုက်မှုတွေ လုပ်သွားမယ်လို့ ဒီအဖွဲ့ရဲ့ လူမှုရေးကွန်ယက် တွစ်တာ စာမျက်နှာမှာ ရေးပါတယ်။ ဒါအပြင် တခြား အင်တာနက်စာမျက်နှာတွေ ဖြစ်တဲ့ Tinder၊ MySpace၊ AOLနဲ့ Hipchatတို့ကိုလည်း တိုက်ခိုက်ခဲ့တယ်လို့ အဖွဲ့က တင်ထားတဲ့ မှတ်ချက်မှာ ဖော်ပြထားပါတယ်။ ဒီတိုက်ခိုက်မှုကြောင့် လစဉ် အသုံးပြုသူ ၁.၂၃ ဘီလီယံရှိတဲ့ ဖေ့ဘွတ်ခ်ကို  မိနစ်အတော်ကြာ သန်းနဲ့ချီတဲ့ ဖေ့ဘွတ်ခ် အသုံးပြုသူတွေက ၀င်ရောက်ခွင့်မရ ဖြစ်သွားပါတယ်။ ဒီအဖွဲ့ဟာ ဆိုနီ၊ မိုက်ခရိုဆော့ခ်နဲ့ မလေးရှားလေကြောင်းလိုင်းတွေကိုလည်း တိုက်ခိုက်ခဲ့ပါတယ်။     [gallery ids="78891,78907,78908"]