ရှမ်းပြည်နယ်မြောက်ပိုင်း၊ နမ့်ခမ်းမြို့မှာ မူးယစ်ဆေးဝါးသယ်ဆောင်လာတဲ့ ရဲတပ်သားတယောက်နဲ့ အရပ်သားတယောက်ကို ရပ်ကွက်လူငယ်တွေက ဖမ်းဆီးပြီး ရဲစခန်းကို လွှဲပြောင်းပေးခဲ့ပါတယ်။ နမ့်ခမ်းမြို့ ကောင်းဆာရပ်ကွက်မှာ ဇန်န၀ါရီ ၂၃ ရက် ည ၁၀ ကျော်အချိန်က ဖမ်းဆီးမိခဲ့တာဖြစ်ပြီး ရက်ကွက်လုံခြုံရေးယူနေတဲ့ လူငယ်အဖွဲ့က ဖမ်းတာလို့ ဒေသခံတဦးက ပြောပါတယ်။ “နမ့်ခမ်းရဲစခန်းက ရဲတပ်သား သိန်းဌေးအောင် အသက် ၂၀ နှစ်၊ ကိုယ်ပိုင်နံပတ်က လ/၂၄၀၂၆၄။ နောက်တယောက်က စိုင်းထွန်းစံ၊ အသက် ၃၀၊ ပေါက်နေရပ်ကွက်။ သူတို့ဆီကနေ ဆိုင်ကယ်တစီးနဲ့ လက်ထိတ်တခု၊ ယာဘဆေးပြားက ၉၇ လုံး၊ ဘိန်းဖြူက တပုလင်းခွဲနဲ့မိတာ။ အဲ့ဒီကောင်းဆာရပ်ကွက်က လူငယ်အဖွဲ့၊ အုပ်ချုပ်ရေးမှူးတို့၊ ဘာတို့ ပါတဲ့အဖွဲ့က ကင်းလှည့်ရင်း သူတို့ဆိုင်ကယ်ကိုတားပြီး စစ်ရင်း ဖမ်းမိတာ။ ဒီနေ့မနက်တော့ ရဲစခန်းကို အပ်လိုက်ပြီ။” နမ့်ခမ်းရဲစခန်းမှူးက မူးယစ်ဆေးနဲ့မိတဲ့ ရဲတပ်သားကို  ဥပဒေအရ အရေးယူသွားမယ်လို့ ကတိပေးပြောကြားတယ်လို့လည်း ပြောပါတယ်။ ဒီဗွီဘီက ရဲစခန်းကို ဆက်သွယ်မေးမြန်းဖို့ ကြိုးစားပေမယ့် မရဘူးဖြစ်နေပါတယ်။ နမ့်ခမ်းမြို့မှာ ရပ်ကွက်အလိုက် လုံခြုံရေးအဖွဲ့တွေ ဖွဲ့ထားပြီး မူးယစ်ဆေးဝါး ရောင်းဝယ်ဖောက်ကားသူတွေကို ဖမ်းဆီးလေ့ရှိပါတယ်။ ရဲတဦးမှာ မူးယစ်ဆေးဖမ်းမိတာ ပထမဆုံးအကြိမ် ဖြစ်ပါတယ်။ [gallery ids="78467,78464,78462"]