မြန်မာ့ဒီမိုကရေစီ အသွင်ကူးပြောင်းရေးနဲ့ လူ့အခွင့်အရေးကိစ္စတွေ ဆွေးနွေးမယ့် ဒုတိယအကြိမ်မြောက် အမေရိကန်-မြန်မာ လူ့အခွင့်အရေးဆွေးနွေးပွဲကို နေပြည်တော်မှာ ဒီကနေ့မနက် စတင်ကျင်းပနေပါတယ်။ [caption id="attachment_77065" align="alignright" width="432"] ဓာတ်ပုံ - အမေရိကန်သံရုံး[/caption] ဆွေးနွေးပွဲကို ၂ ရက်ကျင်းပသွားမှာ ဖြစ်သလို ဆွေးနွေးပွဲအပြီးမှာတော့ အမေရိကန် ကိုယ်စားလှယ်အဖွဲ့က သတင်းစာရှင်းလင်းပွဲပြုလုပ်ပြီး သတင်းထုတ်ပြန်မယ်လို့ ကြေညာထားပါတယ်။ ဒီဆွေးနွေးပွဲကို မြန်မာနိုင်ငံမှာရောက်ရှိနေတဲ့ အမေရိကန် ဒီမိုကရေစီလူ့အခွင့်အရေးနဲ့ အလုပ်သမားရေးရာ လက်ထောက်နိုင်ငံခြားရေးဝန်ကြီး တွမ် မာလင်နော့ စကီးနဲ့ မြန်မာနိုင်ငံခြားရေးဌာန အဆင့်မြင့် ကိုယ်စားလှယ်တွေ ပါဝင်တက်ရောက်နေပါတယ်။ နိုင်ငံရေး အကျဉ်းသားတွေကိစ္စ၊ မီဒီယာလွတ်လပ်ခွင့်၊ အလုပ်သမားနဲ့ မြေယာ အခွင့်အရေးဆိုင်ရာ ကိစ္စတွေ ဆွေးနွေးကြမှာဖြစ်တယ်လို့ အမေရိကန် နိုင်ငံခြားရေးဌာနက ထုတ်ပြန်ထားပါတယ်။ ဒီဇင်ဘာ ၁၃ ရက်နေ့ကတော့ အမေရိကန် ကိုယ်စားလှယ်အဖွဲ့ဟာ အချက်အလက် စုဆောင်းတဲ့အနေနဲ့ အမျိုးမျိုးသော အရပ်ဘက် အဖွဲ့အစည်းက ကိုယ်စားလှယ်တွေနဲ့ တွေ့ဆုံခဲ့ပါတယ်။ ဒါ့အပြင် ကချင်ပြည်နယ်မြစ်ကြီးနားက ပြည်တွင်းရွှေ့ပြောင်းဒုက္ခသည် စခန်းကိုလည်း သွားရောက်ခဲ့ပါတယ်။