တရုတ်ပြည်မ အစိုးရကို ပြင်းပြင်းထန်ထန် ဝေဖန်သူအဖြစ် ထင်ရှားတဲ့ ဟောင်ကောင် မီဒီယာသူဌေးကြီး ဂျင်မီလိုင်းရဲ့ နေအိမ်ကို ဇန်န၀ါရီ ၁၂ ရက်နေ့ မနက်အစောပိုင်းက မျက်နှာဖုံးဝတ်ထားသူတဦးက မီးလောင်ဗုံးပစ်သွင်းခဲ့ပါတယ်။ [caption id="attachment_76955" align="alignright" width="433"] ဟောင်ကောင် မီဒီယာသူဌေးကြီး ဂျင်မီလိုင်း (ဓာတ်ပုံ - ရိုက်တာ)[/caption] အိမ်ဝင်းတံခါးကို မီးလောင်ဗုံး ပစ်သွင်းခဲ့ပြီး ကားနဲ့ ထွက်ပြေးသွားခဲ့တဲ့ ဖြစ်ရပ်အပြီး မိနစ် ၂၀ ခန့်အကြာမှာ ဂျင်မီလိုင်းရဲ့ Next Media ကုမ္ပဏီရုံး ဂိတ်တံခါးကိုလည်း မီးဗုံးပစ်သွင်းမှုတွေ ဆက်ဖြစ်ခဲ့ပါတယ်။ နာရီပိုင်းအကြာမှာ ဟောင်ကောင်ရဲတပ်ဖွဲ့က တိုက်ခိုက်သူတွေ အသုံးပြုခဲ့တယ်လို့ ယုံကြည်ရတဲ့ ကား ၂ စီး မီးရှို့ဖျက်ဆီးခံထားရတာကို  တွေ့ရှိခဲ့ကြပါတယ်။ ဟောင်ကောင် ဒီမိုကရေစီ လူထုဆန္ဒပြပွဲတွေကို ထောက်ခံအားပေးတဲ့ဂျင်မီလိုင်းဟာ Next မီဒီယာကုမ္ပဏီရဲ့ ဥက္ကဋ္ဌအဖြစ်ကနေ ဒီဇင်ဘာလက နုတ်ထွက်ထားပေမယ့်   ရှယ်ယာ အများစုကို ပိုင်ဆိုင်ဆဲ ဖြစ်ပါတယ်။ သူဟာ ဟောင်ကောင်လူထုဆန္ဒပြပွဲတွေကို ဖြိုခွင်းချိန်တုန်းက ရဲတပ်ဖွဲ့ရဲ့ အမိန့်ကို မနာခံလို့ ဖမ်းဆီး ထိန်းသိမ်းခံခဲ့ရပါသေးတယ်။ ၂၀၁၃ ခုနှစ်ကလည်း မျက်နှာဖုံးဝတ်လူတစုက Next Media က ထုတ်ဝေတဲ့ the Apple Daily နေ့စဉ်သတင်းစာတွေ သောင်းနဲ့ချီပြီး မီးရှို့ဖျက်ဆီးခဲ့ပါသေးတယ်။