အင်ဒိုနီးရှားတွင် မြေပြို၊ ပျောက်ဆုံး လူ ၁၀၀ ကျော်ကို ဆက်လက်ရှာဖွေ

အင်ဒိုနီးရှားမှာ ဒီဇင်ဘာ ၁၂ ရက်နေ့ညပိုင်း မြေပြိုမှုအတွင်း လူအနည်းဆုံး  ၁၁ ယောက် သေဆုံးတယ်လို့ အတည်ပြုခဲ့ပြီး ဒီနေ့အထိ ပျောက်ဆုံးသူ ၁၀၀ ကျော်ကို ဆက်လက် ရှာဖွေနေပါတယ်။ ဂျာဗားကျွန်း အလယ်ပိုင်းဒေသက ဘန်ဂျာနီဂါရာ မြို့မှာ ရွှံ့မြေတွေ ပြိုကျခဲ့ပုံကို အင်ဒိုနီးရှား ရုပ်မြင်သံကြားလိုင်းတွေက ပြန်သပါတယ်။ indonesia-land-slide-wb2ဂျန်ဘလန် ဆိုတဲ့ ရွာက မြေပြိုတဲ့ ဒဏ်ကို အဆိုးရွားဆုံး ခံစားခဲ့ရတယ်လို့ ကပ်ဘေး ကယ်ဆယ်ရေးအဖွဲ့က သတင်းထုတ်ပြန်ပါတယ်။ လူနေအိမ် ၁၀၀ ကျော် ပျက်စီးသွားပြီး လူ ၃၈၀ နီးပါးလည်း ဒုက္ခသည်စခန်းမှာ ခိုလှုံနေရတယ်လို့ ဆိုပါတယ်။ မြေပြိုမှုနဲ့ ကြုံရတဲ့ဒေသဟာ မြို့တော် ဂျာကာတာကနေ ၂၈၀ မိုင် အကွာအဝေးမှာ တည်ရှိတာပါ။ ဒေသခံ ရွာသားတွေက ရွှံ့မြေတွေ မပြိုကျခင်မှာ တောင်ပေါ်ဘက်က ပေါက်ကွဲသံလို ကျယ်လောင်တဲ့ အသံတသံကို ကြားခဲ့ရတယ်လို့ ဆိုကြပါတယ်။ မြေပြိုတာ၊ ရွှံ့ပြိုတာတွေဟာ အင်ဒိုနီးရှားမှာ အောက်တိုဘာနဲ့ ဧပြီလ မိုးတွင်းကာလမှာ ဖြစ်လေ့ဖြစ်ထ ရှိပါတယ်။ ရဲအဖွဲ့၊ စစ်သားနဲ့ တခြား စေတနာဝန်ထမ်း ကယ်ဆယ်ရေးအဖွဲ့တွေက မြေပြိုတဲ့ ဒေသကို ရှင်းလင်းနေပေမယ့် မိုးတွေ ဆက်ရွာနေတာကြောင့် ကယ်ဆယ်ရှာဖွေရေးလုပ်ငန်းတွေမှာ နှောင့်နှေးနေရပါတယ်။ ကယ်ဆယ်ရေးပစ္စည်းကိရိယာတွေ အစုံအလင် မရှိတာကြောင့် လုပ်ကိုင်ရတာ  ကြန့်ကြာနေတယ်လို့ ကယ်ဆယ်ရေးအဖွဲ့က ပြောခွင့်ရသူ ပါဝို နူဂရိုဟိုက ပြောပါတယ်။ လျှပ်စစ် ဓာတ်အားလိုင်းတွေနဲ့အိမ်တွေ ရွှံ့အောက် ပိမိနေတာကို မီဒီယာ သတင်းတွေမှာ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up