ဗီဇာအတုကိုင်ဆောင်မှုနဲ့ ထောင်ဒဏ် ၁ နှစ်စီချမှတ်ခံခဲ့ရတဲ့ မြန်မာနိုင်ငံသား ၅၂ ဦးကို မလေးရှား တရားရုံးက ဒီဇင်ဘာလ ၂ ရက်နေ့မှာ လွတ်ငြိမ်းချမ်းခွင့်ပေးခဲ့ပြီးနောက် လာမယ့် ဒီဇင်ဘာလ ၁၅ ရက်နေ့ မြန်နိုင်ငံ ပြန်ကြမယ်လို့ မလေးရှား မြန်မာသံရုံး တာဝန်ရှိသူတဦးက ပြောပါတယ်။ [caption id="attachment_73639" align="alignright" width="325"] မလေးရှားနိုင်ငံ ကလန်း ကားဂိတ်တွင် မြန်မာနိုင်ငံသားများ ဖမ်းဆီးခံရစဉ် (ဓာတ်ပုံ - မလေးရှားရောက် မြန်မာများ)[/caption] “မြန်မာ့လေကြောင်း MAI- 502 နဲ့ပြန်မှာပါ။ KL ကနေ ညနေ ၇ နာရီထွက်မှာ မြန်မာနိုင်ငံ ကို ၈ နာရီရောက်မယ်။” ထောင်ကနေ ပြန်လွတ်က တည်းက ဒီမြန်မာနိုင်ငံသားတွေကို မလေးရှား လ၀က ထိန်းသိန်းရေးစခန်းမှာပဲ သူတို့ကို နေရာချထားပေး တယ်လို့လည်း ပြောပါတယ်။ မလေးရှားနိုင်ငံကို အလုပ်လုပ်ဖို့ သွားရောက်ခဲ့ တဲ့ မြန်မာနိုင်ငံသားတွေကို ဗီဇာအ တုနဲ့ မလေးရှား လူဝင်မှုကြည့်ကြပ်ရေးဌာနက ဖမ်းဆီးပြီး လ၀က ဥပဒေနဲ့ သြဂုတ် ၁၂ ရက်နေ့က ထောင်ဒဏ် ၁ နှစ်စီ ချမှတ်ခဲ့တာဖြစ်ပါတယ်။ ထောင်ဒဏ်စီရင်ခံကြရသူ မြန်မာ ၅၂ ဦးကို ပြစ်ဒဏ်လျှော့ပေါ့ပေးဖို့ သံတမန်နည်းနဲ့ ချဉ်းကပ်မှုတွေရှိပြီးနောက် လွတ်ငြိမ်းချမ်းသာခွင့်ရခဲ့ပါတယ်။ ပြီးခဲ့တဲ့ ဇူလိုင်လ ၈ ရက်နေ့က ရန်ကုန်ကနေ မလေးကိုသွားတဲ့ လေယာဉ်ပေါ်မှာ မြန်မာအလုပ်သမား ၇၂ ဦးနဲ့ မြန်မာ အေးဂျင့် ၃ ဦးတို့ လိုက်ပါသွားပြီး မလေးရှားလေဆိပ်မှာ လ၀ကက ဖမ်းဆီးခဲ့တာပါ။ ဒီအထဲက ဗီဇာအမှန်ရှိသူ ၁၂ ဦးနဲ့ ဗီဇာတုကိုင်ထားတဲ့ ကလေးသူငယ်နဲ့ သက်ကြီးရွယ် ၈ ဦး စုစုပေါင်း ၂၀ ဦးကတော့ မြန်မာသံရုံးရဲ့ ညှိနှိုင်းပေးမှုကြောင့်  စက်တင်ဘာလဆန်းပိုင်းက  မြန်မာပြည် ပြန်ခွင့်ရခဲ့ပြီးဖြစ်ပါတယ်။