အမေရိကန်လူမည်း ၂ ဦးအသတ်ခံရမှု လူမျိုးရေးဆန္ဒပြပွဲများ ဆက်လက်ဖြစ်ပွား

ဓာတ်ပုံ - ရိုက်တာ
[caption id="attachment_73232" align="alignright" width="438"]ဓာတ်ပုံ - ရိုက်တာ ဓာတ်ပုံ - ရိုက်တာ[/caption] အမေရိကန်နိုင်ငံ နယူးယောက်မြို့နဲ့ ဖာဂူဆန်မြို့တွေမှာ အမေရိကန်လူမည်း ၂ ဦး ရဲတွေရဲ့ အသတ်ခံရမှုကို အကြောင်းပြုပြီး လူမျိုးရေးဆန္ဒပြပွဲတွေ အမေရိကန်မြို့ကြီးတွေမှာ ဆက်လက်ဖြစ်ပွားနေပါတယ်။ သတ်ဖြတ်ခဲ့တဲ့ လူဖြူရဲအရာရှိတွေကို သက်ဆိုင်ရာပြည်နယ်ခုံသမာဓိအဖွဲ့တွေက ရဲတွေမှာ အပြစ်မရှိဘူးလို့ ဆုံးဖြတ်ခဲ့ကြတာပါ။ ဒါကြောင့် နိုင်ငံတ၀န်းက မြို့ကြီးတွေမှာ သေဆုံးသူပုံစံ လဲလျောင်းဆန္ဒပြပွဲတွေ ကျင်းပနေကြတာ ဖြစ်ပါတယ်။ ဒီဇင်ဘာလ ၇ ရက်နေ့က ဖီလာဒယ်ဖီးယားမြို့ အားကစားကွင်းအပြင်ဖက်မှာ မြို့ခံပြည်သူတွေ ဆန္ဒပြခဲ့ကြပြီး အသတ်ခံခဲ့ကြရတဲ့ မိုက်ကယ်ဘရောင်းနဲ့ အဲရစ်ဂါနာတို့နဲ့ သွေးစည်းညီညွတ်ကြောင်း ပြသခဲ့ကြပါတယ်။ ချီကာဂိုမြို့၊ ၀ါရှင်တန်ဒီစီမြို့တွေမှာလည်း ကားလမ်းဆုံ ပိတ်ဆို့ဆန္ဒပြပွဲတွေလည်း ပြုလုပ်ခဲ့ကြပါတယ်။ မိုင်ယာမီမြို့မှာတော့ လွန်ခဲ့တဲ့ ၁ နှစ်ကျော်က မီယာမီရဲတွေက မြို့ခံတဦး ပစ်သတ်လို့ သေဆုံးခဲ့တဲ့အမှုအတွက်ရော အောက်မေ့ဆန္ဒပြခဲ့ကြပါတယ်။ ဆန္ဒပြသူတွေက လူမည်း ၂ ဦးကို သတ်ခဲ့တဲ့ ရဲတွေကို ဥပဒေနဲ့အညီ အရေးယူပေးဖို့ တောင်းဆိုနေကြတာပါ။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up