အာစင်နယ်နှင့်ချယ်လ်ဆီး အနိုင်ရပြီး လီဗာပူးရှုံးနိမ့်

မနေ့ ယှဉ်ပြိုင်သွားတဲ့ ပရီးမီးယားလိဂ် ပွဲစဉ်တွေမှာ လီဗာပူး ရှုံးပြီး အာစင်နယ်နဲ့ချယ်လ်ဆီးတုို့ အနုိုင်ရသွားပါတယ်။ oscar-chelsea-premier-league-goal-celeb-qpr_3223768လီဗာပူးဟာ အဝေးကွင်းမှာ နယူးကာဆယ်ကုို ၁ ဂိုး ဂိုးမရှိနဲ့ ရှုံးနိမ့်ခဲ့တာပါ။ နယူးကာဆယ်အတွက် အနုိုင်ဂိုးကုို ၇၃ မိနစ်မှာ ဂူတီရက်ဇ်က သွင်းယူပါတယ်။ ရလဒ်တွေ မကောင်းလုို့ ရုန်းကန်နေရတဲ့ နည်းပြ အလန်ပါဂျုးရဲ့ နယူးကာဆယ်အသင်းဟာ ဒီပွဲနုိုင်လုိုက်လုို့ အမှတ်ပေးဇယားရဲ့ အဆင့် ၁၁ နေရာအထိ တက်လှမ်းသွားပါတယ်။ ချယ်လ်ဆီးကတော့ ကျုပီအာကုို ၂ ဂိုး ၁ဂိုးနဲ့ အနုိုင်ရသွားပါတယ်။ အနုိုင်ဂိုးတွေကို အော်စကာနဲ့ ဟာဇက်က သွင်းယူပါတယ်။ ဒီပွဲမှာ ဒဏ်ရာကြောင့် နားနေရာကနေ ပြန်လာတဲ့ တုိုက်စစ်မှူး ကော်စတာ ပါဝင် ကစားသွားပေမယ့် ဂိုးသွင်းနုိုင်ခြင်းတော့ မရှိပါဘူး။ ဒီပွဲနုိုင်လုို့ ချဲလ်ဆီးက အမှတ်ပေးဇယားထိပ်မှာ ဆက်ဦးဆောင်နေပြီး ဒုတိယနေရာက ဆောက်သမ်တန်ကုို  ၄ မှတ် ဖြတ်ထားဆဲ ဖြစ်ပါတယ်။ အာစင်နယ်ကတော့ အိမ်ကွင်းမှာ ဆန်းချက်ဇ်နဲ့ ချိန်ဘားတုို့ရဲ့ သွင်းဂိုးတွေနဲ့ ဘန်လေကုို ၃ ဂိုးပြတ်နဲ့ အနုိုင်ရသွားတာပါ။ အာစင်နယ်ဟာ ဒီနှစ်ရာသီမှာ ပထမဆုံးအကြိမ်အဖြစ် ၂ ပွဲဆက်တုိုက် အနုိုင်ရတာ ဖြစ်ပါတယ်။ ဒီပွဲနုိုင်လုို့ ၁၇ မှတ်နဲ့ အဆင့် ၄ နေရာကို တက်လှမ်းသွားပါတယ်။

More News
Up