ဟောင်ကောင်ဒီမိုကရေစီတောင်းဆိုမှုကြောင့် အစိုးရရပ်တည်ချက် မပြောင်းဟုဆို

ဟောင်ကောင်မှာ ဆန္ဒပြတောင်းဆိုမှုတွေ ဘယ်လိုပဲ လုပ်ပေမယ့်လည်း တရုတ်အစိုးရရဲ့ ရပ်တည်ချက် ပြောင်းလဲဖို့ လုံးဝမရှိနိုင်ဘူးလို့ ဟောင်ကောင်အုပ်ချုပ်ရေးမှူး က ပြောဆိုပါတယ်။ ပြီးခဲ့တဲ့ အောက်တိုဘာ ၁၂ ရက်နေ့က ရုပ်မြင်သံကြားအမေးအဖြေခန်းမှာ အုပ်ချုပ်ရေးမှူး စီဝိုင်လျန် (C.Y Leung) က အခုလို ပြောကြားလိုက်ပြီး သူလည်း နုတ်ထွက်မှာမဟုတ်ဘူးလို့ ဆိုပါတယ်။ hong kongစခန်းချ ဆန္ဒပြပွဲတွေကို ဘယ်လိုဖြေရှင်းမလဲဆိုတာကိုတော့ အတိအကျပြောဆိုခြင်း မရှိပဲ တရက်မှာ ဒီဆန္ဒပြပွဲတွေကို ရှင်းကို ရှင်းရမယ်လို့ ပြောဆိုပါတယ်။ ဟောင်ကောင် အုပ်ချုပ်ရေးမှူး စီဝိုင် လျန်က “ဟောင်ကောင်ရဲတွေရဲ့ ကျွမ်းကျင်မှု၊ သူတို့တွေရဲ့ စနစ်တကျ လေ့ကျင့်ထားမှုတွေနဲ့ အကောင်းဆုံး ဖြေရှင်းသွားနိုင်မယ်လို့လည်း ယုံကြည်တယ်။ သူအနေနဲ့ နုတ်ထွက်လည်း အခြေအနေက တိုးတက် ပြောင်းလဲမှာ မဟုတ်တဲ့အတွက် ရာထူးကနေ နုတ်ထွက်မှာလည်း မဟုတ်ဘူး” လို့ ဆိုပါတယ်။ အောက်တိုဘာ ၁၃ ရက် ဒီနေ့မနက်မှာတော့ ဟောင်ကောင်ရဲတွေ ဆန္ဒပြသူတွေ ချထားတဲ့ အရံအတားတွေကို စတင်ဖယ်ရှားနေတာ တွေ့ရပါတယ်။ အစိုးရအဆောက်အဦတွေ အများဆုံးရှိတဲ့ မြို့လယ်မှာ ဆန္ဒပြသူတွေက ဆန္ဒပြ စခန်းချထားပြီး ရဲတွေနဲ့ ဆက်လက်ရင်ဆိုင်နေကြတာကိုလည်း တွေ့မြင်ရပါတယ်။

More News
Up