ရှမ်းပြည်နယ်အရှေ့ပိုင်း မိုင်းဆတ်မြို့နယ် ယူဒဗလျူအက်စ်အေ ၀ တပ်ဖွဲ့ ထိန်းချုပ်နယ်မြေထဲမှာ သိမ်းဆည်းရမိတဲ့ ကာလတန်ဖိုး ကျပ်သိန်းပေါင်း ၁၈၀၀ နီးပါးရှိ ပိုင်ရှင်မဲ့ မူးယစ်ဆေးဝါးနဲ့ ဆက်စပ်ပစ္စည်းတွေကို  ၀ တပ်ဖွဲ့က နယ်မြေခံ မြန်မာမူးယစ်ရဲတပ်ဖွဲ့ကို လွှဲပြောင်းပေးအပ်ခဲ့တယ်လို့ တာချီလိတ်အထူးမူးယစ်ရဲတပ်ဖွဲ့က ထုတ်ပြန်ပါတယ်။ အဲဒီမူးယစ်ပစ္စည်းတွေမှာ ဘိန်းဖြူ  ၇ ဒသမ ၃ ကီလိုဂရမ်၊ ဒဗလျူဝိုင် တံဆိပ် ရာဘစိတ်ကြွဆေး ၁၈၀၀၊ အစိမ်းရောင်စိတ်ကြွဆေး ၁၄၀၀၊ ပန်းရောင်စိတ်ကြွဆေးမှုန့် ၄၈၀ ဂရမ်နဲ့ အခြား အဖြူရောင်၊ အနီရောင်၊ အ၀ါရောင် ဆိုးဆေး၊ ရာဘဆေးပြားထည့် ပလတ်စတစ်အိတ်တွေပါဝင်ပြီး ပြီးခဲ့တဲ့ သြဂုတ်လလယ်လောက်က နားယောင်းကျေးရွာအုပ်စု မယ်ကြုတ်ချောင်းထဲကနေ မျောပါလာတာလို့ ၀ တပ်ဖွဲ့က ပြောကြောင်း ထုတ်ပြန်ချက်မှာ ပါရှိပါတယ်။ သိမ်းဆည်းရမိတဲ့ မူးယစ်ဆေးတွေကို ယူဒဗလျူအက်စ်အေ တပ်မဟာ ၇၇၅ -တပ်မဟာမှူး ဦးယန်ကွယ်ချုံနဲ့ အဖွဲ့ဝင်တွေက    မိုင်းကန်း ၀ မြို့နယ်အုပ်ချုပ်ရေးရုံးမှာ  မူးယစ်တပ်ဖွဲ့စု (၂၉/၃၀) က  ရဲအုပ် ဘုန်းကျော်ဦးထံ  စက်တင်ဘာ ၁၀ ရက်နေ့ မနက်ပိုင်းက လွှဲပြောင်းပေးအပ်ခဲ့ပြီး ပစ္စည်းပိုင်ရှင်တွေကို ဖော်ထုတ်အရေးယူဖို့ တရားလိုအဖြစ် တိုင်တန်းခဲ့တယ်လို့  ဆိုပါတယ်။ ခုရက်ပိုင်းအတွင်း ထိုင်း-မြန်မာနယ်စပ်တလျှောက် မူးယစ်ဆေးဝါးတွေ ဆက်တိုက်ဖမ်းမိနေတာပါ။ စက်တင်ဘာ ၁၀ ရက်နေ့က တာချီလိတ်မြို့နယ် လွယ်တော်ခမ်း စစ်ဆေးရေးဂိတ်မှာရော၊ ဖန်မင်ကျေးရွာအုပ်စု ဧဒင်ရွာမှာပါ စိတ်ကြွဆေးပြား အလုံးရေ ၁၀၀ ကျော်နဲ့အတူ ရောင်းဝယ်သူ စုစုပေါင်း ၅ ဦးကို မူးယစ်မှုနဲ့ ဖမ်းဆီးအရေးယူထားတယ်လို့ တာချီလိတ်ခရိုင်ရဲစခန်းက ထုတ်ပြန်ထားပါတယ်။ [gallery ids="64736,64737,64738,64739,64740,64741,64742,64743,64744,64745,64746,64747,64748,64749,64750,64751,64752,64753,64754,64755,64756,64757,64758,64759,64760"]