အစ္စလာမ္မစ် တိုက်ခိုက်ရေးသမားများဟု သံသယရှိသူ ၄၀ ကို ကိုဆိုဗိုရဲတပ်ဖွဲ့ ဖမ်းဆီး

ကိုဆိုဗိုရဲတပ်ဖွဲ့က အစ္စလာမ္မစ် တိုက်ခိုက်ရေးသမားတွေလို့ သံသယရှိသူ ၄၀ ကို သြဂုတ် ၁၁ ရက်နေ့က ဖမ်းဆီးလိုက်ပါတယ်။ ဆီးရီးယားနဲ့ အီရတ်နိုင်ငံမှာ စစ်သွေးကြွတွေနဲ့ ပူးပေါင်း တိုက်ခိုက်နေသူတွေလို့ သံသယရှိသူတွေကို ဖမ်းဆီးလိုက်တာဖြစ်ကြောင်း ဘောလ်ကန်ဒေ သ နိုင်ငံငယ်လေးရဲ့ အာဏာာပိုင်တွေက ပြောပါတယ်။ ဖောက်ခွဲရေးပစ္စည်းတွေ၊ လက်နက်တွေနဲ့ ခဲယမ်းမီးကျောက်တွေကိုလည်း ဖမ်းမိတယ်လို့ ဆိုပါတယ်။ ကိုဆိုဗိုမှာ အများစုဟာ အစ္စလာမ်ဘာသာဝင်တွေ ဖြစ်ပေမယ့် လူနေမှုပုံစံကတော့ အများအားဖြင့် အလယ်အလတ်သဘော ရှိပါတယ်။ တိုင်းပြည်လုံခြုံရေးကို ခြိမ်းခြောက်တဲ့အတွက် အမျိုးသား အယောက် ၄၀ ကို စစ်ဆေး မေးမြန်းနေတယ်လို့ ရဲအဖွဲ့ရဲ့ ကြေညာချက်က ဆိုပါတယ်။ ဒေသသတင်းတွေအရ ကိုဆိုဗိုအရှေ့ပိုင်းမှာ နေထိုင်တဲ့ အသက် ၁၈ အရွယ် လူငယ်တယောက်ဟာ အရင်တပတ်က ဆီးရီးယား စစ်ပွဲအတွင်း သေဆုံးခဲ့တယ်လို့ ဆိုပါတယ်။ ဒါကြောင့် အီရတ်နဲ့ ဆီးရီးယားမှာ တိုက်ခိုက်ရင်း သေဆုံးသွားသူ ၁၆ ယောက်အထိ ရှိသွားပြီလို့ သတင်းက ဆိုပါတယ်။ ကိုဆိုဗို ထောက်လှမ်းရေးတွေရဲ့ အဆိုအရ ဆီးရီးယားနဲ့ အီရတ်စစ်ပွဲမှာ ကိုဆိုဗိုနိုင်ငံသား ၁၀၀ ကနေ ၂၀၀ လောက် တိုက်ခိုက်နေကြတယ်လို့ ဆိုပါတယ်။ ဒီလို နိုင်ငံရပ်ခြား သူပုန်ထမှုတွေမှာ ကိုဆိုဗိုနိုင်ငံသားတွေ ပူးပေါင်းတိုက်ခိုက်တာ ပိတ်ပင်တဲ့ ဥပဒေကို ကိုဆိုဗိုလွှတ်တော်က မကြာခင် ထုတ်ပြန်မယ်လို့ သိရပါတယ်။ ဥရောပနိုင်ငံတွေမှာလည်း ဗြိတိန်၊ ပြင်သစ်နဲ့ နယ်သာလန်အပါအ၀င် နိုင်ငံ အတော်များများမှာလည်း ဆီရီးယားနဲ့ အီရတ်စစ်ပွဲမှာ တိုက်ခိုက်နေတဲ့ သူတို့ နိုင်ငံသားတွေကို ဖမ်းဆီးနေပါတယ်။ ဒီလို တိုက်ခိုက်ရေးသမားတွေဟာ ဥရောပကို ပြန်လာရင် လုံခြုံရေး အန္တရာယ် ဖြစ်လာနိုင်တာကို စိုးရိမ်နေကြပါတယ်။ ကိုဆိုဗိုနိုင်ငံဟာ ဖွံ့ဖြိုးမှု နောက်ကျပြီး စီးပွားရေး ပြုပြင်ပြောင်းလဲမှုတွေ မရှိတာနဲ့ အဂတိလိုက်စားမှုတွေ ထူပြောတာကို အကြောင်းပြုလို့ ၁၉၉၀ ပြည့်လွန်နှစ်တွေမှာ သွေးထွက်သံယို အုံကြွမှု ဖြစ်ခဲ့ပြီး ၂၀၀၈ ခုနှစ်မှာ ဆာဘီးယားနိုင်ငံကနေ ခွဲထွက်ပြီး လွတ်လပ်ရေးရခဲ့တာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up