သြဂုတ် ၈ ရက်နေ့ဖြစ်တဲ့ ဒီနေ့ဟာ တပါတီအာဏာရှင်စနစ်ကို မြန်မာတနိုင်ငံလုံးက လူထုလူတန်းစား အလွှာပေါင်းစုံ ပါဝင်အုံကြွ တွန်းလှန်ခဲ့တဲ့ ၈၈၈၈ အရေးတော်ပုံ ၂၆ နှစ် ပြည့်တဲ့နေ့ ဖြစ်ပါတယ်။ ရန်ကုန်၊ မန္တလေးအပါအ၀င် မြန်မာနိုင်ငံတ၀န်း မြို့နယ်အသီးသီးမှာ ၂၆ နှစ်မြောက် ၈၈၈၈ အခမ်းအနားတွေကို ဒီနေ့ ကျင်းပခဲ့ကြပါတယ်။ [caption id="attachment_61927" align="aligncenter" width="300"] ဓာတ်ပုံ - ကျော်စိုးနိုင်[/caption]သင်္ကန်းကျွန်းမြို့နယ် သုမင်္ဂလာလမ်း ကျိုက္ကစံ ဓမ္မပိယသာသနာ့ရိပ်သာမှာ ၂၆ နှစ်မြောက် ၈၈၈၈ ဒီမိုကရေစီ အရေးတော်ပုံအခမ်းအနားကို ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဦးဆောင်ပြီး အခမ်းအနား ကျင်းပခဲ့ကြပါတယ်။ ရန်ကုန်မြို့တော်ခန်းမရှေ့မှာတော့ ၂၆ နှစ်ပြည့်အထိမ်းအမှတ်အဖြစ် ရဟန်းသံဃာတော်တွေ အပါအ၀င်၊ ပြည်သူတွေ စုပေါင်းပြီး ဂုဏ်ပြုဆုတောင်းပွဲ ပြုလုပ်ခဲ့ကြပါတယ်။ အဲဒီ့အခမ်းအနားမှာ နိုင်ငံရေးတက်ကြွလှုပ်ရှားသူတွေနဲ့ ပြည်သူတွေက ၈နာရီ ၈ မိနစ်အချိန်မှာ ကမ္ဘာမကြေဘူး သီချင်းကို စတင်သီဆိုခဲ့ကြပါတယ်။ ဒီနောက် ၈၈၈၈ အရေးတော်ပုံအထိမ်းအမှတ် သ၀ဏ်လွှာတွေဖတ်ကြားခဲ့ကြပြီး၊ အဲဒီ့အရေးတော်ပုံမှာ သေဆုံးခဲ့ကြသူတွေကို အလေးပြုခဲ့ကြပါတယ်။ ဒါ့အပြင် မဟာဗန္ဓုလပန်းခြံနားမှာ ၈၈၈၈ အရေးတော်ပုံမှာ သွေးမြေကျသေဆုံးသူတွေအတွက် အမှတ်တရအဖြစ် မြေနေရာသတ်မှတ်ခဲ့ကြပါတယ်။ မန္တလေးမြို့ ဘုရားကြီးကျောင်းတိုက်မှာလည်း ၈၈ အရေးအခင်းမှာ ကျဆုံးခဲ့တဲ့ မိဘပြည်သူတွေနဲ့ ကျောင်းသား၊ ကျောင်းသူတွေအတွက် ရည်စူးပြီး သံဃာ ၂၆ ပါးကို သင်္ဃန်းနဲ့ ဆွမ်းကျွေး အခမ်းအနား ပြုလုပ်ခဲ့ပြီး လူ ၅၀၀ လောက် တက်ရောက်ခဲ့တယ်လို့ မန္တလေးမြို့က ၈၈၈၈ ငွေရတု ဆုံးဖြတ်ချက်ကော်မတီဝင် ဦးတင်အေးကြူက ပြောပါတယ်။ အခမ်းအနားအတွင်း ၈၈၈၈ အရေးတော်ပုံနဲ့ ပတ်သက်တဲ့အကြောင်းအရာတွေကို ဆရာဦးကိုလေးနဲ့ ဦးရွှေထူး စတဲ့ပုဂ္ဂိုလ်တွေက ဟောပြောပြီး ၈ လေလုံး ငွေရတုလုပ်ငန်းစဉ် ဖော်ဆောင်ရေးကော်မတီက လုပ်ငန်းစဉ်တွေကို ရှင်းလင်းဟောကြားခဲ့ပါတယ်။ ဒီနေ့ အခမ်းအနားမှာ ၈၈၈၈ ငွေရတု ဆုံးဖြတ်ချက်ကို ဆက်လက် အကောင်အထည်ဖော်ဆောင်ဖို့လည်း ဦးတင်အေးကြူက တိုက်တွန်းခဲ့ပါတယ်။ “ငွေရတုဆုံးဖြတ်ချက်ကို အကောင်အထည်ဖော်ဖို့ပေါ့ဗျာ။ အဲဒီ ဆုံးဖြတ်ချက် ၃ ရပ်ကတော့ ပြည်ထောင်စုညီလာခံ ခေါ်ယူရေး၊ ဖွဲ့စည်းပုံအသစ် ရေးဆွဲရေး၊ ဖက်ဒရယ်ပြည်ထောင်စု ဖော်ဆောင်ရေး ၈၈၈၈ စိတ်ဓာတ်နဲ့ အဲဒီ ရည်ရွယ်ချက် ၃ ရပ်ကို ဆက်လက်ဖော်ဆောင်ကြဖို့ပေါ့ဗျာ။” ပဲခူးတိုင်း ပြည်မြို့မှာလည်း ၈ လေးလုံး အရေးတော်ပုံအထိမ်းအမှတ်အနေနဲ့ သရုပ်ဖော် ပါဖောမင့်တခု လုပ်ပြီး စီတန်းလမ်းလျှောက်မှုတွေ ပြုလုပ်ခဲ့ပါတယ်။ ပြည်ခရိုင် ၈၈ ကျောင်းသားဟောင်း ဦးဗရှီးက “ဒီနေ့ အခမ်းအနားကို မနက် ၉ နာရီ ထိုးမှာ စတင်။ ပါဖောမင့် တခုလုပ်တယ်။ အဲဒီ ပါဖောမင့်မှာ အဓိက ပါတာကတော့ မီဒီယာဆိုတဲ့ဆိုဒ်က ပါတယ်။ လူ ၄ ယောက်က အိုးတလုံးကို ၀ိုင်းတူးတာ၊ အိုးကို ကိုင်ထားတာ အာဏာပိုင်အဖွဲ့အစည်းက ကိုင်ထားတယ်။ ပြည်သူတွေနဲ့ မီဒီယာတွေကို ပေးရမယ့်ဟာကို မပေးပဲ နောက်ဆုံး အိုးကို ရိုက်ခွဲလိုက်တယ်ပေါ့နော်။ အဲဒီလိုဟာလေး တခု လုပ်တယ်။ ကျဆုံးသွားတဲ့ အာဇာနည်ခေါင်းဆောင်တွေနဲ့ ၈ လေးလုံးမှာ အသက်ပေးသွားတဲ့ လူတွေကို နံနက် ၉ နာရီထိုးမှာ အလေးပြုတယ်။ ပြီးတော့ မြင်းစီးကျောက်ရုပ်ကနေ ဗိုလ်ချုပ်လမ်းအတိုင်း လျှောက်ပြီး အုန်းတောလမ်းကနေ ကွေ့တယ်။ ပြည်တက္ကသိုလ်ရှေ့မှာ ဗကသက ကျောင်းသား ကိုမင်းဇော် စကားပြောပြီးတော့ အခမ်းအနားကို ရုပ်သိမ်းလိုက်တယ်။” ချီတက်မှုအတွင်း ပြည်မြိုအမှတ် ၁၊ ၂ နဲ့ ၃ က ရဲစခန်းမှူးတွေ တားမြစ်မှုတွေ ရှိခဲ့ပေမယ့် ဘယ်လို အရေးယူမလဲဆိုတာကို အကြာင်းကြားတာမရှိသေးဘူးလို့ ပြောပါတယ်။ အလားတူ အခမ်းအနားတွေကိုလည်း မုံရွာ၊ စစ်ကိုင်း နဲ့ မြင်းခြံမြို့တွေမှာ ပြုလုပ်ခဲ့ကြပါတယ်။