အစိုးရက ၀က်ဘ်ဆိုက် ၄၁ ခု လွှင့်တင်ထားဟုဆို

မြန်မာပြည်မှာ ပြည်ထောင်စုအဆင့် အဖွဲ့အစည်း ၁၀ ခုရဲ့ ၀က်ဘ်ဆိုက် ၁၀ ခု လွှင့်တင်ထားပြီး ၀န်ကြီးဌာန ၃၆ ခုအနက် ၃၁ ခုရဲ့ ၀က်ဘ်ဆိုက် တွေလည်း လွှင့်တင်ထားတယ်လို့ ဆက်သွယ်ရေးဒုဝန်ကြီး ဦးသောင်းတင်က ဇူလိုင် ၂၄ ရက်က ပြုလုပ်တဲ့ လွှတ်တော်ထဲ ပြောကြားခဲ့ပါတယ်။ Ministry websiteမင်းလှအမတ် ဦးမောင်တိုးရဲ့ ပြည်သူနဲ့ ဆက်ဆံနေရတဲ့ ၀န်ကြီးဌာနတွေက ထုတ်ပြန်ထားတဲ့ ဥပဒေ၊ နည်းဥပဒေတွေကို ပြည်သူတွေအလွယ်တကူသိရအောင် ၀က်ဘ်ဆိုက် ဘယ်နှခုတင်ထားလဲ ဆိုတဲ့ မေးခွန်းကို ဒုဝန်ကြီးက ခုလို ပြောဆိုလိုက်တာဖြစ်ပါတယ်။ ပြည်တွင်းက အိုင်တီလူငယ်တဦးကတော့ ၀န်ကြီးဌာန ၀က်ဘ်ဆိုက်တွေမှာ ပြည်သူတွေသိသင့်တဲ့ သတင်းအချက်အလက်တွေထက် သက်ဆိုင်ရာ ၀န်ကြီး အစည်းအဝေးလုပ်တဲ့သတင်းတွေချည်း ရေးသားတင်ဆက်ထားတာ တွေ့ရများတယ်လို့ သုံးသပ်ပြောကြားလိုက်ပါတယ်။ အစိုးရဌာန ၀က်ဘ်ဆိုက်တွေအနက် သမ္မတရုံးဝက်ဘ်ဆိုက်ကို သတင်းမီဒီယာသမားတွေအများစုက စိတ်ဝင်တစား တက်ရောက်ကြည့်ရှုကြတာများပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up