Friday, June 9, 2023
HomeLead Storyကင်တပ်ကီပြည်နယ်တွင် အမေရိကန်စစ်ရဟတ်ယာဉ် ၂ စင်း ပျက်ကျ

ကင်တပ်ကီပြည်နယ်တွင် အမေရိကန်စစ်ရဟတ်ယာဉ် ၂ စင်း ပျက်ကျ

အမေရိကန်စစ်တပ် Black Hawk ရဟတ်ယာဉ် ၂ စင်းဟာ မတ်လ ၂၉ ရက် နှောင်းပိုင်းက ကင်တပ်ကီပြည်နယ်အပေါ် ပုံမှန်လေ့ကျင့်ရေး မစ်ရှင်တခုအတွင်း ပျက်ကျသွားပြီးနောက်မှာ အသေအပျောက်တွေ ရှိမယ်လို့ ခန့်မှန်းရကြောင်း ကင်တပ်ကီပြည်နယ် အုပ်ချုပ်ရေးမှူးက မတ်လ ၃၀ ရက်မှာ ပြောပါတယ်။

ရဟတ်ယာဉ်အမှုထမ်းတွေရဲ့ အခြေအနေကို ချက်ချင်းမသိရသေးကြောင်း ကင်တပ်ကီရှိ အမေရိကန်ကြည်းတပ်ရဲ့ ကမ့်ပ်ဘဲလ်ခံတပ်စခန်းမှ ရိုက်တာကိုပို့ပေးတဲ့ ထုတ်ပြန်ချက်ထဲမှာ ပြောထားပြီး ဘယ်နှစ်ယောက် လိုက်ပါလာကြောင်း လူအရေအတွက်ကို ဖော်ပြထားခြင်း မရှိပါဘူး။

ရဟတ်ယာဉ်အမှုထမ်းတွေဟာ အမှတ် ၁၀၁ လေကြောင်းချီတပ်က လုပ်ဆောင်တဲ့ လေ့ကျင့်မှုအတွင်း HH-60 Black Hawk ရဟတ်ယာဉ်နှစ်စင်း ပျံသန်းနေတာဖြစ်ပြီး ကင်တပ်ကီပြည်နယ်ရဲ့ ထရစ်ဂ်ကောင်တီမှာ အရှေ့ဘက်စံတော်ချိန် ည ၁၀:၀၀ နာရီလောက်မှာ ပျက်ကျခဲ့တာဖြစ်ကြောင်း ကမ့်ပ်ဘဲလ် ခံတပ်စခန်းရဲ့ ပြည်သူ့ရေးရာရုံးက ပြောပါတယ်။

HH-60 အမျိုးအစားဟာ လေကြောင်းတိုက်ခိုက်မှုနဲ့ ဆေးဘက်ဆိုင်ရာ နေရာရွှေ့ပြောင်းတာတွေ အပါအဝင် စစ်ဘက်ဆိုင်ရာ စစ်ဆင်ရေးအမျိုးမျိုးအတွက် ပံ့ပိုးကူညီဖို့ ဒီဇိုင်းထုတ်ထားတဲ့ Black Hawk ရဟတ်ယာဉ်အမျိုးအစားဖြစ်ကြောင်း စစ်တပ်ကနေ သိရပါတယ်။

RELATED ARTICLES
- Advertisment -
Google search engine

Most Popular