ဘရာဇီးနိုင်ငံ၊ ဆော်ပေါ်လိုမြို့ရှိ အစိုးရကျောင်းတကျောင်းမှာ အသက် ၁၃ နှစ်အရွယ် ကျောင်းသား တယောက်က သူ့ဘေးနားရှိ ဆရာ သုံးယောက်နဲ့ အတန်းဖော် နှစ်ယောက်တို့ကို ဓားနဲ့ထိုး ခဲ့ပြီးနောက်မှာ ကျောင်းဆရာ သေဆုံးသွားကြောင်း ဒေသအာဏာပိုင်တွေက မတ် ၂၇ ရက် မှာ ပြောကြားပါတယ်။
အဲဒီဆယ်ကျော်သက် ကျောင်းသားကို သူ့မိဘတွေနဲ့အတူ စစ်ဆေးမေးမြန်းဖို့ ရဲစခန်းကို ခေါ်ဆောင်သွားခဲ့ပါတယ်။
တခြားထိခိုက်ဒဏ်ရာရတဲ့ ဆရာတွေဟာ အန္တရာယ်မရှိသလို ကျောင်းသားတွေရဲ့ ဒဏ်ရာမှာ အသေးအဖွဲ့ဖြစ်ကြောင်း ဆောင်ပေါ်လို ရဲ့ ပညာရေးအတွင်းဝန် ရီနာတို ဖှီဒါရ် က ပြောပါတယ်။
သေဆုံးသွားတဲ့ဆရာကို အောက်မေ့ဂုဏ်ပြုတဲ့အနေနဲ့ ၃ ရက်တာ ဝမ်းနည်းခြင်း ကာလကို ထပ်လောင်း ကြေညာသွားမယ်လို့လည်း ဆိုပါတယ်။
ဒီတိုက်ခိုက်မှုအတွက် အကြောင်းရင်းကို ခန့်မှန်းပြောဆိုဖို့က စောလွန်းသေးကြောင်းနဲ့ ရဲတပ်ဖွဲ့က စုံစမ်းစစ်ဆေးလိမ့်မယ်လို့ ဖှီဒါရ်က ပြောပါတယ်။
