အမေရိကန်နိုင်ငံ၊ နယူးဂျာစီပြည်နယ် ဘာလင်တန်မြို့ရှိ ဘုရားကျောင်းကြီးတခု မတ်လ ၂၀ ရက်က မီးလောင်ကျွမ်းခဲ့ရာမှာ သူ့ခေါင်မိုးပါ ပြိုကျခဲ့ပြီး မီးသတ်သမားနဲ့ အရေးပေါ်ဝန်ထမ်း ၁၀၀ ကျော် မီးလောင်ကျွမ်းမှုကို ငြိမ်းသတ်ခဲ့ရကြောင်း ဒေသတွင်း မီဒီယာတွေက ဖော်ပြပါတယ်။
ဖီလာဒဲလ်ဖီးယားပြည်နယ်ရဲ့ အရှေ့မြောက်ဘက် နယူးဂျာစီရှိ ဖလောရင့်စ်မြို့ရဲ့ Fountain of Life စင်တာမှာ အရှေ့ဘက်စံတော်ချိန် ညနေ ၆ နာရီလောက်က မီးလောင်ကျွမ်းခဲ့ကြောင်း ဒေသခံ ABC-6 က ထုတ်ပြန်ပါတယ်။
စင်တာရဲ့ အကြီးတန်းသင်းအုပ်ဆရာ ရပ်ဆဲလ် ဟော့ဒ်ဂျင်စ်က တွဲဆက်နေတဲ့ ကျောင်းဆောင်တခုကို ကယ်နိုင်ဖို့ မီးသတ်သမားတွေနဲ့ အရေးပေါ်ဝန်ထမ်းတွေ ကြိုးစားနေကြကြောင်း ပြောပါတယ်။
ဘာကြောင့် မီးစတင်လောင်ကျွမ်းရကြောင်းနဲ့ ဒဏ်ရာရသူရှိမရှိ အတိအကျ မသိရသေးပါဘူး။ ၁၉၇၄ ခုနှစ်က ဖွင့်လှစ်ခဲ့တဲ့ ဘုရားကျောင်းဝင်းထဲမှာ စာသင်ကျောင်း၊ ဝတ်ပြုရာနေရာနဲ့ မိသားစုဘဝစင်တာ တို့လည်း ရှိပါတယ်။
