ဆောက်သမ်တန်အသင်းနဲ့ ဂိုးမရှိသရေကျခဲ့တဲ့ပွဲစဉ်ဟာ ကွင်းလယ်ဒိုင်လူကြီးရဲ့ လွှမ်းမိုးမှုရှိခဲ့ ကြောင်း မန်ယူနည်းပြ တန်ဟတ်ဂ်ကဝေဖန်သွားပါတယ်။
မန်ယူအသင်းဟာ ပွဲချိန်ကတည်းက ကွင်းလယ်လူ ကတ်စမီရို တိုက်ရိုက်အနီကတ်ပြအထုတ်ခံခဲ့ရပြီး တစ်ယောက်လျော့နဲ့ ယှဉ်ပြိုင်ကစားခဲ့ရတာပါ။
ပွဲချိန်အတွင်းမှာ ပြိုင်ဘက် ကစားသမားက ပင်နယ်တီဧရိယာအတွင်းမှာ လက်ထိဘောဖြစ်ခဲ့ပေမယ့် ပင်နယ်တီမပေးခဲ့တဲ့အပေါ်မှာလည်း ဒိုင်လူကြီးရဲ့ လွှမ်းမိုးမှုပါဝင်ခဲ့ကြောင်း နည်းပြတန်ဟတ်ဂ်က ဝေဖန်ခဲ့တာပါ။
“ကတ်စမီရိုဟာ ဥရောပမှာ ပွဲ ၅၀၀ ကျော်ကစားခဲ့ပေမဲ့ ဘယ်တုန်းကမှ တိုက်ရိုက် အနီကတ်ပြသခံရတာမရှိခဲ့ဘူး။ ပရီးမီးယားလိဂ်ရောက်လို့ ပွဲ ၂၀ ပဲ ကစားရချိန်မှာ အနီကတ်တွေ ပြသခံခဲ့ရ ပြီးပြီ။ ၄ ပွဲ ပယ်ခံရမဲ့အပေါ် အဆင်ပြေအောင်လုပ်ဆောင်သွားရမှာပါ။ ဒီပွဲမှာ ဒိုင်လူကြီးရဲ့ လွှမ်းမိုးမှုပါဝင်ခဲ့တာက ဒီကိစ္စတွေဖြစ်လာစေတာပဲ”လို့ နည်းပြတန်ဟတ်ဂ်ကပြောပါတယ်။
ဒိုင်လူကြီးရဲ့ ဆုံးဖြတ်ချက်တွေဟာ သသတ်မတ်တည်းမရှိကြောင်း ပွဲအပြီးမှာ ဂိုးသမားဒီဂီယာကလည်း ဝေဖန်သွားခဲ့ပါတယ်။
