A d v e r t i s e m e n t With Us

အနိမ့်ဆုံး လုပ်ခနှုန်းထား ဒီဇင်ဘာမှာ အတည်ပြု ထုတ်ပြန်မည်

လှိုင်သာယာအထည်ချုပ်စက်ရုံတခု (ဓာတ်ပုံ - ရိုက်တာ)
အလုပ်သမားတွေအတွက် အနည်းဆုံး လုပ်ခလစာ လျာထားချက် မူကြမ်းကို စက်တင်ဘာမှာ ထုတ်ပြန်ပေးသွားမှာ ဖြစ်ပြီး အခုနှစ်မကုန်ခင် ဒီဇင်ဘာလမှာ အတည်ပြု ထုတ်ပြန် ကျင့်သုံး သွားမယ်လို့ အလုပ်သမား ဒုဝန်ကြီး ဦးထင်အောင်က ပြောပါတယ်။ [caption id="attachment_32551" align="alignright" width="300"]လှိုင်သာယာအထည်ချုပ်စက်ရုံတခု (ဓာတ်ပုံ - ရိုက်တာ) လှိုင်သာယာအထည်ချုပ်စက်ရုံတခု (ဓာတ်ပုံ - ရိုက်တာ)[/caption] ဇွန် ၂ ရက်နေ့ ပြည်ထောင်စုလွှတ်တော် အစည်း အဝေးမှာ သူက ခုလို ပြောဆိုလိုက်တာ ဖြစ်ပါတယ်။ စက်တင်ဘာမှာ ထုတ်ပြန်မယ့် နှုန်းထားဟာ အကြမ်းဖျင်း လျာထားချက် ဖြစ်ပြီး ၂ လ အတွင်း ပြည်သူတွေက အကြံပေးနိုင်သေးတယ်လို့ သူက ရှင်းပြပါတယ်။ ရရှိလာတဲ့ ပြည်သူတွေရဲ့ အကြံပေး ချက်တွေကို ဆွေးနွေးသုံးသပ်ပြီး ဒီဇင်ဘာလ ရောက်ရင် ပြည်ထောင်စုအစိုးရက အတည်ပြုထုတ်ပြန်မယ်လို့ သူက ဆိုပါတယ်။ လောလောဆယ် အနိမ့်ဆုံး လုပ်ခလစာ သတ်မှတ်ချက် မရှိသေးတာကြောင့် လစာနဲ့ ပတ်သက်ပြီး အလုပ်ရှင်နဲ့ အလုပ်သမားပြသာနာတွေကို ဖြေရှင်းရ ခက်ခဲနေတယ်လို့ ပြည်ထောင်စုလွှတ်တော်အစည်းအဝေးမှာ ရွေးကောက်ခံအမတ်တွေက ပြောဆိုကြပါတယ်။

A d v e r t i s e m e n t With Us

More News
Up