A d v e r t i s e m e n t With Us

လွတ်လပ်မျှတသည့်ရွေးကောက်ပွဲ ကျင်းပပေးမည်ဟု ထိုင်းစစ်တပ်ပြော

ထိုင်းနိုင်ငံမှာ ပြည်တွင်းစစ်မဖြစ်အောင် အာဏာသိမ်းခဲ့တာလို့ စစ်တပ်က အကြောင်းပြပြီး လွတ်လပ်မျှတတဲ့ရွေးကောက်ပွဲ ကျင်းပပေးမယ်လို့ အာမခံလိုက်ပါတယ်။ အာဏာသိမ်း စစ်ကောင်စီရဲ့ ရည်ရွယ်ချက်ဟာ အမျုိးသားပြန်လည်သင့်မြတ်ရေးနဲ့ လွတ်လပ်မျှတတဲ့ ရွေးကောက်ပွဲကို ကျင်းပနိုင်မယ့် ပြုပြင်ပြောင်းလဲရေး လုပ်ငန်းစဉ် ရှေ့ဆက် ဆောင်ရွက်နိုင်ဖို့ ရည်ရွယ်တယ်လို့ အာဏာသိမ်းစစ်ကောင်စီရဲ့ နိုင်ငံခြားရေးဌာန ပြောခွင့်ရသူက နိုင်ငံခြား မိဒီယာတွေကို ဒီနေ့ ပြောကြားလိုက်တာပါ။ Thai soldiers take their positions in the middle of a main intersection in Bangkok's shopping districtထိုင်းနိုင်ငံမှာ ဆီရီးယား၊ လစ်ဗျားနဲ့ အီရတ်လို အခြေအနေမျိုး ဖြစ်မှာကို စစ်တပ်က ခွင့်မပြုနိုင်သလို ထိုင်းပြည်သူတွေ အများစုကလည်း ဒီလို အဖြစ်မျိုးကို မြင်ချင်မှာ မဟုတ်ဘူးလို့ ပြောပါတယ်။ လွန်ခဲ့တဲ့ ၁ ပတ်က ထိုင်းစစ်ဦးစီးချုပ် ဗိုလ်ချုပ် ပရာယုဒ် ချန်အိုချာက အာဏာသိမ်းခဲ့ပြီး ထိုင်းဘုရင်က တရားဝင်ထောက်ခံမှု ရရှိထားပြီး ဖြစ်ပါတယ်။ စစ်ဗိုလ်ချုပ်ဟောင်းတွေ ခေါင်းဆောင်တဲ့ ၆ ဦးပါ အကြံပေးအဖွဲ့ကိုလည်း ဖွဲ့စည်းလိုက်ပြီး အာဏာသိမ်း စစ်ကောင်စီနဲ့ အကြံပေးအဖွဲ့တို့ မေ ၂၉ ရက်နေ့မှာ ပထမဆုံးအကြိမ် တွေ့ဆုံပြီး လုံခြုံရေးနဲ့ စီးပွားရေးကိစ္စတွေကို ဆွေးနွေးမယ်လို့ သည်နေးရှင်း သတင်းစာမှာ ဖော်ပြထားပါတယ်။ ဒီအတောအတွင်းမှာ အာဏာသ်ိမ်း စစ်ကောင်စီက နောက်ထပ် လူ ၁၇ ယောက်ကို ဆင့်ခေါ်တဲ့ အမိန့် ၂ ရပ်ကို ဒီနေ့ ထုတ်ပြန်လိုက်ပြီ မနက်ဖြန် မေ ၃၀ ရက်နေ့ မနက် ၁၁ နာရီ နောက်ဆုံးထားပြီး သတင်းပို့ကြဖို့ ညွန်ကြားထားပါတယ်။ ဒီမတိုင်ခင်က အာဏာသိမ်း စစ်ကောင်စီက ၀န်ကြီးချုပ်ဟောင်း ယင်းလပ်အပါအ၀င် လူ ၂၅၃ ယောက်ကို ဆင့်ခေါ်ခဲ့ပြီး တချို့ကို အခုထိ ထိန်းသိမ်းထားတယ်လို့ ထုိုင်းစစ်တပ်ပိုင် ရုပ်မြင်သံကြားက ပြီးခဲ့တဲ့ မေ ၂၈ ရက်နေ့က ကြေညာပါတယ်။ သတင်းပို့သူအယောက် ၂၀၀ ထဲက ၁၂၄ ယောက်ကို ပြန်လွှတ်ပေးခဲ့တယ်လို့ ထိုင်းစစ်တပ်ရဲ့ ဒုပြောခွင့်ရသူက မေ ၂၈ ရက်နေ့မှာ ပြောပါတယ်။ အရေးကြီးတဲ့ ထိပ်တန်းနိုင်ငံရေးသမားတွေ အားလုံးကို စစ်တပ်က ပြန်လွှတ်ပေး လိုက်ပေမယ့် တချို့က ဆွေမျိုးသားချင်းတွေ ပြန်လာခေါ်တာကို စောင့်ဆိုင်းနေတယ်လို့ စစ်တပ်ပြောခွင့်ရသူက ဆိုပါတယ်။ ဆင့်ခေါ်ခဲ့တဲ့ လူတွေထဲက ၅၃ ယောက်ကတော့ တိမ်းရှောင်နေတယ်လို့ စစ်တပ်ပိုင် ရုပ်မြင်သံကြားက ကြေညာထားပါတယ်။ ညမထွက်ရအမိန့်ကို မေ ၂၈ ရက်နေ့ကစလို့ ညသန်းခေါင်ကနေ မနက် ၄ နာရီ အတွင်း၊ လျှော့ပေါ့သတ်မှတ်လိုက်ပေမယ့် လူ ၅ ယောက်ထက် ပိုမစုရ အမိန့်ကတော့ ဆက်ရှိနေပါတယ်။ ဒါပေမယ့် ဘန်ကောက်မြို့တော်မှာ စစ်တပ် အာဏာသိမ်းတာကို ဆန့်ကျင်တဲ့ ဆန္ဒပြပွဲတွေ ဆက်ရှိနေပါတယ်။ မေ ၂၈ ရက်နေ့က ဘန်ကောက်မြို့ လွတ်လပ်ရေးကျောက်တိုင်မှာ လူရာနဲ့ချီ ဆန္ဒပြခဲ့ပြီး အနည်းဆုံး ၁ ယောက်ကို စစ်သားတွေက ထိန်းသိမ်းခဲ့ပါတယ်။

A d v e r t i s e m e n t With Us

More News
Up