ထိုင်းတောင်ပိုင်းပဋိပက္ခ ၁ ဦးသေဆုံး၊ ၁၀ ဦး ဒဏ်ရာရ

ထိုင်းနိုင်ငံ တောင်ပိုင်းမှာ မွတ်စလင် ဆူပူသောင်းကျန်းသူတွေလို့ ယူဆရတဲ့အဖွဲ့က မေ ၁၁ ရက်နေ့ တရက်တည်း တိုက်ခိုက်မှု အကြိမ် ၃၀ ပြုလုပ်ခဲ့ကြပါတယ်။ သေနတ်နဲ့ပစ်ခတ်မှု၊ ဗုံးခွဲမှု၊ မီးရှို့မှုတွေ ပြုလုပ်ခဲ့ကြတာမှာ လူတဦး သေဆုံးခဲ့ပြီး ၁၀ ဦး ဒဏ်ရာရသွားပါတယ်။ thai_bomb_blast_1205_840_580_100 copyဗုဒ္ဓဘာသာဝင်တွေ အများစုနေထိုင်တဲ့ ထိုင်းနိုင်ငံမှာ တောင်ပိုင်းစွန်း မလေးရှားနဲ့ နယ်စပ်က ပတ္တနီ၊ ယာလာ၊ နာရာသီဝတ် ခရိုင်တွေမှာ မွတ်စလင် ဆူပူသောင်းကျန်းသူတွေက ဗဟိုအစိုးရကို ဆန့်ကျင်နေတာ ဆယ်စုနှစ်တွေ ကြာနေပါပြီ၊ ၂၀၀၄ ခုနှစ်မှာ ဆန့်ကျင်မှုတွေ ပြင်းထန်ခဲ့ပါတယ်။ ၀န်ကြီးချုပ်ရဲ့ အကြံပေး ပရာဒွန်း ပါတနာတသာဘာက ဈေးဝယ်ကုန်တိုက်တခုနဲ့ လျှပ်စစ်တာဝါတိုင်တခုလည်း မီးရှို့ခံရတယ်လို့ ပြောဆိုပြီး အမျိုးသမီးတဦး သေဆုံးခဲ့တယ်လို့ ပြောဆိုပါတယ်။ နာရာသီဝတ်ခရိုင် ရဲတပ်ဖွဲ့ကလည်း ဗုံးခွဲမှုတွေ နေရာ ၁၀ ခုမှာ ဖြစ်ခဲ့ပြီး ဗုံးကွဲမှုတခုအတွင်း မွတ်စလင် အမျိုးသမီးတဦး သေဆုံးသွားတယ်လို့ အတည်ပြုပြောဆိုပါတယ်။ ၂၀၀၄ ခုနှစ် ဇန်န၀ါရီလက စလို့ လူပေါင်း ၅၇၀၀ ကျော် သေဆုံးခဲ့ပြီး ဒီနှစ်အတွင်း သေဆုံးသူ ၄၀ ရှိသွားပြီလို့ သိရပါတယ်။ သူပုန်အဖွဲ့တွေ မျိုးစုံ ရှိပေမယ့် သူတို့ရဲ့ အဓိက တောင်းဆိုချက်ကတော့ ကိုယ်ပိုင်အုပ်ချုပ်ခွင့်အာဏာကို တိုးပေးဖို့ ဗဟိုအစိုးရကို တောင်းဆိုနေတာဖြစ်ပါတယ်။ မနှစ်က ငြိမ်းချမ်းရေး ဆွေးနွေးပွဲ စတင်ခဲ့ပေမယ့် အကြမ်းဖက်မှုတွေကို အဆုံးမသတ်နိုင်သေးပါဘူး။ ဘန်ကောက်မှာ ဖြစ်နေတဲ့ နိုင်ငံရေး ပြဿဿနာ ကြားထဲမှာ တောင်ပိုင်းကိစ္စ ဆွေးနွေးပွဲတွေလည်း ရှေ့မတိုးနိုင်ဘဲ ရှိနေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up