ဘိုကိုဟာရမ် တပ်ဖွဲ့ဝင်များကို လွှတ်ပေးမှ ကျောင်းသူ ၂၀၀ ကျော် ပြန်လွှတ်မည်

ဘိုကိုဟာရမ်တပ်ဖွဲ့ခါင်းဆောင်

နိုင်ဂျီးရီးယား ဘိုကိုဟာရမ်အဖွဲ့က နောက်ဆုံး ထုတ်လိုက်တဲ့ ဗွီဒီယိုမှာ ပြန်ပေးဆွဲထားတဲ့ ကျောင်းသူ ၂၀၀ ကျော်ကို ပြန်လွှတ်ပေးစေချင်တယ်ဆိုရင် အကြမ်းဖက်စွပ်စွဲချက်နဲ့ ဖမ်းဆီးခံထားရတဲ့ ဘိုကိုဟာရမ်တပ်ဖွဲ့ဝင်တွေကို အရင်လွှတ်ပေးရမယ်လို့ အဖွဲ့ခေါင်းဆောင်က ပြောပါတယ်။

ဗွီဒီယိုထဲမှာ ပြန်ပေးဆွဲခံရသူကျောင်းသူ ၁၀၀ လောက် ဘုရားရှိခိုးနေတဲ့ပုံတွေကို ရိုက်ကူးထားပါတယ်။

[caption id="attachment_56447" align="alignright" width="300"]ဘိုကိုဟာရမ်တပ်ဖွဲ့ခါင်းဆောင် ဘိုကိုဟာရမ်တပ်ဖွဲ့ခါင်းဆောင်[/caption]

ဘိုကိုဟာရမ်တပ်ဖွဲ့ခါင်းဆောင် အဘူဘကာ ရှီကာအူက “လွန်ခဲ့တဲ့ ၄၊ ၅ နှစ်က ဖမ်းဆီးခံခဲ့ရတဲ့ ဘိုကိုဟာရမ်တပ်ဖွဲ့ဝင်တွေကို မလွှတ်ပေးမချင်း ကျောင်းသူတွေကိုလည်း မလွှတ်ပေးဘူး” လို့ ပြောဆိုထားပါတယ်။

အင်တာနက်ပေါ်တက်လာတဲ့ ဗွီဒီယိုဖိုင်နဲ့ ပတ်သက်ပြီး နိုင်ဂျီးရီးယား အာဏာပိုင်တွေဘက်က တရားဝင် ထုတ်ဖော် ပြောဆိုမှုတော့မရှိသေးပါဘူး။

 နိုင်ဂျီးရီးယားထောင်တွေမှာ ဘိုကိုဟာရမ်တပ်ဖွဲ့ဝင်တွေ ရာနဲ့ချီ ဖမ်းဆီးခံထားရပြီး မကြာခဏ ထောင်ဖောက်ပြေးမှုတွေလည်း ဖြစ်ပွားခဲ့ပါတယ်။

ပြီးခဲ့တဲ့မတ်လက အဘူဂျာမြို့တော် သမ္မတအိမ်တော်နားက အကျဉ်းထောင်တခုကို အကြမ်းဖက်သမားတွေက ၀င်ရောက်စီးနင်းခဲ့ကြပြီး လူ ၂၁ ဦး သေဆုံးခဲ့ပါတယ်။

ရဲတွေရဲ့ အဆိုအရ ဧပြီ ၁၄ ရက်နေ့က နိုင်ငံ အရှေ့မြောက်ပိုင်း ကင်မရွန်းနဲ့ နယ်စပ် ချီဘွခ် ရွာကနေ ကျောင်းသူ ၂၇၆ ယောက်ကို ဘိုကိုဟာရမ်အဖွဲ့က ပြန်ပေးဆွဲသွားတယ်လို့ ဆိုပါတယ်။

ကျောင်းသူတွေထဲမှာ တော်တော်များများက ခရစ်ယာန်တွေ ဖြစ်ပါတယ်။ သူတို့ထဲက ၅၀ က ထွက်ပြေးလွတ်မြောက်ခဲ့ပြီး ၂၀၀ ကျော် ပျောက်ဆုံးနေဆဲဖြစ်ပါတယ်။

ဒီလအစောပိုင်းမှာ ဘိုကိုဟာရမ် အဖွဲ့ခေါင်းဆောင်က မိန်းကလေးငယ်တွေကို ရောင်းစားမယ်လို့ ခြိမ်းခြောက်ခဲ့ပြီးနောက် ကုလသမဂ္ဂက အပြစ်ကျူးလွန်သူတွေဟာ စစ်ရာဇ၀တ်မှုနဲ့ အရေးယူခံရမယ်လို့ သတိပေးထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up