တရုတ်ပြည်ရဲ့ ဘဏ္ဍာရေးမြို့တော် ရှန်ဟိုင်းမှာ ရဲတွေက အွန်လိုင်းပေါ်ကနေ သေနတ်ရောင်းမှုနဲ့ သံသယရှိသူ အယောက် ၃၀ ကျော်ကို ဖမ်းဆီးခဲ့ပြီး လေသေနတ် ၁၀၈ လက်ကို သိမ်းဆည်းလိုက်ပါတယ်။ တရုတ်နိုင်ငံတလွှား အွန်လိုင်းပေါ် က ဈေးရောင်းမှုတွေကို ၂ လကြာ စုံစမ်းစစ်ဆေးအပြီး ခုလို ဖမ်းဆီးလိုက်တာ ဖြစ်ပါတယ်။ သေနတ်ရောင်းတဲ့ အင်တာနက်စာမျက်နှာကို ရဲတွေက လောလောဆယ် ပိတ်ချလိုက်တယ်လို့ ရှန်ဟိုင်းမြို့တော် စည်ပင်သာ ယာရေး နဲ့ ပြည်သူ့လုံခြုံရေးဗျူရိုရဲ့ ရှီးဟွေ့ ဌာနခွဲက ဆိုပါတယ်။ အင်တာနက်ပေါ်ကနေ ကုန်သွယ်မှုလုပ်တဲ့ အဲဒီ အွန်လိုင်းစာမျက်နှာဟာ ၂၀၀၈ ခုနှစ်က စတင် တည်ထောင်ခဲ့ပြီး ရောင်းဝယ်သူ အယောက် ၂၀ ကျော်နဲ့ နိုင်ငံတလွှားက မှတ်ပုံတင်ထားသူ အယောက် ၉ သောင်းနီးပါးရှိလို့ တရုတ်နိုင်ငံတွင်း အကြီးဆုံး လက်နက်ရောင်းတဲ့ အင်တာနက်စာမျက်နှာ ဖြစ်တယ်လို့ ဆိုပါတယ်။ ပစ္စတိုလေသနတ်ကနေ ရိုင်ဖယ်လေသနတ်ထိ တရားမ၀င် သေနတ်ပေါင်းစုံကို ခဲယမ်းမီးကျောက်တွေနဲ့အတူ အတွဲလိုက် အင်တာနက်ကနေ ရောင်းဝယ်ခဲ့တာလို့ ရဲတပ်ဖွဲ့က ပြောပါတယ်။ လေသေနတ်တွေဟာ တကယ့်သေနတ်တွေနဲ့ ဆင်တူပြီး ကျည်အစစ်နဲ့ ပစ်ခတ်နိုင်တဲ့အပြင် ရာဇ၀တ်သားတွေရဲ့ လက်ထဲ ရောက်သွားရင် အပြင်းအထန်ဒဏ်ရာရအောင် ပစ်ခတ်နိုင်စွမ်း ရှိကြောင်း၊ ဒီအမှုကို ဆက်လက် စုံစမ်း စစ်ဆေးနေတယ်လို့ ရဲက ပြောပါတယ်။