ယူကရိန်းဝန်ကြီးချုပ်က အရှေ့ပိုင်းဒေခံတွေရဲ့ တောင်းဆိုမှု ပိုမိုဖြည့်ဆည်းပေးမည်ဟု ဆို

ယူကရိန်းဝန်ကြီးချုပ် အာဆနီ ရစင်ညက်

ယူကရိန်းဝန်ကြီးချုပ် အာဆနီ ရစင်ညက် က ယူကရိန်း အရှေ့ပိုင်းဒေသတွေရဲ့ တောင်းဆိုမှုတွေကို ပိုမိုဖြည့်ဆည်းပေးမယ်လို့ ဧပြီလ ၁၁ ရက်နေ့က ယူကရိန်းအရှေ့ပိုင်းက ဒန်ညက်စ်မြို့ကို ရောက်ရှိစဉ် ပြောကြားခဲ့ပါတယ်။

[caption id="attachment_54840" align="alignright" width="300"]ယူကရိန်းဝန်ကြီးချုပ် အာဆနီ ရစင်ညက် ယူကရိန်းဝန်ကြီးချုပ် အာဆနီ ရစင်ညက်[/caption]

ယူကရိန်းအစိုးရအနေနဲ့ ယူကရိန်းအရှေ့ပိုင်းဒေသခံတွေနဲ့ တိုက်ရိုက်တွေ့ဆုံညှိနှိုင်းပြီး ဒေသခံတွေရဲ့ အခြေအနေနဲ့ အချိန်အခါပေါ်မူတည်တဲ့ တောင်းဆိုမှုတွေကိုပါ အခြေခံဥပဒေက ခွင့်ပြုသလောက် လိုက်လျောပေးဖို့အဆင်သင့်ရှိပါတယ်လို့ ပြောဆိုခဲ့ပါတယ်။

လက်ရှိယူကရိန်းကြားဖြတ်အစိုးရက ယူကရိန်းအရှေ့ပိုင်း ဒေသခံအစိုးရတွေကို ဒေသခံပြည်သူ တွေရဲ့ ဆန္ဒနဲ့အညီ ရွေးကော်တင်မြှောက်ခွင့်ကို ပေးထားပြီး ဒေသခံအစိုးရတွေကို စီးပွားရေး၊ ဘဏ္ဍာရေးနဲ့ အုပ်ချုပ်ရေးအခွင့်အာဏာတွေကို တိုးပေးမယ်လို့ ပြောဆိုခဲ့ပါတယ်။ အခုလို ဗဟိုအစိုးရရဲ့ ချုပ်ကိုင်မှုတွေကို လျော့ပေးနိုင်မယ်ဆိုရင် ဒေသခံအစိုးရတွေမှာ အခွန်ဘဏ္ဍာ တိုးတက်လာနိုင်ပြီး ဒေသခံလူထုအတွက် အလုပ်အကိုင်အခွင့်အလမ်းနဲ့ စီးပွားရေးတိုးတက်မှု အခွင့်အလမ်းတွေပါ ပိုရနိုင်တယ်လို့ ပြောဆိုပါတယ်။

ရုရှားဘာသာစကားကို ဒေသခံဘာသာစကားအဖြစ် ဆက်ထားနိုင်ပြီး ဒေသခံလူမျိုးစုတွေရဲ့ အခွင့်အရေးကို ပိုအကာအကွယ်ပေးမယ်လို့လည်း ဆိုပါတယ်။ ယူကရိန်းအရှေ့ပိုင်းက လူထုဆန္ဒတွေကို ပိုမိုဖြည့်ဆည်းနိုင်ဖို့ ဥပဒေပြုပြင်ပြောင်းလဲမှုတွေကိုလည်း ယူကရိန်းအစိုးရ ဆောင်ရွက်ပေးပါမယ်လို့လည်း ဆိုခဲ့ပါတယ်။

တချိန်ထဲမှာလည်း ယူကရိန်းအရှေ့ပိုင်းဒေသခံတွေအနေနဲ့ လက်နက်ကိုင်အကြမ်းဖက်မှုတွေကို မလုပ်ဖို့နဲ့ ဒေသခံအစိုးရရုံးတွေကို သိမ်းပိုက်ထားတာတွေကိုလည်း ပြန်ပေးဖို့ တောင်းဆိုခဲ့ပါ တယ်။

လုံခြုံရေးအာဏာပိုင်တွေမှာလည်း အကန့်အသတ်တွေ ရှိတာကြောင့် အစိုးရဌာနတွေကို သိမ်းပိုက်ထားတာတွေကို ငြိမ်းငြိမ်းချမ်းချမ်း ပြန်ရုပ်သိမ်းနိုင်ဖို့ အစွမ်းကုန်ကြိုးပမ်းနေကြပြီး ဒီနေ့လည်း အခွင့်အရေးရှိသေးတယ်လို့ ဆိုပါတယ်။

ယူကရိန်းနိုင်ငံအရှေ့ပိုင်းက ဒန်ညက်စ်မြို့အပါအ၀င် မြို့ကြီးတွေမှာ ရုရှားလိုလားတဲ့ ဒေသခံတွေ က အစိုးရရုံးဌာနတွေကို သိမ်းပိုက်ထားပြီး ရုရှားနိုင်ငံနဲ့ ပူးပေါင်းဖို့ ကိုယ်ပိုင်အုပ်ချုပ်ခွင့်ကို တောင်းဆိုနေကြပါတယ်။

//
More News
Up