ပစ်သတ်ခံခဲ့ရသည့် တက္ကဆက် မူလတန်းကျောင်းသားများအတွက် အိန္ဒိယကျောင်းသားများ ဆုတောင်းပွဲကျင်းပ

အမေရိကန်နိုင်ငံ၊ တက္ကဆက်ပြည်နယ် မူလတန်းကျောင်းမှာ ဆယ်ကျော်သက် သေနတ်သမားတယောက်ရဲ့ ပစ်ခတ်မှုကြောင့် သေဆုံးသွားခဲ့ရတဲ့  ကလေး ၁၉ ယောက်နဲ့ ဆရာ ၂ ယောက်အတွက် ဖယောင်းတိုင်ထွန်းညှိ ဆုတောင်းပွဲကို အိန္ဒိယနိုင်ငံ မြောက်ပိုင်း အမ်ရစ်စတာမြို့က ကျောင်းသားတွေဟာ မေ ၂၅ ရက်မှာ ကျင်းပ ပါတယ်။

ဒီဖြစ်ရပ်ဟာ နှလုံးသား နာကျင်ရတဲ့ ဖြစ်ရပ်လို့ ဆာရင်းန် အင်ဖိုတက်ခ် ဘာတီးယာ ဝီဒိယ နိကေတန် အထက်တန်းကျောင်းရဲ့ ကျောင်းအုပ် စန်ဒိ(ပ်) ဆာရန်က ပြောပါတယ်။

"ကျောင်းသားတွေ စာသင်ဖို့ ကျောင်းကိုသွားတဲ့နေရာမှာ ဒါမျိုးဖြစ်ရပ်တွေ မဖြစ်သင့်ဘူး၊ မိဘတွေက သားသမီးတွေကို ဆုံးရှုံးရတယ်၊ အင်မတန် ဝမ်းနည်းစရာပဲ" လို့ ကျောင်းအုပ်က ပြောပါတယ်။

ကျောင်းအုပ်ဟာ ကျောင်းသားတွေနဲ့အတူ သေဆုံးသူတွေအတွက် ဆုတောင်းစာတွေကို ရွတ်ခဲ့ကြပါတယ်။

မေ ၂၄ ရက်က ရော့ဘ်မူလတန်းကျောင်းကို စီးနင်းအပြီး သေနတ်သမားဟာ ကလေး ၁၉ ယောက်နဲ့ ဆရာ ၂ ယောက်ကို သတ်ခဲ့တာပါ။ 

ဒါဟာ အမေရိကန်မှာ ကျောင်းကိုပစ်ခတ်မှု နောက်ဆုံးဖြစ်ရပ်နဲ့ ဆယ်စုနှစ် တခုနီးပါးအတွင်း ကျောင်းတွေကိုပစ်ခတ်တဲ့ အဆိုးဆုံး အမှုတွေထဲက တခုဖြစ်လာတယ်လို့ ရိုက်တာသတင်းဌာနက ရေးပါတယ်။

//
More News
Up