စစ်ခေါင်းဆောင်နှင့်တွေ့ဆုံရန် RCSS ဥက္ကဋ္ဌ ဗိုလ်ချုပ်ကြီးယွက်စစ် နေပြည်တော်သွားရောက်

အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်ဖိတ်ခေါ်တဲ့ ငြိမ်းချမ်းရေး ဆွေးနွေးပွဲကို တက်ရောက်ဖို့  ရှမ်းပြည်ပြန်လည်ထူထောင်ရေးကောင်စီ RCSS/SSA ဥက္ကဋ္ဌ ဗိုလ်ချုပ်ကြီးယွက်စစ်ဟာ မေလ ၁၉ ရက် ဒီကနေ့ တာချီလိတ်လေဆိပ်ကနေတဆင့် လေယာဉ်နဲ့ နေပြည်တော်ကို ခရီးထွက်ခွာသွားပါတယ်။ 

ဗိုလ်ချုပ်ကြီးယွက်စစ်ကို ရွှေတြိဂံတိုင်းစစ်ဌာနချုပ်တာဝန်ရှိသူတွေက လေဆိပ်မှာ ကြိုဆိုခဲ့သလို ရှမ်း၊ ပအိုဝ်း၊ လီစူး၊ အခါ၊ လားဟူစတဲ့ တိုင်းရင်းသားဝတ်စုံဝတ်ထားသူတွေကလည်း ငြိမ်းချမ်းရေးဆွေးနွေးပွဲကိုထောက်ခံတဲ့ စာတန်းတွေရေးထိုးထားတဲ့ ပိုစတာတွေကိုင်ပြီး ကြိုဆို နေတာကို တွေ့ရပါတယ်။ 

အာဏာသိမ်းစစ်ခေါင်းဆောင်ဟာ တိုင်းရင်းသားလက်နက်ကိုင်အဖွဲ့(EAOs) ၁၀ ဖွဲ့နဲ့  မေလ ၂၀ ရက်နေ့ စတင်ပြီး နေပြည်တော်မှာ စတင်တွေ့ဆုံဆွေးနွေးသွားမှာဖြစ်တယ်လို့ ဒီနေ့နေပြည်တော်မှာ ပြုလုပ် သတင်းစာရှင်းလင်းပွဲမှာ စစ်ကောင်စီရဲ့ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ပြောပါတယ်။

Photo- PBS

//
More News
Up