မုံရွာမြို့နယ်ထဲ ဆယ်ကြီးတောကျေးရွာမှာ ကျေးကြီး ကြက်၀ိုင်းတခု ပြုလုပ်နေတယ်ဆိုပြီး ဒေသခံတွေက တိုင်ကြားတာကြောင့် ဧပြီ ၁၆ ရက်နေ့ နေ့လယ်ပိုင်းမှာ ဒေသခံ PDF အဖွဲ့တွေက သွားရောက်ဖမ်းဆီးကာ ဖမ်းမိသူတွေကို ဒဏ်ပေးပြီး ပြန်လွှတ်လိုက်တယ်လို့ သိရပါတယ်။
“ဆယ်ကြီးတော-သစ်ညိုပင်လမ်းမကြီးရဲ့ တောင်ဘက်မှာ သကြင်္န်အကြောင်းပြပြီး ကြက်၀ိုင်းလုပ်နေကြတာ။ အရက်၊ ဘီယာတွေသောက်ပြီး ဘောက်တွေအကျယ်ကြီးဖွင့်ပြီး မူးပြီး ကခုန် ဆူညံနေလို့ဆိုပြီး လှမ်းအကြောင်းကြားလို့ မဟာမိတ် ၄ ဖွဲ့ ပေါင်းပြီး သွားဖမ်းကြတာ။ မိတယ်။ သူတို့ရဲ့ ဖုန်း ၁၂ လုံး နဲ့ ငွေ ၃၀၀၀၀၀ ကျော်ကိုလည်း မိတယ်။ ဖမ်းမိတဲ့ လူတွေကို ဒဏ်ပေးတဲ့အနေနဲ့ ထိုင်ထ ၁၀၀ လုပ်ခိုင်ပြီး နောက်မဆော့ဖို့ ပထမအကြိမ်အနေနဲ့ သတိပေး လိုက်တယ်” လို့ ဒဿ Monywa PDF ပြောက်ကြားတပ်ဖွဲ့ က တာ၀န်ရှိသူက ပြောပါတယ်။
ကြက်ဝိုင်းဖမ်းတဲ့အဖွဲ့ကတော့ ဒဿ Monywa PDF ပြောက်ကြားတပ်ဖွဲ့၊ Monywa Generation Tiger ၊ Monywa Special ဒိတ်ဒိတ်ကျဲနဲ့ ဒေါင်းမျိုးဆက်အဖွဲ့တွေ ဖြစ်ပါတယ်။