ထိုင်းနိုင်ငံ တာ့ခရိုင် အုန်းဖျန်ခရိုင်ထဲက နို့ဖိုး ကရင်ဒုက္ခသည်စခန်းက ဆန္ဒပြတဲ့ ကျန်း မာရေးဝန်ထမ်းတွေဟာ တောင်းဆိုချက်အတိုင်းမရပေမယ့် လူထုနစ်နာမှုကို အခြေခံပြီး ပြန်အလုပ်ဆင်းနေပြီလို့ စခန်းဥက္ကဋ္ဌ စောလဆဲပလဲထီးက ပြောပါတယ်။
[caption id="attachment_51502" align="alignright" width="300"] နို့ဖိုးဒုက္ခသည်စခန်း[/caption]နို့ဖိုးဒုက္ခသည်စခန်းက ကျန်းမာရေးဝန်ထမ်းတွေဟာ သူတို့ကို လုပ်ခလစာ ဘတ်ငွေ ၁၀၀၀ တိုးပေးဖို့ ဖေဖော်ဝါရီ ၇ ရက်နေ့ကတည်းက အလုပ်မဆင်းဘဲ ဆန္ဒပြကြတာဖြစ်ပါတယ်။
ဒီဆန္ဒပြမှုနဲ့ပတ်သက်ပြီး Aide Medical International (AMI) တာဝန်ရှိသူတွေနဲ့ တွေ့ဆုံပွဲမှာ တင်ပြခဲ့ရာ လိုက်လျောမှု မပေးခဲ့ပါဘူး။ ဒါပေမယ့် စခန်းတာဝန်ရှိသူတွေက လိုအပ်ချက်တွေကို ဆက်လက်စာတင်ဖို့နဲ့ လူထုတွေရဲ့ လိုအပ်ချက်ကိုကြည့်ဖို့ ပြောဆိုဆွေးနွေးခဲ့တဲ့အတွက် အခုလ ၁၁ ရက်နေ့က ပြန်ပြီး အလုပ်ဆင်းကြတာလို့ စခန်းဥက္ကဋ္ဌ စောလဆဲပလဲထီက ပြောပါတယ်။
ပြီးခဲ့တဲ့နှစ်ကုန်ပိုင်းကစလို့ ထိုင်း-မြန်မာနယ်ခြားကူညီရေးအဖွဲ့ TBC ကနေပြီး ရပ်က္ခာ တချို့ လျော့လိုက်တဲ့အတွက် ကျန်းမာရေးဝန်ထမ်းတွေဟာ အပိုဆောင်းငွေကို တောင်းဆိုခဲ့ပါတယ်။ ဒါကို AMI က သူတို့အခက်အခဲကြောင့် မပေးနိုင်ကြောင်း ၂၀၁၄ မှာ လစာတိုး ပေးမယ်လို့ ပြောဆိုခဲ့တဲ့အပေါ် လစာတိုးရေး ဆန္ဒပြကြတာဖြစ်ပါတယ်။