ယူကရိန်းတွင် ဗုံးခြိမ်းခြောက်မှုများကြောင့် ကျောင်းသားများ ကျောင်းမတက်

ဇန်နဝါရီလထဲ ရုရှားနဲ့ စစ်ရေးပိုမိုတင်းမာနေချိန် ယူကရိန်းနိုင်ငံရဲ့ မြို့ကြီးတွေမှာ ဗုံးအတုတွေနဲ့ လှည့်ဖျား ခြိမ်းခြောက် နောက်ပြောင်မှုတွေ ရှိနေတဲ့အတွက် ကျောင်းသားတွေဟာ ယာယီ ကျောင်းမတက်ဘဲ နေနေကြရပါတယ်။

မနေ့က ဗုံးရှင်းလင်းရေးအဖွဲ့က ကျောင်းတချို့မှာ ပေါက်ကွဲစေနိုင်တဲ့ ဗုံးအတွေအကြောင်း၊ ဗုံးအတုနဲ့ အစစ်ခွဲခြားမှု၊ အရေးပေါ်ပေါက်ကွဲမှု အခြေအနေတွေအကြောင်း ကျောင်းသားတွေ ခေါ်ယူ လေ့ကျင်ပညာပေးခဲ့ပါတယ်။ 

မိုင်းရှင်းလင်းရေးအရာရှိက ကျောင်းသားလူငယ်တွေကို ရှင်းပြရာမှာ အမွှေးပွဇီးကွက်ပုံစံ ဗုံးငယ်တလုံးဟာ ၅ မီတာအတွင်းရှိ လူတိုင်းကို သေစေနိုင်ပြီး ၁၅ မီတာအဝေးထိ လွင့်စင်သွားနိုင်တယ်လို့ ပြောပါတယ်။ 

နောက် အဆောက်အအုံ ပေါက်ကွဲမှုတွေနဲ့ လက်လုပ်ဗုံးတွေအကြောင်း ဗီဒီယိုနဲ့ ပြသပါတယ်။

ကိယက်ဗ်မြို့ သင်တန်းတခုမှာ အသက် ၆ နှစ်မှာ ၁၆ နှစ်အရွယ် ကျောင်းသား ၃၆၅ ယောက် ပါဝင်ပြီး အရေးပေါ် ဥဩသံပေးတဲ့အခါ နှင်းဖုံးလွှမ်းနေတဲ့ ကျောင်းရဲ့အပြင်ကို အားလုံး ပြေးထွက်လေ့ကျင့်ခဲ့ကြပါတယ်။ 

ယူကရိန်းအစိုးရက ဗုံးခြိမ်းခြောက်မှုတွေနဲ့ပတ်သက်လို့ ရုရှားကို အပြစ်တင်ခဲ့ပြီး ရှရှားကလည်း ယူကရိန်းရဲ့ ဗုံးလုံခြုံရေး အရေးပေါ်သင်ကြားမှုတွေကို လှောင်ပြောင်ပြစ်တင်ခဲ့ပါတယ်။

//
More News
Up