မာလီရှိ စစ်အခြေစိုက်စခန်း တိုက်ခိုက်ခံရမှုအတွင်း ပြင်သစ်စစ်သား ၁ ဦး သေဆုံး

မာလီနိုင်ငံ၊ ဂေါင်မြို့က စစ်တပ်အခြေစိုက်စခန်းတခုကို  မော်တာဗုံးသီးနဲ့ တိုက်ခိုက်မှုအတွင်း ပြင်သစ် စစ်သားတယောက် သေဆုံးတယ်လို့ ပြင်သစ်သမ္မတ အီမန်နျူယယ်မက်ခွန်းရဲ့ရုံးက ဇန်နဝါရီ ၂၃ ရက်မှာ ကြေညာချက် ထုတ်ပြန် ပြောဆိုလိုက်ပါတယ်။

အသက် ၂၄ နှစ်အရွယ် သေဆုံးသူ အလက်ဇန်ဒရေမာတင်ဟာ ဂေါင်မြို့က ရှေ့တန်းစစ်ဆင်ရေး အခြေစိုက်စခန်းက စစ်သည်တယောက်ဖြစ်ပါတယ်။

စစ်သွေးကြွတွေရဲ့ မော်တာနဲ့ တိုက်ခိုက်မှုအတွင်း တခြား ပြင်သစ် စစ်သား ၉ ယောက်လည်း ဒဏ်ရာနည်းနည်းရခဲ့တယ်။ ဒါဟာ မာလီမှာ ဖြစ်တောင့်ဖြစ်ခဲတော့ မဟုတ်ဘူးလို့ ပြင်သစ် စစ်တပ် ပြောခွင့်ရက ပြောပါတယ်။

မာတင်ဟာ ဆာဟဲဒေသအတွင်း ၂၀၁၃ ကနေ ခုထိ စစ်ဆင်ရေးအတွင်း သေဆုံးတဲ့ ၅၃ ယောက်မြောက် စစ်သည်ပါ။ သူ့အတွက် ဂုဏ်ပြုပွဲကို မာလီနိုင်ငံမှာရော ပြင်သစ်နိုင်ငံမှာပါ ကျင်းပမယ်လို့ ပြင်သစ် စစ်တပ်က ပြောပါတယ်။

သမ္မတမက်ခွန်းကတော့ ပြင်သစ်ဟာ ဆာဟဲဒေသအတွင်း အကြမ်းဖက်ဝါဒ တိုက်ဖျက်ရေးအတွက် အဟန့်အတားမရှိ ဆက်ပြီး ဆောင်ရွက်သွားမယ်လို့ ပြောခဲ့ပါတယ်။

//
More News
Up