နိုင်ငံခြားမှာ ဆေးကုသရန် တောင်းဆိုတဲ့ ပါကစ္စတန် သမ္မတဟောင်းကို အထူးတရားရုံး ပယ်ချ

နိုင်ငံတော် သစ္စာဖောက်မှု၊ အာဏာအလွဲသုံးစားမှုတွေနဲ့ တရားစွဲခံထားရတဲ့ ပါကစ္စတန် သမ္မတဟောင်း ပါဗတ်ဇ် မူရှရတ်ဖ်က တောင်းဆိုခဲ့တဲ့ နိုင်ငံခြားထွက် ဆေးကုသခွင့်ကို ပါကစ္စတန်အထူးတရားရုံးက ဇန်န၀ါရီလ ၃၁ နေ့က ပယ်ချခဲ့ပါတယ်။ 210425_29292403သမ္မတဟောင်းဟာ ဇန်န၀ါရီလ ၁ ရက်နေ့ တရားရုံးချိန်းအသွားမှာ ရင်ဘတ်နာလာပြီး စစ်ဆေးရုံတခုမှာ ဆေးကုသမှု ခံယူနေတယ်လို့ ဆိုပါတယ်။ ပါကစ္စတန်ဆေးရုံတွေက သူ့ရဲ့ရောဂါကို ကုသဖို့ အဆင့်မမီဘူးလို့ ဆိုပါတယ်။ ပါဗတ်ဇ် မူရှရတ်ဖ် ဟာ အခုအကြိမ်နဲ့ပါဆိုရင် တရားရုံးချိန်းကို ပျက်ကွက်တာ ၃ ကြိမ်ရှိပါပြီ။ အရင်နှစ်ခေါက်ကတော့ လုံခြုံရေးအကြောင်းပြချက်နဲ့ တရားရုံးကို မသွားခဲ့ပါဘူး။ သမ္မတဟောင်းဟာ ပြစ်မှုထင်ရှားရင် သေဒဏ် ဒါမှမဟုတ် တသက်တကျွန်း ဒဏ်ကျခံရမှာ ဖြစ်ပါတယ်။ သမ္မတဟောင်းရဲ့ ရှေ့နေက ဖေဖော်ဝါရီလ ၇ ရက်နေ့မှာလည်း ပါဗတ်ဇ် မူရှရတ်ဖ် ကို ထပ်မံ ရုံးချိန်းထားတယ်လို့ ဆိုပါတယ်။ ပါကစ္စတန်အထူးတရားရုံးက ပါဗတ်ဇ် မူရှရတ် အတွက် အာမခံကြေး အမေရိကန်ဒေါ်လာ ၂၄၀၀၀ သတ်မှတ်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up