ယင်းမာပင်မြို့နယ်တွင် စစ်​ကောင်စီတပ်သား ၁ ဦးကို PDF က ဖမ်းမိ

စစ်ကိုင်းတိုင်း ယင်းမာပင်မြို့နယ် ဘန့်​ဘွေး​ရွာမ ကျေးရွာမှာ တပ်စွဲထားတဲ့ စစ်​ကောင်စီ တပ်သား ၁ ဦးကို ​ဒေသခံ PDF ပူး​ပေါင်းတပ်က ဒီဇင်ဘာ ၂၃ ရက် ည​နေပိုင်းက ဖမ်းဆီးရမိခဲ့တယ်လို့ သိရပါတယ်။

ဘန့်​ဘွေးရွာမ​ ကျေးရွာနဲ့ ၅ မိုင်တိုးဂိတ်ကြားမှာ ဖမ်းမိခဲ့တာဖြစ်ပြီး ဖမ်းမိထားတဲ့ စစ်​ကောင်စီတပ်သားဟာ မုံရွာမြို့ တည်းခိုရိပ်သာ အမှတ်(၅)မှ တပ်သားအဆင့် ​မောင်​ဝေမင်းသူ (ကိုယ်ပိုင်နံပါတ် ၅၀၇၁၉၄)ဖြစ်တယ်လို့ PDF အဖွဲ့ရဲ့ ပထမ စစ်​ဆေးချက်မှာ ထွက်ဆိုတယ်လို့ သိရပါတယ်။ 

ဖမ်းဆီးခံရတဲ့ တပ်သားဆီက မူးယစ်​ဆေး​တွေနဲ့အတူ ကျည်​တောင့်များပါ​တွေ့ရကာ ​မူးယစ်ဆေးပြတ်လပ်​နေတာ​ကြောင့် ​အဆင်မ​ပြေဖြစ်​နေပြီး မသုံးစွဲရရင်မ​နေနိုင်​တော့တာ​ကြောင့် ​မူးယစ်​ဆေးလာဝယ်တာလို့ ဖမ်းဆီးခံရတဲ့တပ်သားက ​ပြောပါတယ်။

ဒါ့အပြင် ဘန့်​ဘွေး​ရွာမ​ကျေးရွာအတွင်းမှာ (ခလရ- ၅၀) တပ်က အင်အား ၅၀ ​ကျော် နဲ့ ရဲတပ်သား ၅၀ ​ကျော် စုစုပေါင်းအင်အား ၁၀၀ ​ကျော်​လောက် တပ်စွဲထားပြီး စား​သောက်​ရေးပိုင်းက​တော့ ​ဒေသခံပြည်သူ​တွေရဲ့ ပစ္စည်းတွေနဲ့ အိမ်​မွေးတိရစ္ဆာန်တွေကို သတ်ဖြတ်စား​သောက်ကြတယ်လို့ အဲဒီတပ်သားက ​ပြောပါတယ်။ ​

ဘန့်​ဘွေးရွာမ ​ကျေးရွာမှာ တပ်စွဲထားတဲ့ စစ်​ကောင်စီတပ်ဖွဲ့ကို ​နေရာစုံ အဖွဲ့​ပေါင်းစုံ PDF အဖွဲ့​တွေက မကြာခဏဆိုသလို လာ​ရောက်ပြီး လက်နက်ကြီး​ လက်နက်ငယ်တွေနဲ့ ပစ်ခတ်ကြတာရှိတယ်။ ဒါ​ပေမယ့် စစ်​ကောင်စီတပ်ဖွဲ့​တွေက​တော့ အပြင်ထွက်မလာဘဲ အကာအကွယ်​ကောင်းတဲ့​ နေရာ​တွေမှာ ​နေရာယူထားပြီး သဲအိတ်​တွေပါ ကာထားတာ​ကြောင့် သူတို့ဘက်မှာလည်း ထိခိုက်မှုနည်းနိုင်သလို PDF အဖွဲ့ဘက်ကလည်း ထိခိုက်မှု မရှိခဲ့ဘူးလို့  PDF အဖွဲ့ဝင်တစ်​ယောက်က ​ပြောပါတယ်။ 

ထွက်​ပြေးတဲ့ ၁ ​ယောက်က​တော့ လိုက်ဝိုင်းဖမ်းလို့ အရှင်ဖမ်းမိခဲ့တာဖြစ်ပြီး ကျည်​တောင့်​တွေသာပါပြီး လက်နက်က​တော့ မပါဘူးလို့ ​ဆိုပါတယ်။ 

စစ်​ကောင်စီတပ်ဟာ ဘန့်​ဘွေးရွာမ​ကျေးရွာကို ဒီဇင်ဘာ ၁၉ ရက်​နေ့ကတည်းက ဝင်​ရောက်တပ်စွဲ​နေတာဖြစ်ပြီး ​ဘန့်​ဘွေးရွာမ​ကျေးရွာအပြင် အနီးနားမှာရှိတဲ့ ​ကျေးရွာတွေက ​​ဒေသခံပြည်သူ​တွေဟာ ​နေအိမ်​တွေမှာမ​နေရဲကြဘဲ ထွက်​ပြေး​နေကြရဆဲဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up