မုံရွာ PDF တပ်ခွဲစခန်းနှင့် မဟာမိတ်စခန်းကို စစ်​​ကောင်​စီတပ်​​များ ဝင်​ရောက်စီးနင်း

စစ်​ကိုင်းတိုင်း မုံရွာ PDF တပ်ခွဲစခန်းတစ်ခုနဲ့ မဟာမိတ်စခန်းတခုကို နိုဝင်ဘာ ၂၃ ရက် မနက် ၅ နာရီ​လောက်​ စစ်ကောင်စီတပ်တွေ ၀င်ရောက်စီးနင်းပြီး မီးရှို့ဖျက်ဆီးသွားတယ်​လို့ သိရပါတယ်​။

မုံရွာမြို့နယ် သက္ကယ်ကျင်း၊ ကိုင်းတော၊ သပြေပင်စု၊ ဇီးကျွန်း၊ ပလ္လင်စတဲ့ ကျေးရွာတွေကို မနက်အစောပိုင်းမှာ စစ်ကောင်စီတပ်တွေ ၀င်ရောက်စီးနင်းခဲ့ပြီး အဲ့ဒီစခန်း ၂ ခုကို မီးရှို့ဖျက်ဆီးခဲ့တာလို့ မုံရွာ  မုံရွာပြည်သူ့ကာကွယ်ရေးတပ်ဖွဲ့ (MPDF) က ထုတ်ပြန်ထားပါတယ်။

တပ်ခွဲစခန်းနဲ့ မဟာမိတ်စခန်းတစ်ခု မီးရှို့ဖျက်ဆီးခံလိုက်ရတဲ့အထဲမှာ ဆိုင်ကယ် ၄ စီး အပါအဝင် ကာလတန်ဖိုး သိန်း ၇၀  ဖိုးလောက် ပျက်စီးဆုံးရှုံးခဲ့ရပေမယ့် ရဲဘော်တွေ  ထိခိုက်ဒဏ်ရာရှိမှုနဲ့ ဖမ်းဆီးခံရခြင်းမရှိခဲ့ဘူးလို့ ဆိုပါတယ်။

စစ်ကောင်စီတပ်တွေဟာ အနီးအနား ကျေးရွာတွေက နေအိမ်တွေကိုလည်း အကြမ်းဖက်ဖျက်ဆီးခဲ့ကြပြီး ပြည်သူအချို့ကိုလည်း ဖမ်းဆီးသွားတယ်လို့ သိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up