ဘင်္ဂလားဒေ့ရ်ှမှာ အကြမ်းဖက်မှုတွေကြား ကျင်းပခဲ့တဲ့ ရွေးကောက်ပွဲအလွန်မှာ လက်ရှိ ၀န်ကြီးချုပ် ဦးဆောင်တဲ့ အစိုးရအဖွဲ့ကပဲ သက်တမ်းသစ်အတွက် ဇန်န၀ါရီ ၁၂ ရက်နေ့မှာ ကျမ်းသစ္စာ ကျိန်ဆိုပါတယ်။ အစိုးရအဖွဲ့သစ်ကိုလည်း  အသက် ၆၄ နှစ်အရွယ် ရှိတ်ဟာစီနာကပဲ ၀န်ကြီးချုပ်အဖြစ် ဆက်ဦးဆောင်ပါတယ်။ [caption id="attachment_50134" align="alignright" width="300"] ၀န်ကြီးချုပ် ရှိတ်ဟာစီနာ[/caption] အားလုံး ပါဝင်နိုင်တဲ့ ရွေးကောက်ပွဲသစ်ကို ကျင်းပဖို့ နိုင်ငံတကာ က တောင်းဆိုမှုတွေ မြင့်တက်နေချိန်မှာ လက်ရှိ အစိုးရကပဲ တတိယသက်တမ်းအတွက် ကျမ်းသစ္စာ ကျိန်ဆိုတာ ဖြစ်ပါတယ်။ အရင်တပတ်က ကျင်းပခဲ့တဲ့ အထွေထွေရွေးကောက်ပွဲကို အတိုက်အခံက သပိတ်မှောက်ခဲ့ပြီး မဲဆန္ဒနယ် နယ်မြေအားလုံးရဲ့ တ၀က်မှာပဲ ရွေးကောက်ပွဲ ကျင်းပခဲ့ပါတယ်။ ၀န်ကြီးချုပ် ရှိတ်ဟာစီနာရဲ့ အ၀ါမီအဖွဲ့ချုပ် ပါတီက ၃ ပုံ ၂ ပုံကျော်မှာ အနိုင်ရခဲ့တယ်ဆိုပေမယ့် ရွေးကောက်ပွဲရဲ့ တရားဝင်မှုအပေါ် မေးခွန်းထုတ်စရာဖြစ်နေတာပါ၊ အတိုက်အခံကတော့ အစိုးရသစ်ဟာ တရားမ၀င်ရုံမက ပြည်သူတွေကို ဖိနှိပ်တဲ့ အာဏာရှင်ဆန်တဲ့ အစိုးရအဖွဲ့ ဖြစ်တယ်လို့ စွပ်စွဲလိုက်ပါတယ်။ အမေရိကန် အစိုးရကလည်း အစိုးရသစ်နဲ့ အတိုက်အခံတို့ ချက်ချင်း တွေ့ဆုံပြီး လွတ်လပ်မျှတပြီး တရားဝင်မှုရှိတဲ့ ရွေးကောက်ပွဲသစ်ကိ်ု ငြိမ်းချမ်းစွာ ကျင်းပနိုင်ဖို့ ညှိနှိုင်းဖို့ တိုက်တွန်းလိုက်ပါတယ်။ ၀န်ကြီးချုပ် ဟာစီနာကတော့ အကြမ်းဖက်မှုတွေကို အဆုံးသတ်သွားစေဖို့ ကြပ်ကြပ်မတ်မတ် ကိုင်တွယ်သွားမယ်လို့ သံန္နိဋ္ဌာန် ပြုလိုက်ပါတယ်။ ဘင်္ဂလားဒေ့ရ်ှမှာ ပေါ်ပေါက်နေတဲ့ အကြမ်းဖက်မှုတွေဟာ အဓိက နိုင်ငံခြားငွေ ၀င်တဲ့ အထည်ချုပ် လုပ်ငန်းကို ထိခိုက်နေပါတယ်။ ရွေးကောက်ပွဲနဲ့ ဆက်နွယ်နေတဲ့ အဓိကရုဏ်းတွေအတွင်း လူ ၁၅၀ နီးပါးလည်း သေဆုံးခဲ့ပါတယ်။