ဟိုင်နန်ခရိုင်အစိုးရ ခွင့်ပြုချက်မရဘဲ တောင်တရုတ်ပင်လယ်တွင် ငါးဖမ်းလျှင် ဒဏ်ရိုက်မည်

တရုတ်နိုင်ငံခြားရေးဌာနရဲ့ ပြောခွင့်ရသူ ဟွာချန်ရီ
ဟိုင်နန်ခရိုင် အစိုးရရဲ့ ခွင့်ပြုချက်မပါဘဲ တောင်တရုတ်ပင်လယ်ကို နိုင်ငံခြား ငါးဖမ်းလှေ တွေ ၀င်သွားရင် ဒဏ်ရိုက်ခံရနိုင်တဲ့ ဥပဒေသစ်ကို ဒေသန္တရအစိုးရက ပြဌာန်းလိုက်ပါတယ်။ [caption id="attachment_50016" align="alignleft" width="300"]တရုတ်နိုင်ငံခြားရေးဌာနရဲ့ ပြောခွင့်ရသူ ဟွာချန်ရီ တရုတ်နိုင်ငံခြားရေးဌာနရဲ့ ပြောခွင့်ရသူ ဟွာချန်ရီ[/caption]ဟိုင်နန်ခရိုင်လွှတ်တော်က ပြီးခဲ့တဲ့နှစ် နိုဝင်ဘာလအတွင်းမှာ ပြဌာန်းလိုက်တဲ့ ဥပဒေအရ ၂၀၁၄ ခုနှစ် ဇန်န၀ါရီ ၁ ရက်နေ့မှာ စပြီး အသက်ဝင်နေပြီလို့ ဒေသအစိုးရရဲ့ ၀က်ဆိုဒ် စာမျက်နှာမှာ ဖော်ပြထားပါတယ်။ တရုတ်နိုင်ငံခြားရေးဌာနရဲ့ ပြောခွင့်ရသူ ဟွာချန်ရီကတော့ ဒါဟာ ရှိသင့်ရှိထိုက်တဲ့ ဥပဒေပဲလို့ ပြောပါတယ်။ “ဗဟိုအစိုးရရဲ့ ဥပဒေတွေနဲ့အညီ ပင်လယ်နဲ့ ထိစပ်နေတဲ့ ဒေသန္တရအစိုးရတွေက သင့်တော်တဲ့ ဥပဒေတွေကို ထုတ်ပြန်တာ ထုံးစံပဲ ဖြစ်ပါတယ်။ သဘာဝပတ်ဝန်းကျင် ထိန်းသိမ်းရေးနဲ့ ရေသံယံဇာတတွေ အရင်းအမြစ်တွေ စီမံခန့်ခွဲရေးနဲ့ ထိန်းသိမ်းရေး ကိစ္စတွေနဲ့ ပတ်သက်တဲ့ ဒီလို ဥပဒေမျိုးတွေ ရှိသင့်တယ်” လို့ ပေကျင်းမှာ လုပ်တဲ့ ပုံမှန် သတင်းစာရှင်းလင်းပွဲမှာ တရုတ်နိုင်ငံခြားရေးဌာန ပြောခွင့်ရသူက ပြောပါတယ်။ ဒါပေမယ့် တရုတ်အစိုးရက ဥပဒေကို တင်းတင်းကျပ်ကျပ် ကိုင်တွယ်လာရင်တော့ ဒေသတွင်းမှာ တင်းမာမှုတွေ တိုးလာနိုင်ဖွယ် ရှိပါတယ်။ ရေနံနဲ့ ဓာတ်ငွေ့ ကြွယ်ဝတဲ့ တောင်တရုတ်ပင်လယ်တခုလုံးနီးပါးကို တရုတ်အစိုးရက သူ့အပိုင်လို့ ပြောနေပေမယ့် ဖိလစ်ပိုင်၊ ထိုင်ဝမ်၊ မလေးရှား၊ ဘရူးနိုင်းနဲ့ ဗီယက်နမ်တို့က လက်မခံပါဘူး။ အခု နောက်ဆုံး ပြဌာန်းလိုက်တဲ့ ဥပဒေသစ်ကို ရှင်းရှင်းလင်းလင်းသိဖို့ ကြိုးစားနေတယ်လို့ ဖိလစ်ပိုင်အစိုးရက ဇန်န၀ါရီ ၉ ရက်နေ့က ပြောပါတယ်။ နောက်ဆုံး ဥပဒေမှာ အပြစ်ကျူးလွန်ရင် ဘယ်လို အပြစ်ပေးမလဲဆိုတာကိုတော့ ပြဌာန်း မထားပေမယ့် ၂၀၀၄ ခုနှစ်က တရုတ်အစိုးရက ပြဌာန်းထားတဲ့ ဥပဒေအတိုင်းဆိုရင်တော့ တရုတ်အစိုးရဆီက ခွင့်ပြုချက်မရဘဲ တရုတ်ရေပိုင်နက်ထဲကို ၀င်လာတဲ့ လှေတွေကို ဖမ်းဆီးပြီးတော့ အမေရိကန်ဒေါ်လာ ၈ သောင်း ၂ ထောင် ၆ ရာနဲ့ ညီမျှတဲ့ တရုတ်ယွမ်ငွေ ၅ သိန်း ပေးဆောင်ရမယ်လို့ ဖော်ပြထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up