မန္တလေးမြို့၊ ချမ်းအေးသာစံမြို့နယ်၊ ပြည်ကြီးမျက်မှန်အရန်မီးသတ်က တပ်ဖွဲ့ဝင် ၂ ဦး ဖမ်းဆီးခံခဲ့ရတယ်လို့ သိရပါတယ်။
နိုဝင်ဘာ ၉ ရက် ည ၈ နာရီဝန်းကျင်က ဖမ်းဆီးတာဖြစ်ပြီး အရန်မီးသတ်တပ်ဖွဲ့ဝင်တစ်ဦးဟာ လုံခြုံရေး ရဲတပ်သားဆီကနေ သေနတ်လုယူခဲ့တဲ့အတွက် ဖမ်းဆီးခံရတာလို့ ဆိုပါတယ်။
“ညက တစ်ယောက် ဖမ်းတယ်။ မနက်ကျ တစ်ယောက်ထပ်ဖမ်းတယ်။ ညက လာဖမ်းတာက သေနတ်လုယူသွားလို့ ဆိုပြီးဖမ်းတာ။ မနက်ကတစ်ယောက်ကတော့ ဘာလို့လည်း မသိဘူး။” လို့ အနီးပတ်ဝန်းကျင်ရှိ ပြည်သူတစ်ဦးက ပြောပါတယ်။
အခုလက်ရှိမှာ ဖမ်းဆီးခံရတဲ့ မီးသတ်တပ်ဖွဲ့ဝင် နှစ်ယောက်လုံးကို အမှတ် ၃ ရဲစခန်းမှာ စစ်ဆေးတာတွေ လုပ်နေတယ်လို့ သိရပါတယ်။