ပဲခူးတိုင်း ပြည်မြို့ ပြည်သူ့ဆေးရုံကြီးအဝင်ဝ ထောင့်နဲ့ရထားသံလမ်းကြားမှာ နိုဝင်ဘာ ၂ ရက်နေ့ ၁၀ နာရီဝန်းကျင်က တပ်ထောက်ခံပွဲ ပြုလုပ်နေချိန် ဗုံးပေါက်ကွဲခဲ့တယ်လို့ သိရပါတယ်။
ဒေသခံတစ်ဦးက “တပ်ထောက်ခံပွဲလုပ်ဖို့ စကားတွေဟောပြောနေတုန်း ရှိသေးတယ်။ ဗုံးပေါက်သွားတာ၊ အကုန်ခွေးပြေး ဝက်ပြေး ပြေးကြတာ၊ ဘယ်သူမှတောင် မရှိတော့ဘူး။ ထိခိုက်ဒဏ်ရာရသူလည်း မရှိဘူး”လို့ ပြောပါတယ်။
တပ်ထောက်ခံပွဲလုပ်ဖို့ လမ်းဆုံမှာ စုပြီး လူအယောက် ၁၀၀ ဝန်းကျင်နဲ့ ဟောပြောနေတုန်း အနောက်မှာ ဗုံးကွဲတာကြောင့် လူတွေပြေးကုန်ပြီး တပ်ထောက်ခံပွဲလည်း ပျက်သွားတယ်လို့ သိရပါတယ်။
တပ်ထောက်ခံပွဲအတွက် စုရပ်ကို ပြည်မြေအောက်ပြောက်ကျားတပ်ဖွဲ့ PUGF အဖွဲ့ ၅ က ဗုံးဖောက်ခွဲခဲ့တာလို့ ထုတ်ပြန်ထားပါတယ်။