ယင်းမာပင်မြို့တွင် ဗုံး ၅ လုံး ဆက်တိုက်​ပေါက်ကွဲ

စစ်ကိုင်းတိုင်း ယင်းမာပင်ခရိုင် ယင်းမာပင်မြို့တွင်းမှာ ​အောက်တိုဘာ ၂၆ ရက် မနက်ပိုင်းက ဗုံး ၅ လုံး ​ပေါက်ကွဲခဲ့တယ်လို့ သိရပါတယ်။

ဒီ​နေ့မနက် ၄ နာရီ​ကျော်​လောက် ​နေရာ ၅ ​ခုမှာ ​ပေါက်ကွဲခဲ့တာလို့ ​ဒေသခံပြည်သူ​တွေက ​ပြောပါတယ်။ 

​ပေါက်ကွဲခဲ့တဲ့​နေရာ​တွေက​တော့ ရဲစခန်းအနီး အ​မေ​ရေယာဥ်လမ်းခွဲ၊ မြို့နယ်ဆရာဝန်ကြီး​ နေအိမ်အနီး လက်ပံပင်​အောက်၊ အ​ခြေခံပညာ အထက်တန်း​ကျောင်းရှေ့၊ မီးသတ်စခန်း​အနီး နဲ့ ပြည်​ထောင်စုကြံ့ခိုင်​ရေးနှင့်ဖွံ့ဖြို့​ရေးပါတီရုံး ​မြောက်ဘက်တို့မှာ ​ပေါက်ကွဲခဲ့တာလို့ ဆိုပါတယ်။

ဗုံး​ပေါက်ကွဲမှု​ကြောင့် မုန့်​ပေါင်း​စျေးသည် ၁ ဦး အနည်းငယ်ထိခိုက်သွားတယ်လို့ ဒေသခံတဦးက ပြောပါတယ်။

ဗုံး​​ဖောက်ခွဲမှုနဲ့ပတ်သက်ပြီး ဘယ်အဖွဲ့အစည်းက လုပ်​ဆောင်တယ်ဆိုတာ မသိရ​သေးသလို ထုတ်ပြန်​ကြေညာထားတာလည်း မရှိ​သေးပါဘူး။

More News
Up